Жоғары оқу орындары арасындағы уағдаластықтар Бейжің (ҚХР) қаласында Түрлі өркениеттер құқығының үстемдігі саласында тәжірибе алмасу мен өзара оқыту жөніндегі халықаралық конференциясы аясында қол жеткізілді. Келісімге MNU Басқарма төрағасы Талғат Нәрікбаев пен CUPL Кеңесінің төрағасы Цзян Цзэтин қол қойды. Инновациялық бейінді магистрлік бағдарлама құқық, ЖИ, деректерді басқару және цифрлық трансформация тоғысында жұмыс істеуге қабілетті мамандарды даярлауға бағытталған

Жаңа білім беру бағдарламасына Қытайдың жетекші заң университетінің академиялық тәжірибесі мен институционалдық сараптамасы кіреді. Бағдарлама сондай-ақ іргелі заң дайындығын жасанды интеллект технологиялары, деректерді талдау, алгоритмдік реттеу, ЖИ-ді басқару мен цифрлық комплаенсті зерттеуді біріктіреді. Бұдан басқа, келісімде CUPL оқытушылары мен сарапшыларының білім беру процесіне қатысуы, тағылымдамалар мен ЖИ саласындағы озық тәжірибені зерделеу мақсатында ақпараттық технологиялар саласындағы қытайлық жетекші компанияларға қысқа мерзімді академиялық сапарларды ұйымдастыру да көзделген.

Түрлі өркениеттер құқығының үстемдігі саласында тәжірибе алмасу мен өзара оқыту жөніндегі халықаралық конференциясы 20-дан астам елдің ғалым-заңгерлерін біріктірді. Сонымен қатар іс-шара барысында «Қытай – Орталық Азия» Заңгерлік білім альянсының академиялық форумы өтті. Альянс мүшелері Қытай құқығының дербестігі мен жаһандық құқықтық өркениеттің әралуандылығының ерекшеліктерін талқылады.

«Цифрлық жүйелерде жауапкершілік әзірлеушілер, операторлар, инфрақұрылым және мемлекет арасында бөлінген. Құқық нақты бақылауға және нақты пайдаға жауапкершілік артатын жаңа модельдер әзірлеуі тиіс. Осы орайда, мен біздің Альянсқа ұсынатын қарапайым қағидат бар. Автоматтандыру шарасы нақты «картаға» не қойылғанға байланысты болуы тиіс. Құжат жіберетін жүйе және адам бостандығын шектейтін жүйе әртүрлі бақылауды талап етеді», – деді Талғат Нәрікбаев өз сөзінде.

Университет басшысы Қазақстанның цифрлық мемлекет құрудағы табысты шешімдеріне егжей-тегжейлі тоқталып, отбасының цифрлық картасы мен цифрлық сот орындаушысы бойынша жобаларды атап өтті. Форум жұмысына сондай-ақ MNU Қамқоршылық кеңесінің төрағасы Кристофер Кэмпбелл-Холт, MNU басқарма төрағасының орынбасарлары Ғалымжан Құдайбергенов пен Сергей Пен қатысты. Айта кетейік, өткен жылы құрылған «Қытай – Орталық Азия» Заңгерлік білім беру альянсы құқықтық негіздерді бірлесіп зерттеуге, құқықтық мәдениетті өзара зерделеуге және өңір елдері арасындағы академиялық және мәдени өзара іс-қимылды нығайтуға бағытталған.

Халықаралық конференция жаһандық басқару үшін бағдар ретінде халықаралық құқықты пайдалану, халықаралық заң білімі саласындағы тәжірибеге бағдарланған ынтымақтастықты тереңдету және халықаралық құқық үстемдігі мәселелері бойынша тұрақты диалог тетіктерін құру жөніндегі бірлескен бастаманы қабылдаумен аяқталды.

The post «ЖИ + Құқық»: MNU Қытайдың жетекші заң университетімен бірлескен магистрлік бағдарламаны іске қосады appeared first on MNU.

