10 қыркүйек күні Maqsut Narikbayev University-де жаңа оқу жылының бастауындағы маңызды оқиғалардың біріне айналған дәстүрлі студенттік ұйымдар жәрмеңкесі өтті. Іс-шара университеттің екі алаңында — Конференц-холл мен MNU Public Library-де ұйымдастырылып, жүздеген студенттерді, оқытушыларды және студенттік қауымдастық өкілдерін бір шаңырақ астына жинады.

Биылғы жәрмеңкеде ғылым мен кәсіби қауымдастықтардан бастап шығармашылық және спорттық клубтарға дейін түрлі бағыттағы 40-қа жуық студенттік ұйым таныстырылды. Студенттер ұйымдардың қызметімен танысып, қызықтырған сұрақтарын қойып, өз әлеуетін жүзеге асыра алатын бірлестіктерді таңдауға мүмкіндік алды.

Студенттік ұйымдар жәрмеңкесі — бірінші курс студенттерінің бейімделуінің және жоғары курс студенттерінің белсенді университеттік өмірге тартылуының маңызды бөлігі. Клубтар мен ұйымдарға қатысу студенттерге көшбасшылық пен коммуникациялық дағдыларды дамытуға, пікірлес достар табуға, дүниетанымын кеңейтуге және болашақ кәсіби қызметте қажет болатын практикалық тәжірибе жинақтауға мүмкіндік береді.

The post MNU студенттік өмірі: ғылымнан шығармашылыққа дейін appeared first on MNU.

Maqsut Narikbayev University-де БҰҰ Еріктілер бағдарламасының атқарушы үйлестірушісі Тойлы Құрбанов еріктілер ұйымдарының өкілдері және жастар белсенділерімен кездесті. Кездесу барысында еріктіліктің Орнықты даму мақсатына қол жеткізудегі рөлі және Халықаралық еріктілер жылына дайындық барысы талқыланды.

Жиын барысында қатысушылар Қазақстанда іске асырылатын негізгі іс-шаралар жоспарын және БҰҰ Еріктілер бағдарламасының жаһандық бастамаларын жергілікті деңгейде жүзеге асыру тетіктерін қарастырды. Әсіресе жастардың белсенділігі мен еріктілік тәжірибелерінің тұрақтылығына ерекше назар аударылды. MNU студенттік істер жөніндегі вице-провосты Мақсат Мұсабеков студенттерде азаматтық жауапкершілікті қалыптастыруда жүйелі көзқарастың маңыздылығын атап өтті.

«Біздің университетте CSI – Creativity, Service, Intelligence міндетті курсы бар. Оның негізгі бағыттарының бірі – еріктілік. Студенттер бірінші курстан бастап төртінші курсқа дейін қоғамға пайдалы бастамаларға өз үлестерін қосады. Бұл олардың өмірлік белсенді ұстанымын қалыптастырып, қоғамдағы өзгерістерге қатыстылығын сезінуге мүмкіндік береді. Еріктілік арқылы университет тек студенттің тұлғасын ғана дамытпай, елдің әлеуметтік дамуына да үлес қосады», — деді Мақсат Мұсабеков.

Айта кетейік, Мемлекет басшысы Қасым-Жомарт Тоқаевтың бастамасымен БҰҰ Бас Ассамблеясы 2026 жылды Орнықты даму мақсаттарға қол жеткізу үшін Халықаралық еріктілер жылы деп жариялады. Қазақстан әлемде алғаш болып Ұлттық ұйымдастыру комитетін құрған мемлекет. Сонымен қатар Алматыда БҰҰ Еріктілер қозғалысының Орталық Азиядағы субөңірлік кеңсесі ашылмақ.

The post Халықаралық еріктілер жылы: БҰҰ өкілі MNU-да белсенділермен кездесу өткізді appeared first on MNU.

