The post MNU лингвистика саласындағы жаңа білім беру бағдарламасына студенттерді қабылдауда appeared first on MNU.

Психологтар мен психологиялық пәндер оқытушыларының кәсіби құзыреттерін дамыту жөніндегі модульдік бағдарлама министрлік бөлімшелерінің психологтары мен ведомстволық университеттердің оқытушыларын біріктірді. Төрт күндік тренинг құқық қорғау органдарының қызметкерлерін психологиялық сүйемелдеу саласындағы мамандардың кәсіби құзыреттерін жетілдіруге, сондай-ақ ІІМ жүйесінде қызметкерлердің кәсіби психологиялық тұрақтылығын дамытуға заманауи тәсілдерді енгізу үшін жаттықтырушыларды даярлауға бағытталған. Іс-шара еліміздің құқық қорғау жүйесін ауқымды трансформациялау аясында өткізілді.

Қатысушылар кәсіби тұрақтылық, стресс-менеджмент, эмоционалды күйіну және посттравматикалық стресстік бұзылыс мәселелеріне заманауи ғылыми тәсілдерді зерделеп, психологиялық диагностика, дағдарыстық кеңес беру, постинциденттік сүйемелдеу және деэскалациялық өзара іс-қимыл әдістеріне назар аударды. Бағдарламаның басым бөлігі кейстерді талдау, топтық жаттығулар, рөлдік сценарийлер мен заманауи психодиагностикалық әдістемелерді қолдану арқылы дағдыларды практикалық пысықтауға арналды.

Оқу қорытындысы бойынша қатысушылар қызметкерлердің психологиялық жағдайын бағалау құралдарын, кәсіби күйзеліс және посттравматикалық реакциялар белгілерін уақытылы анықтау әдістерін, сондай-ақ ІІМ жеке құрамын психологиялық сүйемелдеуді ұйымдастырудың заманауи тәсілдерін меңгерді.

The post Астанада MNU оқытушыларының қатысуымен ІІМ қызметкерлеріне арналған тренинг өтті appeared first on MNU.

Келісімге Бейжіңде (ҚХР) MNU Басқарма төрағасы Талғат Нәрікбаев пен BLCU Президенті Дуань Пэн қол қойды. Тараптар ынтымақтастықтың перспективалық бағыттарын талқылады. Меморандум аясында бірлескен ғылыми-зерттеу жобаларын әзірлеу, студенттер мен оқытушылар алмасу, академиялық және ғылыми іс-шаралар өткізу жоспарлануда.

Бейжің тіл және мәдениет университеті – қытай тілін оқыту бойынша әлемдегі жетекші жоғары оқу орны, сондай-ақ лингвистика саласында мамандар даярлау бойынша Аспан асты елінің басты білім ордасы. 60 жылдан астам уақыт бойы BLCU қытай тілін меңгерген және қытай мәдениетімен таныс әлемнің түкпір-түкпірінен 200 мыңға жуық маман дайындады. Сонымен қатар 1983-1984 жылдары осы университетте Мемлекет басшысы Қасым-Жомарт Тоқаев тағылымдамадан өткен.

Айта кетейік, MNU сондай-ақ АҚШ, Англия, Германия, Оңтүстік Корея, Өзбекстан, Ресей, Франция және Швейцарияның жоғары оқу орындарымен қос дипломдық бағдарламаларды жүзеге асыруда. Бұған дейін Қытай саяси ғылымдар және құқық университетімен бірлескен «ЖИ + Құқық» магистрлік бағдарламасының іске қосылғаны жарияланған болатын.

The post MNU Бейжің тіл және мәдениет университетімен қос дипломдық бағдарламаны іске қосады appeared first on MNU.