Іс-шара екі университет арасындағы ынтымақтастық аясында ұйымдастырылды. 20-ға жуық қытайлық студент отандық құқықтық жүйенің ерекшеліктерін, сондай-ақ қазақ тілінің негіздерін терең зерттеді. Бағдарлама Астана қаласының көрікті жерлерін аралауды да қамтыды.

«Бұл біз үшін пайдалы апта болды және біз қонақжайлылық үшін өте ризамыз. MNU Құқық жоғары мектебінің әкімшілігіне біздің оқуымызға қолдау көрсеткені үшін үлкен рахмет. Бізге Қазақстанның құқықтық жүйесі мен оның ерекшеліктерін зерделеу өте қызықты болды, сондай-ақ қазақ тілі сабақтары ұнады. Сонымен қатар біз Черногория Президенті Яков Милатовичпен кездесуге қатыса алдық. Біз өте жылы қабылдау және мазмұнды мәдени алмасу үшін ризашылығымызды білдіреміз», – деп өз әсерімен Ланьчжоу университетінің студенті Чжан Цзинъи бөлісті.

Айта кетейік, бұған дейін MNU Ланьчжоу университетімен білім беру және ғылыми зерттеулер саласындағы ынтымақтастық туралы меморандумға қол қойған болатын. Келісім академиялық ұтқырлық бағдарламаларын жүзеге асыруды және бірлескен ғылыми зерттеулер, конференциялар, семинарлар мен симпозиумдарды ұйымдастыруды қамтиды. Серіктестік аясында осы жазда MNU студенттері Ланьчжоу университетіне барып, Қытай құқығын меңгеріп, Аспан асты елінің мәдениетімен танысады.

The post Қытайлық студенттер MNU-да Қазақстанның құқықтық жүйесін меңгерді appeared first on MNU.

Іс-шара жаңа Конституцияның негізгі ережелерін, оның мемлекеттік басқару мен құқықтық тәртіптің жаңа архитектурасын қалыптастырудағы маңызын, конституциялық реформаны іске асырудағы заң қоғамдастығының рөлін талқылауға бағытталды. Дөңгелек үстел аясында жаңа конституциялық институттарды қалыптастыру, парламенттік ашықтықты дамыту және мемлекеттік басқаруға қоғамның қатысуы, сондай-ақ конституциялық-құқықтық мәдениетті нығайту мәселелері қаралды. Ғалым-заңгерлер Ата заңның ережелерін түсіндірудің маңыздылығын атап өтті.

«Қазіргі уақытта біздің университеттің бірқатар профессорлары азаматтардың конституциялық-құқықтық мәдениеті мен құқықтық сауаттылығын қалыптастыруы бойынша кешенді бағдарламаны әзірлеуге қатысуда. Біздің алдымызда азаматтарды Конституцияның ережелері туралы дәстүрлі ақпараттандырудан оның құндылықтары мен практикалық мәнін терең түсінуді қалыптастыруға көшу міндеті тұр. Бұл құжат жұмыстың білім беру, ғылыми, ақпараттық және қоғамдық бағыттарын біріктіретін жүйелік құралына айналуы тиіс», – деді MNU Конституциялық және саяси зерттеулер институтының директоры Әлия Оразбаева.

Іс-шара барысында университеттің бірқатар профессорлары баяндама жасады. Дөңгелек үстел қорытындысы бойынша сарапшылық талқылау өтті. Қатысушылар жаңа Ата заңды іске асырудың практикалық аспектілерін, оның ұлттық құқықтық жүйенің одан әрі дамуына, заңнаманы жетілдіруге және құқықтық мемлекет қағидаттарын нығайтуға әсерін талқылады.

Айта кетейік, жаңа Конституция 2026 жылдың 1 шілдесінде күшіне енеді.

The post MNU ғалым-заңгерлері жаңа Конституцияның алдағы күшіне енуін талқылады appeared first on MNU.