Іс-шара студенттерді, сарапшылар мен әріптестерді экологиялық трансформация саласындағы практикалық шешімдерді іздеуге біріктірді. 11 команда түрлі жобаларды ұсынды, олардың арасында кәдеге жаратудың тұйық циклдерін құру мен университеттік ортада саналы түрде ресурстарды тұтыну мәдениетін енгізу бар. Жеңімпаздар Эко Хакатон серіктестерінің ақшалай сертификаттарымен марапатталды.

Айта кетейік, EcoMind шеңберінде қатысушылар үшін экология және орнықты даму саласындағы танымал сарапшылардың дәрістері өткізілді.

The post MNU-да Эко Хакатон өтті appeared first on MNU.

Бұған дейінгі құрылтай отырыстарында қоғамда жиі көтерілген – тұрмыстық зорлық-зомбылықты жою, балалардың қауіпсіздігін қамтамасыз ету, азаматтардың құқықтарын қорғау секілді мәселелер енді заң деңгейінде шешімін тапты.

Соның ішінде әйелдер мен балалардың қауіпсіздігін қамтамасыз етуге бағытталған заң аясында тұрмыстық зорлық-зомбылыққа жаза күшейтілді. Педофилия үшін өмір бойына бас бостандығынан айыру жазасы енгізілді. Сондай-ақ вейптер мен түтінсіз темекі өнімдеріне толық тыйым салынды. Мемлекеттік наградалар жүйесіне өзгерістер енгізіліп, Ұлы Отан соғысы батырларының есімдері «Айбын» орденіне берілді. Ономастика саласында атауларды беру тәртібі жетілдіріліп, орталық уәкілетті органның келісімі міндеттелді.

Құмар ойындарға шектеу енгізіліп, борышкерлер мен мемлекеттік қызметшілерге онлайн-казиноға қатысуға тыйым салынды. Тарихи-мәдени мұралар мен табиғи объектілерді қорғау мақсатында вандализмге қарсы жаза күшейтілді. Сонымен қатар, еліміздің ғылым, өндіріс, ауыл шаруашылығы сынды салаларында ерекше еңбек еткен азаматтарға жаңа құрметті атақтар бекітілді. Есірткімен күрес бағытында да нақты шаралар қабылданып, ұйымдасқан есірткі өндірісіне қатысты жаза қатаңдатылды. Археологиялық жұмыстарды жүйелеу және бақылау мақсатында тиісті құқықтық база жетілдіріліп жатыр.

Бұл реформалар Ұлттық құрылтайда айтылған қоғамдық пікірдің заңнамада нақты көрініс табуының айқын мысалы. Бұл бастамалар әділетті, қауіпсіз және адам құқығын алдыңғы орынға қоятын қоғам құруға бағытталған.

Рухани жаңғыру мен ұлттық тәрбие – Құндылықтар нақты жүйеге айналды

Қоғамда тәрбие мен рухани дамудың маңыздылығы Ұлттық құрылтайдың алғашқы отырыстарынан бері айтылып келеді. Бүгінде сол ұсыныстар нақты жүйелі тәрбие тұжырымдамасы ретінде жүзеге асты.

2024 жылдың 1 қыркүйегінен бастап мектептерде енгізілген «Біртұтас тәрбие» бағдарламасы – құрылтай алаңында бұрын айтылған идеялардың жемісі. Бұл бағдарлама алты іргелі ұлттық құндылыққа негізделеді: Тәуелсіздік, Отаншылдық, Бірлік, Заң мен тәртіп, Еңбекқорлық, Жаңашылдық.

Сондай-ақ, Ұлттық кітап күні алғаш рет 2025 жылдың 23 сәуірінде атап өтілмек. Сонымен қатар, «Беташар» дәстүрі ЮНЕСКО-ның материалдық емес мұралар тізіміне енгізілді. «Qazaq Culture» атты сегіз тілде жұмыс істейтін онлайн платформа іске қосылды. Қазақтың көрнекті тұлғаларына шет елдерде ескерткіштер орнатылды. Бұл жобалар қоғам санасын жаңғырту, жастардың ұлттық рухын күшейту бағытында жасалған нақты жұмыстардың нәтижесі.