Кітаптарды салтанатты түрде университет кітапханасына Сауд Арабиясы Корольдігінің Қазақстандағы Елшілігі Мәдени бөлімінің басшысы Гассан Хумедан табыстады. Сыйлық араб тілі мен мәдениеті және лингвистикаға қызығушылық танытқандар үшін құнды ресурс болатын мамандандырылған басылымдарды қамтиды. Бұдан басқа, бұл әдебиет жоғары оқу орнының араб тілін оқыту саласындағы мүмкіндіктерін кеңейтеді және Корольдіктің білім беру және мәдени мекемелерімен академиялық ынтымақтастықты дамытуға ықпал ететін болады.

Айта кетейік, Король Салман атындағы Халықаралық араб тілі академиясы 60-тан астам елде жұмыс істейді. Ұйым бүкіл әлемде араб тіліне қызмет етуге, оның адами өркениетті, ғылым мен мәдениетті дамытудағы рөлін арттыруға және әлеуетін нығайтуға бағытталған. Бұған дейін MNU-да Халықаралық араб тілі күніне орай көрме өтіп, арнайы курс іске қосылған болатын.

The post Араб тілін үйренуге арналған кітаптар MNU студенттеріне қолжетімді болды appeared first on MNU.

Шешім жақында FIBAA (Foundation for International Business Administration Accreditation) Аккредиттеу және сертификаттау комитетінің отырысында қабылданды. Отырыс қорытындысы бойынша FIBAA Quality Seal сапа белгісі Жоғары гуманитарлық мектептің бес бағдарламасына берілді. Бұл – білім беру бағдарламаларының жоғары сапасының, халықаралық талаптарға сәйкестігінің және үздік практикаларға бағдарлануының дәлелі.

Бастапқы аккредиттеуден «Психология» (бакалавриат) және «Қолданбалы лингвистика» (магистратура) мамандықтары бес жыл мерзімге өтті. Сондай-ақ, үш мамандық жеті жылға қайта аккредитациядан өтті. Бұл – «Аударма ісі» (бакалавриат және магистратура) және «Қолданбалы лингвистика» (бакалавриат) бағдарламалары.

FIBAA экономикалық, құқықтық және әлеуметтік-гуманитарлық бейіндегі жоғары және қосымша білім беру бағдарламаларының сапасын сараптауды және аккредиттеуді жүргізетін жетекші еуропалық аккредиттеу агенттігі ретінде танымал. Агенттік стратегиядан және академиялық басқарудан бастап, түлектердің өз компаниялары мен қоғамды дамытуға қосқан үлесіне дейін, бағдарламаларды кешенді бағалайды. FIBAA-мен қатар университеттің білім беру бағдарламалары QAA, CIMA, ACCA, ICAEW, CIM, HRCI, GARP, CFA және CEEMAN беделді халықаралық агенттіктерімен аккредиттелген.

Айта кетейік, бұған дейін MNU The Times Higher Education Sustainability Impact Ratings 2026 беделді әлемдік университеттер рейтингінде өз позициясын жақсартты.

The post MNU-дың тағы бес білім беру бағдарламасы FIBAA беделді аккредитациясына ие болды appeared first on MNU.

Меморандумға MNU Басқарма төрағасы Талғат Нәрікбаев пен Қазақстандағы British Council директоры Роберт Тэйлор қол қойды. Құжат білім беру процесінің сапасын арттыруға, оқушылардың тілдік дағдыларын дамытуға және халықаралық IELTS емтиханын тапсыру үшін жағдайларды қамтамасыз етуге бағытталған. Сондай-ақ тараптар студенттерге халықаралық сертификаттау мүмкіндіктері туралы ақпараттандыруды арттыруға, тәжірибе алмасуға, оқытушылар мен студенттердің құзыреттерін дамытуға қолдау көрсетуге ниетті.

British Council – Ұлыбританияның білім беру, өнер және ағылшын тілін үйрену саласындағы Біріккен Корольдік пен басқа да елдер арасындағы ынтымақтастықты дамытатын ресми халықаралық ұйымы. Ол әлемнің 110-нан астам елінде жұмыс істейді. MNU ұйыммен алты жыл бойы белсенді ынтымақтастық жасап келеді.

