Maqsut Narikbayev University-де «Еуразиялық кеңістіктегі төрелік: бағдар мен перспективалар» тақырыбында қонақ дәрісі өтті. Кездесудің модераторы MNU Қамқоршылық кеңесінің мүшесі Кристофер Кэмпбелл-Холт болды, ал басты спикер ретінде Халықаралық төрелік орталығының төрағасы Томас Крюммель сөз сөйледі.

Дәріс барысында Крюммель мырза төрелік орталығындағы мол тәжірибесімен бөлісіп, студенттерге Халықаралық төрелік орталығының жас мамандарға ашатын мүмкіндіктері туралы айтып берді. Ол төреліктің халықаралық дауларды шешудің тиімді механизмі ретіндегі маңыздылығын атап өтіп, орталықтың шиеленісті шешу жолында әділ әрі ашық процесін қамтамасыз етудегі рөлін ерекше атап көрсетті.

Ерекше назар халықаралық ынтымақтастық мәселелеріне аударылды. Томас Крюммель Халықаралық төрелік орталығының тек Maqsut Narikbayev University-мен ғана емес, сондай-ақ халықаралық құқық және төрелік саласында жұмыс істейтін жетекші халықаралық ұйымдармен серіктестік байланыстары туралы айтып өтті. Бұл ынтымақтастық студенттерге төрелік дауларды қарау саласында құнды білім мен практикалық тәжірибе алуға мүмкіндік береді.

«2025 жылы Халықаралық төрелік орталығында (IAC) 115 іс қаралып, олардың 74-і медиация арқылы шешілді, ал 22 іс бойынша төрелік шешімдер шығарылды. Егер орталықтың бүкіл қызметін алатын болсақ, оның есебінде 758 аяқталған төрелік іс пен 2 598 медиация оқиғалары бар. Еуразия елдерімен ынтымақтастық туралы айтатын болсақ, Халықаралық төрелік орталығы өзара түсіністік туралы 137 меморандумға қол қойды. Бұл келісімдер тек ұлттық институттарды, соның ішінде сіздің университетті ғана емес, сонымен қатар халықаралық серіктестерді де қамтиды. Бұл ынтымақтастық тек Орталық Азия мен Еуразия өңірімен шектелмей, Қытайдан бастап әлемнің басқа бөліктеріне дейін таралады», – деді Халықаралық төрелік орталығының төрағасы Томас Крюммель.

Кездесу барысында Кристофер Кэмпбелл-Холт студенттерге Халықаралық төрелік орталығында тәжірибеден өтуге бірегей мүмкіндік ұсынды. Сонымен қатар, ол алдағы тренинг туралы хабарлады, оған тек құқық мамандықтарының студенттері ғана емес, басқа мамандықтарда білім алатын студенттер де қатыса алады. Бұл тренинг қатысушыларға төрелік процесстің негіздерін және оның халықаралық тәжірибедегі маңызын тереңірек түсінуге көмектеседі.

«Біз сіздерге жоғары сапалы оқытуды ұсынамыз – бұл Лондонда орналасқан Дауларды тиімді шешу орталығының (CEDR) ерекше бағдарламасы. CEDR – медиаторларды даярлау саласындағы әлемдік көшбасшы болып табылады. Әлемнің ең үздік төрешілері мен медиаторлары дәл осы орталықтан аккредитация алған. Ал MNU-дің арнайы бағдарламасы аясында біз сіздерге бұл мүмкіндікті тегін ұсынамыз!» – деп мәлімдеді MNU Қамқоршылық кеңесінің мүшесі Кристофер Кэмпбелл-Холт.

Қонақ дәріс студенттердің үлкен қызығушылығын тудырып, халықаралық төрелік мәселелерін талқылауға арналған маңызды білім беру және кәсіби алаңға айналды. Maqsut Narikbayev University халықаралық ұйымдармен байланыстарын одан әрі нығайтып, студенттердің кәсіби дамуына жаңа мүмкіндіктер жасауды жалғастыруда.

The post Еуразиялық кеңістіктегі төрелік: бағдар мен перспективалар – Томас Крюммельдің қонақ дәрісі appeared first on MNU.

Maqsut Narikbayev University-де MBA және EMBA білім беру бағдарламаларының тыңдаушылары үшін кезекті диплом табыстау рәсімі өтті. Бұл жолы 20 маман Master of Business Administration (MBA) дипломын, ал 18 түлек Executive Master of Business Administration (EMBA) дипломын иеленді.

Салтанатты марапаттау рәсіміне MNU Бизнес-мектебінің директоры Рафхат Бозбалиев пен MNU провосты Сергей Пен қатысты. Университеттің провосты түлектерге сәттілік тілеп, оқу барысында өндірістік кәсіпорын ашқан үш тыңдаушыны ерекше атап өтті. Сондай-ақ, түлектер арасында бизнес иелерімен қатар медицина саласының өкілдері де болды.

Айта кетейік, Maqsut Narikbayev University Бизнес-мектебі MBA, EMBA және DBA бағдарламалары бойынша мамандар даярлайды. Тыңдаушылар MNU дипломымен қатар Швейцарияның Swiss International School of Business дипломын да алу мүмкіндігіне ие. Сонымен қатар, бұл бағдарламалар беделді халықаралық FIBAA және FIBAA Premium аккредитацияларынан өткен.

The post 40-ҚА ЖУЫҚ МАМАН MBA ЖӘНЕ EMBA ДӘРЕЖЕЛЕРІНЕ ИЕ БОЛДЫ appeared first on MNU.

The post 2023-2024 оқу жылындағы түлектер тізімі appeared first on MNU.

The post 2022-2023 оқу жылындағы түлектер тізімі appeared first on MNU.