The post Заңнамалық бастамалар – Құрылтайда көтерілген мәселелер нақты нәтижеге айналды appeared first on MNU.

Maqsut Narikbayev University фотография мен контент-креаторлыққа қызығатын барлық жандарды фотограф әрі визуалды суретші Дархан Жағыпаровпен (@m1dwaaay) қонақ дәрісіне шақырады!

Кездесудің тақырыбы – фотографтар мен контент-креаторлар үшін жеке бренд қалыптастыру. Лекция барысында индустрияда дамудың негізгі мәселелері қарастырылады: әртүрлі жанрларда қалай жұмыс істеу, өзіндік стильді табу, кәсіби ортада ерекшелену, клиенттерді тарту және ілгерілету стратегиясын құру. Спикер өз тәжірибесімен бөлісіп, визуалды контент саласындағы өзекті трендтерді талдап, қатысушылардың сұрақтарына жауап береді.

Лекция 21 ақпан күні, жұмада, сағат 13:00-де Pesonicha кеңістігінде, “Large” алаңында өтеді. Бұл шара фотография, визуалды контент жасау және креативті индустрияда даму жолдарын іздейтіндер үшін пайдалы болмақ. Қатысушылар үшін бұл тәжірибе алмасуға, жаңа байланыстар орнатуға және сарапшыдан құнды практикалық кеңестер алуға тамаша мүмкіндік.

The post ДАРХАН ЖАҒЫПАРОВПЕН ҚОНАҚ ДӘРІС: ФОТОГРАФТЫҢ ЖЕКЕ БРЕНДІН ҚҰРУ appeared first on MNU.

Табысқа жетудің сыры неде? Еңбек, сенім, ізденіс – шыңға жетелейтін үш қағида! 

Қазақстанның еңбек сіңірген қайраткері, танымал актер Әділ Ахметов Maqsut Narikbayev University қабырғасында қонақтық дәріс өткізеді.

Әділ Ахметов – Қазақстанның еңбек сіңірген қайраткері, театр және кино актері, тележүргізуші, продюсер.

Оның шығармашылық жолы кино мен телехикаяларда сомдаған алуан түрлі рөлдерді қамтиды. Әділ Ахметов әр образға жан бітіріп, көрерменнің жадында жарқын әрі шынайы кейіпкерлерімен сақталды. Ол отандық кино өнерінің дамуына сүбелі үлес қосып, ауқымды киножобаларға қатысып ғана қоймай, жаңа буын актерлеріне қолдау көрсетіп, оларды шабыттандырады.

Әділ Ахметов актерлік өнерімен ғана емес, сондай-ақ мотивациялық спикер ретінде де танымал. Ол табысқа жету, мақсатқа ұмтылу және өзін-өзі жүзеге асыру туралы ойларымен бөлісіп, тыңдаушыларына шабыт береді. Оның өмір жолы – еңбек, сенім және үздіксіз ізденіс арқылы биіктерді бағындырудың жарқын үлгісі.

Maqsut Narikbayev University қабырғасындағы кездесу барысында ол өзінің еңбек жолы, бастан өткізген қиындықтары мен алға қойған мақсаттарына жетуге көмектесетін құпиялар туралы әңгімелейді.

Іс-шара 10 ақпанда сағат 17:00-де 0 қабатта,  Large  залында (Pesochnica) өтеді.

Кел, тыңда, сұрақ қой – тәжірибе алмасу мүмкіндігін жіберіп алма!

The post ӘДІЛ АХМЕТОВ MAQSUT NARIKBAYEV UNIVERSITY ҚАБЫРҒАСЫНДА ТАБЫС ҚҰПИЯСЫМЕН БӨЛІСПЕК! appeared first on MNU.