Университеттің британдық серіктестермен ынтымақтастығы академиялық ұтқырлықты, ғылыми зерттеулер мен институционалдық өзара іс-қимылды қамтиды. MNU Кембридж университеті мен Королева Марияның Лондон университетін қоса алғанда, Ұлыбританияның жетекші жоғары оқу орындарымен ынтымақтастық туралы келісімдерді жүзеге асыруда. Бұдан басқа, университет жыл сайын Ұлыбританиядан орыс тілін шет тілі ретінде оқу үшін студенттерді қабылдайды.

Айта кетейік, бұған дейін MNU-да TOEFL халықаралық емтиханына дайындық әдістері бойынша оқу семинары өткен болатын.

The post MNU мен British Council серіктестікті нығайтуда appeared first on MNU.

Іс-шара аясында сарапшылар «TOEFL iBT» халықаралық емтиханының құрылымын, оқу секцияларының ерекшеліктерін және академиялық мәтіндермен жұмыс істеу әдістемесін егжей-тегжейлі талдады. Олар оқушылардың күрделі тіл құрылымдарын түсіну дағдыларын дамытуға арналған практикалық құралдармен бөлісті, сондай-ақ бағалаудың объективті жүйелерін құру бойынша ұсынымдарымен таныстырды. Семинар американдық «Educational Testing Service» ірі коммерциялық емес ұйымымен бірлесіп ұйымдастырылды.

«Іс-шараның еліміздің білім беру саласын дамыту мақсатында маңызы зор. Біздің білім беру бағдарламаларымыз заман талабына сай өзгеруде және біз оларға уақытылы маңызды түзетулер енгізгіміз келеді. Сонымен қатар «TOEFL Experience Day» жемісті ынтымақтастық үшін тамаша алаңға айналды», – деді MNU Жоғары гуманитарлық мектебінің деканы Жәмиля Бопурова.

«TOEFL Experience Day» халықаралық емтихандар арқылы таланттарды дамытуды қолдаумен айналысатын оқытушылар мен мамандарды біріктіреді. Іс-шара «TOEFL iBT» емтиханы өткізілетін елдерде өткізіледі. Семинарға қатысушылар заманауи білім беру ортасы жағдайында халықаралық емтихандарға дайындықтың тиімді траекторияларын құру үшін «ETS» өкілдері мен MNU-дың тәжірибелі оқытушыларына бірқатар сұрақтар қойды.

Айта кетейік, бұған дейін MNU-да «Лингвистика (TESOL) және аудармадағы технологиялар» жаңа білім беру бағдарламасы іске қосылғаны туралы жарияланған болатын.

The post MNU-да ағылшын тілінен халықаралық емтиханға дайындықтың әдістемелері туралы айтылды appeared first on MNU.

Іс-шара университет серіктестерін, жетекші отандық компаниялар мен ірі халықаралық ұйымдардың басшылары мен сарапшыларын біріктірді. Талқылау барысында MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен білім беру бағдарламаларының қазіргі заманғы технологиялық сын-тегеуріндер мен ЖИ мүмкіндіктеріне бейімделуі туралы өз көзқарасымен бөлісті. Сондай-ақ MNU Провосты Анар Ибраева академиялық орта мен нақты сектор арасындағы бірлескен тиімді жұмыстың маңыздылығын атап өтті.

«Мұндай диалогтық алаңдар бізге еңбек нарығының ағымдағы сұраныстарын егжей-тегжейлі талдауға, жаһандық технологиялық өзгерістерге уақтылы ден қоюға және заман ағымына ілесуге мүмкіндік береді. Осындай бірлескен жұмысты жүргізе отырып, біз студенттерге жұмыс берушілердің сұранысына толық сай келетін сапалы, өзекті және сұранысқа ие білім беруді ұсыну үшін оқу процесін жедел түрде өзгерте аламыз», – деді Анар Ибраева.