Кездесу барысында бірлескен ғылыми-зерттеу жобалары мен академиялық алмасу бағдарламаларын іске қосуға, жазғы мектептер мен қысқа мерзімді курстарды ұйымдастыруға, семинарлар мен тақырыптық дәрістер өткізуге баса назар аударылды. Ханой заң университетінің ректоры Хоанг Суан Чау MNU-мен ынтымақтастықтың зор әлеуетін атап өтті. Сондай-ақ вьетнамдық тарап меморандум жасау және құқық саласындағы жоғары оқу орнынан кейінгі бірлескен білім беру бағдарламаларын әзірлеу мүмкіндігін қарастыруды ұсынды.

MNU басшылығы делегация мүшелерін университеттің қызметімен және шетелдік азаматтарға арналған стипендиялық бағдарламалармен таныстырды. Кездесу барысында International Legathon MaxUP халықаралық заң байқауы туралы да айтылды. Сонымен қатар Вьетнамдық жоғары оқу орнының өкілдері келесі жылы өтетін байқауға қатысуға шақыру алды.

Айта кетейік, Ханой заң университеті – Вьетнамның құқық саласындағы жетекші мемлекеттік зерттеу орталығы. Университет құқықтық мемлекет құру, сот реформасы және халықаралық интеграция үшін жоғары білікті заңгерлерді даярлауда маңызды рөл атқарады.

The post MNU Вьетнамның жетекші заң университетімен ынтымақтастықты дамытуды жоспарлауда appeared first on MNU.

Іс-шараға университет басшылығы, оқытушылар, серіктестер, сондай-ақ бизнес пен заң қоғамдастығының өкілдері қатысты. Қатысушыларға оқу жылының қорытындысы мен жаңа білім беру бастамалары таныстырылды. MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен білім беру бағдарламаларын трансформациялау бойынша жүргізіліп жатқан жұмыстар туралы айтып берді.

«Біздің міндетіміз – күрделі пәнаралық міндеттерді шешу дағдыларын, құқық пен технологияны бірдей сенімді меңгерген жаңа буын мамандарын қалыптастыру. Жасанды интеллект заңгерді алмастырмайды, бірақ оның рөлін өзгертеді. Сондықтан бүгінде тек кәсіби білімді ғана емес, сонымен қатар сыни ойлауды, бейімделуді және тез өзгеріп жатқан әлемде шешім қабылдау қабілетін дамыту маңызды», – деді Сергей Пен.

Отырыс барысында іргелі заң дайындығын заманауи технологиялық құзыреттермен үйлестіретін «Құқық» жаңа білім беру бағдарламасытаныстырылды. Бағдарлама цифрлық құқықты зерделеуге, заңгер жұмысында ЖИ құралдарын қолдануға, құқықтық салада цифрлық жобаларды жүзеге асыруға және деректермен жұмыс істеу дағдыларын дамытуға бағытталған пәндер мен практикалық модульдерді қамтиды. Отырысқа қатысушылар заманауи еңбек нарығы түлектерден терең құқықтық білімді ғана емес, цифрлық құралдармен жұмыс істеу, деректерді талдау және кәсіби қызметте ЖИ шешімдерді пайдалану дағдыларын да талап ететінін атап өтті.

«Жасанды интеллект құқықтық тәжірибені ғана емес, мамандарды даярлауға қойылатын талаптарды да өзгертуде. Қазірдің өзінде жұмыс берушілер мықты құқықтық даярлықты техникалық дағдылармен, бағдарламалауды түсінумен, логикамен, деректерді талдаумен және цифрлық құралдармен үйлестіретін мамандарды жиі іздейді. Университеттер үшін бұл заңгерлік білімді қайта ойластыру қажеттігін білдіреді. Тек сауатты заңгерлерді ғана емес, сонымен қатар жаңа технологиялық ортада жұмыс істеуге, этика мәселелерін түсінуге, деректер негізінде шешім қабылдауға және ЖИ жүйелермен тиімді өзара іс-қимыл жасауға қабілетті кәсіпқойларды да даярлау қажет», – деді «ADL Disputes» заң фирмасының серіктесі Мұхит Елеуов.