Жаңа локацияда әртүрлі іс-шаралар, қонақ лекциялары, студенттік ұйымдар кездесулері және шығармашылық белсенділіктер өткізуге болады. Модульдік құрылым кеңістікті нақты іс-шараға сәйкес тез бейімдеуге мүмкіндік береді, ал эргономикалық жабдықтау оны қысқа кездесулер мен ұзақ талқылаулар үшін ыңғайлы етеді. Pesochnica көпфункциялы жұмыс аймағын, төрт Кіші, екі Орташа форматтағы кабинетті және 80 адамға арналған Үлкен кабинетті қамтиды. Сонымен қатар, multispace-ке Google кеңселеріндегі сияқты сырғанақ арқылы кіруге болады.

Жаңа кеңістікті салтанатты түрде Қазақстан Республикасы Ғылым және жоғары білім министрі Саясат Нурбек және MNU Қамқоршылық кеңесінің мүшесі, АХҚО Сотының тіркеушісі әрі аппарат жетекшісі Кристофер Кэмпбелл-Холт ашты. Министр Студенттер ісі департаментінің (DSA) қызметімен танысып, университет студенттері өтетін CSI (Creativity, Service, Intelligence) курсының ерекшеліктерін қарастырды. Сондай-ақ, Саясат Нурбек MNU-ді инфрақұрылымды жақсартуға инвестиция салатын университеттер арасында тамаша үлгі ретінде атап өтті.

Жаңа қоғамдық кеңістіктің атауы кездейсоқ таңдалмағанын атап өткен жөн. Құмсалғыш – балалық шақта алғашқы коммуникациялар орын алатын жер болса, ал ғылымда ол жаңа идеялар мен әзірлемелерді сынақтан өткізетін эксперименттік аймақтармен байланысты. Айта кетейік, Pesochnica-дан басқа университетте бірнеше басқа қоғамдық кеңістіктер жұмыс істейді.

“Біздің жаңа орнымыз бүгінде университетте 40-тан астам студенттік ұйымдарға арналған. Олар әртүрлі бағыттарды қамтып, студенттер арасында үлкен танымалдылыққа ие. Осы ұйымдарға қатысу арқылы студенттер өздерінің шығармашылық және интеллектуалдық қабілеттерін дамытуға көмектесетін және университеттің және жалпы қоғамның әлеуметтік өміріне терең араласуға ықпал ететін CSI курсынан өтеді. Мен Pesochnica біздің студенттеріміз үшін жаңа шабыт көзіне айналып, олардың идеяларын жүзеге асыруда қосымша серпін береді деп сенемін”, – деді MNU басқарма төрағасы Талғат Нәрікбаев.

Pesochnica қоғамдық кеңістігін пайдалану ыңғайлылығы үшін жақын арада Spaces MNU жаңа онлайн платформасы іске қосылды.

The post PESOCHNICA, GOOGLE СТИЛІНДЕГІ СЫРҒАНАҚ, КОВОРКИНГ: MNU-ДЕ СТУДЕНТТЕРГЕ АРНАЛҒАН ЖАҢА ҚОҒАМДЫҚ КЕҢІСТІК АШЫЛДЫ appeared first on MNU.

Шараның алғашқы сәттерінен бастап, барлық қатысушылар мен көрермендер шабыт, шығармашылық және бірлік атмосферасына еніп кетті. Университеттің төрт мектебі өздерінің жоғары дайындық деңгейін көрсетті. Әрбір өнер көрсету көрермендерге мақтаныш, қуаныш, таңданыс, тіпті кейде көз жасын тудыратын ерекше сезім сыйлады.

РЕСМИ БӨЛІМ

Іс-шара Қазақстан Республикасының Ғылым және жоғары білім министрі Саясат Нұрбектің құттықтау сөзінен басталды. Министр бірінші курс студенттерін өмірінің жаңа кезеңінің басталуымен құттықтап, университет пен мемлекет ұсынатын білім мен мүмкіндіктердің маңыздылығын атап өтті.

«Сіздер тәуелсіз еліміздің ең үздік өскелең ұрпағысыздар. Университет беретін барлық мүмкіндіктерді мейілінше пайдаланып, армандарыңызға сенімді қадам басыңыздар», — деді министр сөз соңында.