Отырысқа қатысушылар MNU Жоғары гуманитарлық мектебінің қызметімен және білім беру бағдарламаларын дамыту перспективаларымен танысты. Жұмыс берушілер бірқатар ұсыныстар білдірді, сондай-ақ «Лингвистика (TESOL) және аудармадағы технологиялар» және «Туризм мен қонақжайлылық индустриясын басқару» атты білім беру бағдарламаларын іске қосу жоспарларын оң бағалады. Сонымен қатар әріптес компаниялардың өкілдеріне стратегиялық ынтымақтастық пен тағылымдамаларды ұйымдастырғаны үшін алғыс хаттар табыс етілді.

«Бұл іс-шара университеттің болашақ үрдістерін қаншалықты терең зерттеп, жұмыс берушілердің қажеттіліктерін түсінетінін көрсетеді. MNU түлегі ретінде мен өз тәжірибемнен білімнің жоғары сапасына көз жеткіздім, өйткені алған білімім маған қысқа мерзімде басшылық лауазымға орналасуға көмектесті. Біздің компания қазірдің өзінде университетпен ынтымақтасуда. Өткен жылы біз MNU түлегін жұмысқа алдық және ол қазір жақсы нәтижелер көрсетуде», – деді «Astana Tourism» Туризмді дамыту орталығының Туристік өнімдерді дамыту және сервис департаментінің директоры Ольга Абельдинова.

Айта кетейік, бұған дейін Халықаралық экономика мектебі Бизнес кеңесінің X отырысы өткен болатын.

The post Бизнес кеңес: MNU-да білім беру бағдарламаларын трансформациялау мәселелері талқылады appeared first on MNU.

Конференция гибридтік форматта ұйымдастырылды. Қатысушылар қолданбалы гуманитарлық зерттеулерді дамыту, пәнаралық және заманауи технологиялармен ықпалдастыру мәселелерін талқылады. Іс-шара барысында Қазақстан, Өзбекстан, Ресей, Түркия, Швеция, Шотландия, Испания, Португалия, Индонезия және Таиланд студенттерінің, магистранттарының және оқытушыларының баяндамалары ұсынылды.

«Бүгінде жаһандық проблемаларды түсіну және шешу үшін гуманитарлық және әлеуметтік ғылымдардағы қолданбалы зерттеулер шешуші мәнге ие. Біздің мақсатымыз – ғалымдар мен практиктер инновациялық идеялармен және зерттеу нәтижелерімен бөлісетін, қоғам мен академиялық ортаның дамуына ықпал ететін кеңістік құру», – деді MNU Провосты Анар Ибраева.

Талқылаудың негізгі тақырыбы заманауи технологияларды гуманитарлық салаларға ықпалдастыру болды. Қатысушылардың баяндамалары машиналық аударма кезіндегі мәдени өзгешеліктерді сақтаудан бастап қонақжайлылық пен психологиялық көмек салаларына ЖИ-ді енгізуге дейінгі мәселелерді қамтыды. Іс-шараның маңызды бөлігі жас зерттеушілер мен студенттерді қолдау болды. Олар өз жобаларын ұсынып, тәжірибелі әріптестерінен кеңес алды.

Айта кетейік, конференция қорытындысы бойынша жұмыстар жинағы шығарылды.

The post Туризм, ЖИ, психологияжәнетіл: MNU-да Халықаралық пәнаралық конференция өтті appeared first on MNU.

Айта кетейік, Кремс қолданбалы ғылымдар университеті Аустрияның жас және танымал жоғары оқу орындарының бірі. Кремс-на-Дунае қаласында орналасқан университет 1994 жылы құрылған. Бүгінде жоғары оқу орны 25-тен астам білім беру бағдарламасын жүзеге асыруда.

The post MNU танымал аустриялық университетпен ынтымақтастықты дамытуды жоспарлауда appeared first on MNU.