Maqsut Narikbayev University провосты Пен Сергей Геннадьевич те өз сөздерімен студенттерге ерекше шабыт сыйлады.

Сергей Геннадьевич өз сөзінде қазақ халқы ежелден өзінің бостандығы мен бірлігімен танылатынын және билердің терең даналығы, әділеттілігі және халыққа жүрекке жететіндей сөз айту шеберлігі үшін құрметке ие болғанын айырықша атап өтті. Провосттың айтуынша, бұл құндылықтар бүгінгі күні де өзектілігін жоғалтқан жоқ және жастарды әділетті әрі үйлесімді қоғам құруға шабыттандырады.

Бірінші курс студенттері 1994 жылдан бастап терең бойлайтын дәстүрлі ант беру рәсімінен өтті. Бұл сәт студенттердің академиялық отбасыға қабылдануын және университеттің білімге, адалдыққа және жауапкершілікке негізделген құндылықтарын ұстануға дайындығын білдіреді.

Рәсімнің маңызды бөлігінің бірі – 2022 жылдан бері дәстүрге айналған Қазақстан Республикасының ең үлкен туын жайып көрсету болды. Бұл салтанатты сәт бірліктің және патриотизмнің символы ретінде ұлттық құндылықтардың маңыздылығын және ортақ мақсаттарға жетудегі ауызбіршілікті еске салды.

ӘЛЕУМЕТТІК ЖОБАЛАР

2024 жылғы Студенттер қатарына қабылдау тек мереке ғана емес, сонымен қатар студенттердің әлеуметтік жауапкершілігінің үлгісіне айналды. Әр мектеп қоғамды қолдауға бағытталған ауқымды жобаларын таныстырып, көрермендерді терең әсерге бөледі және бірліктің шынайы күшін көрсетті.

Халықаралық журналистика мектебі мүмкіндігі шектеулі жандар мен қарт азаматтарға көмек ұйымдастырды. Студенттер әлеуметтік осал топтарды қолдауға бағытталған бірқатар іс-шаралар өткізді: азық-түлік жиынтықтарын дайындады, мәдени кездесулер өткізді және мүмкіндігі шектеулі жандардың мәселелері туралы бейнероликтер жасады. Бұл жоба қоғамның хабардарлығын арттырудағы және көмекке мұқтаж адамдардың өмір сүру сапасын жақсартудағы маңызды қадам болды.

Халықаралық экономика мектебі жалғызбасты аналар мен олардың балаларын қолдауға бағытталған жобаны жүзеге асырды. 2014 жылдан бастап мектеп “Аналар үйімен” тығыз байланыста жұмыс істейді. Университет студенттері мен профессорлары психология, жұмысқа орналасу және қаржылық сауаттылық бойынша тренингтер өткізді. Сондай-ақ, әйелдер шығармашылық арқылы эмоцияларын білдіре алатын арт-терапия ұйымдастырылды. Айрықша жетістік ретінде Digital Holding IT-компаниясының қолдауымен жаңа жылыту қазандықтарын орнатып, 18 тонна көмір жеткізуді атап өтуге болады. Сонымен қатар, бірінші курс студентінің асыраушысынан айырылған отбасына баға жетпес көмек көрсетілді — студенттер MNU-дағы 4 жылдық оқу ақысын толығымен өтеп, қиын кезеңде жан-жақты қолдау жасады.

Жоғары гуманитарлық мектеп күш-жігерін өз үйлерінде тұратын жалғыз басты қарт адамдарға қолдау көрсетуге бағыттады. Студенттер қарттарды азық-түлік себеттері, дәрі-дәрмектер, жылы киімдер мен алғашқы қажеттіліктермен қамтамасыз етті. Олар қарттар үйлеріне жеке барып, тұрмыстық істерде көмек көрсетіп, жанға жылу сыйлайтын әңгімелер жүргізіп, қамқорлық пен мейірім атмосферасын қалыптастырды. Бұл жоба ұрпақтар сабақтастығының маңыздылығын көрсететін тамаша үлгі болды.

Құқық жоғары мектебі су тасқынынан зардап шеккендерге және шұғыл қолдауды қажет ететін жандарға көмектесуге күш салды. Студенттер сенбіліктер ұйымдастырып, жануарларға арналған баспаналарға барды, жиналған қаражаттың бір бөлігі зардап шеккендерге қажетті заттарды сатып алуға жіберілді. Олардың жобасының шарықтау шегі “Rakhmet Group”құрылыс компаниясымен бірлесіп көп балалы ананың пәтерін табыстау болды.

«Бірлік түбі тірлік», — деп атап өтті студенттер Мақсұт Сұлтанұлы Нәрікбаевтың сөздерін келтіре отырып:
«Қоғам сүйіспеншілікпен бірігеді, әділдікпен өмір сүреді, адал еңбекпен дамиды».

ШЫҒАРМАШЫЛЫҚ ҚОЙЫЛЫМДАР

2024 жылдың Студенттер қатарына қабылдау рәсімінің шығармашылық бөлімі нағыз шеберлік сынағына айналды. Әр мектеп өз тақырыптарын жарқын әрі терең қойылым арқылы таныстырды. Бұл қойылымдар студенттердің дарындылығын көрсетіп қана қоймай, өзекті әлеуметтік және мәдени мәселелерге де тоқталып, көрермендерді терең ойға батырды.

Халықаралық журналистика мектебі еңбекқорлық пен кәсібилік тақырыбын ұсынды. Ток-шоу форматында өткен қойылымда олар әрбір мамандықтың маңыздылығын және қоғамның дамуына қосқан үлесін көрсетті. Шараның шарықтау шегі ретінде Қазақстанның белгілі тұлғаларының бейнемәлімдемесі болды, олардың қатарында: 

1. 1. Диляра Кайдарова, Қазақстандық ғалым, гинеколог-онколог, медицина ғылымдарының докторы, профессор, ҚР ҰҒА академигі. РҒА шетелдік мүшесі. Қазақ онкология және радиология ғылыми-зерттеу институтының директоры, Қазақстан Республикасы Денсаулық сақтау министрлігінің бас штаттан тыс бас онкологы;
2. 2. Максут Жумаев,Белгілі қазақ альпинисті, ҚР альпинистер құрамасының майоры, ҚР альпинизмнен еңбек сіңірген спорт шебері;
3. 3. Айжан Кульбаева, Астана қаласының қылмыстық істер бойынша мамандандырылған ауданаралық сотының төрағасы. Бұл сәт еңбекқорлық пен өз ісіне адалдықтың тек жақын ортаға ғана емес, бүкіл елге шабыт беретінін еске салды.

Жоғары гуманитарлық мектеп көрермендерді тәуелсіздік пен патриотизм тақырыбына терең үңілдіріп, тарихи сахналарды жандандыру арқылы еркіндіктің қаншалықты қымбатқа түскенін еске салды. Сахна Әлімхан Ермековтың Лениннің кабинетінде қазақ жерлерін Қазақ КСР құрамына қайтаруды сұрауынан басталды. Содан кейін сахна төріне Алашордашылар шықты, ал шарықтау сәті ретінде біздің тарихымыздағы ең тағдырлы әрі ең ауыр cәттерінің бірі – 16 желтоқсан оқиғасы көрсетілді.

Құқық жоғары мектебі ұлтаралық үйлену форматында қойылымды ұсына отырып, бірлік пен ынтымақтастық тақырыбына назар аударды. Бұл қойылым достық пен өзара сыйластық адамдарды шығу тегіне қарамастан қалай біріктіретінін көрсете отырып, Қазақстанның алуан түрлілігі мен мәдени байлығының символына айналды.

Халықаралық экономика мектебі заң мен тәртіп тақырыбын көрсетті. Олардың орындаушылық шеберлігі өткеннің, бүгіннің және болашақтың өзара байланысына баса назар аударып, әділ заңдар мен тәртіпті нығайту қоғамның тұрақты дамуына негіз болатынын атап өтті.

Жюри қорытынды жасап жатқанда, жалынды жастар үшін сахна төрінде 2024 жылдың Студенттер қатарына қабылдау рәсімінің хэдлайнері, ИРИНА КАЙРАТОВНА өнер көрсетті!

Бұл концерт бірінші курс студенттері үшін де, жоғары курс студенттері үшін де есте қалатын мерекенің жарқын шыңына айналды. Залдағы қуаныш пен шабыт төрт сағаттық бағдарламадан кейін шаршауды ұмыттырды.

Мереке нәтижелерді жариялаумен аяқталды. Екі кезеңнің қорытындысы бойынша Халықаралық экономика мектебі қатарынан үш мәрте чемпионы атанды.

ҚОРЫТЫНДЫ

2024 жылдың MNU Студенттер қатарына қабылдау кеші – шабыт пен жауапкершіліктің символына айналды. Бұл барлық қатысушыларға алға жылжудың қозғаушы күші жастар екенін және жақсылық пен бірлік әрқашан жүз есе қайтарылатынын еске салды.

MNU отбасына қош келдіңіз, 2024 жылдың бірінші курс студенттері!

The post MNU СТУДЕНТТЕР ҚАТАРЫНА ҚАБЫЛДАУ КЕШІ 2024: 30 ЖЫЛДЫҚ ТАРИХЫ БАР ДӘСТҮР, БІРЛІК ЖӘНЕ ЖАҚСЫЛЫҚ МЕРЕКЕСІ appeared first on MNU.

Іс-шараны Астана қаласы әкімдігінің қолдауымен Қазақстан спортшылар одағы ұйымдастырды. Турнирге төрешілік етуді Гиннес рекордтар кітабының рекордшысы Сергей Цырульников басқарды, бұл жарысқа ерекше мәртебе берді.

Турнирге елордалық жоғары оқу орындарының студенттік командалары күш пен шыдамдылық сынақтарында бақ сынасып қатысты.

Жарыс бағдарламасы бірнеше күш пен төзімділік сынақтарын қамтыды:

• • 60 кг салмақ көтеру;
• • Салмақты біраз уақыт ұстау;
• • Арқан тарту.

Біздің команданы табысты өнер көрсетуімен құттықтаймыз! Бұл тәжірибе болашақ жеңістер мен жетістіктердің негізі деген сенімдеміз. Сізге одан да биік шыңдарды бағындырып, барлық мақсаттарыңызға сәтті қол жеткізуіңізді тілейміз.

The post ҚАЖЫМҰҚАН МҰҢАЙТПАСОВТЫ ЕСКЕ АЛУҒА АРНАЛҒАН “STUDENT CUP” ЖАРЫСЫ appeared first on MNU.

Іс-шара аясында қатысушылар келесі спорт түрлерінен бақ сынасты:

• • Футбол;
• • Волейбол;
• • Үстел теннисі;
• Сонымен қатар, басқа да бірқатар спорттық бағыттарда жарыстар ұйымдастырылды.

Фестивальдің ашылу салтанатында елордалық университеттердің шеруіне ерекше мән берілді. Бұл бірлік пен студенттердің жоғары дайындық деңгейінің айқын көрсеткіші.

MNU құрамасы жарыстарда лайықты өнер көрсетіп, волейболдан үшінші орынды иеленді. Бұл нәтиже студенттеріміздің спорттық дайындығының жоғары деңгейін, олардың талпыныстарын және командалық рухын айғақтайды.

Спортшыларымызды лайықты марапаттарымен құттықтаймыз және табандылық пен шеберлік танытқандары үшін алғыс айта отырып, алдағы келешекте сәттілік пен жаңа спорттық жетістіктер тілейміз!

The post JASTAR JALYNY: ЖІГЕР МЕН КҮШ-ҚАЙРАТТЫҢ СПОРТТЫҚ ФЕСТИВАЛІ appeared first on MNU.