Бизнес-кеңес мүшелері өз қызметінде ЖИ шешімдерді енгізу тәжірибесімен бөлісті. MNU Құқық жоғары мектебінің деканы Ольга Бектібаева«AI Law» жаңа магистрлік бағдарламасын таныстырды. Бұдан басқа Дүниежүзілік зияткерлік меншік ұйымымен бірлескен «Зияткерлік меншік және бизнес құқығы» бағдарламасын жүзеге асыру нәтижелері ұсынылды.

Отырыс барысында оқытудың практикаға бағдарлануына ерекше назар аударылды. Кәсіби қоғамдастық өкілдері міндетті ойын сот процестерін дамытуды, студенттердің мансаптық даярлығын күшейтуді, соттар, мемлекеттік органдар, заң фирмалары және корпоративтік секторда практиканы кеңейтуді қолдады. Мұндай тәсіл болашақ заңгерлерге оқыту кезінде нақты кәсіби тәжірибе алуға мүмкіндік береді.

Айта кетейік, бұған дейін MNU-да білім беру бағдарламаларын трансформациялау мәселесі талқыланды.

The post Құқық және жасанды интеллект: MNU-да заңгерлік білімнің болашағы талқыланды appeared first on MNU.

Оқыту үш ай бойы өтіп, түрлі салалардың мамандарын біріктірді. Қатысушылар еңбек заңнамасы, кадрлық процестерді және құқықтық тәуекелдерді басқару мәселелері бойынша практикалық білім алды. Оқытушылар ретінде алты жоғары білікті сарапшы болды, олардың ішінде басым бөлігі MNU профессорлары.

Бағдарлама еңбек қатынастарын реттеу, HR-менеджмент саласындағы құқықтық тәуекелдерді басқару жүйесі, әлеуметтік әріптестік және еңбек саласындағы ұжымдық қатынастар мәселелерін егжей-тегжейлі талдауды қамтыды. Сондай-ақ еңбек даулары мен қақтығыстарды шешу, кадрлық жасақтаудағы HR тәсілдері, құзыреттерді модельдеу және персоналды бағалау әдістері тақырыптары қамтылды. Бұл еңбек қатынастары мен HR-менеджмент негіздерінің барлық аспектілерін қамтуға мүмкіндік берді.

Айта кетейік, бес жыл ішінде 200-ден астам маман бағдарламаны сәтті аяқтады.

The post MNU-да 55 маман HR және құқық салаларындағы біліктілігін арттырды appeared first on MNU.

Байқау қорытындысы бойынша MNU командалары қазақ лигасында бірінші және үшінші орындарға, сондай-ақ орыс лигасында бірінші орынға ие болды. Ақтық кезеңде олар Әл-Фараби атындағы ҚазҰУ, SDU University және С. Аманжолов атындағы ШҚУ-дан келген қарсыластарынан басым түсті. Бұдан басқа, студенттер Елназ Құмар мен Әділхан Оңдасынов финалдың үздік спикерлері деп танылды.

Конкурста ойын сот процесі әкімшілік сот ісін жүргізу ережелері бойынша өтті. Қатысушылардың жұмысын Конституциялық сот пен Жоғарғы соттың судьялары, халықаралық заң фирмаларының өкілдері мен сарапшылар бағалады. Іс-шараны «Fortune Partners» консалтингтік компаниясы Жоғарғы Сот, ЕҚЫҰ-ның Астанадағы бағдарламалар кеңсесі және Сот әкімшілігінің қолдауымен ұйымдастырды.

Байқау үш ай бойы Астана және Алматы қалаларында өтті. Жоба ұлттық құқықты насихаттау, ғылыми ойлау мен құқық қолдану дағдыларын дамыту, студенттердің әлеуетті жұмыс берушілермен өзара іс-қимылы және мықты заң кадрларын даярлауға бағытталған. Конкурсқа 100-ге жуық адам қатысты.

Айта кетейік, өткен жылы да MNU студенттері «Asia Zangeri» байқауында жүлделі орындарға ие болған болатын.

The post MNU студенттері Орталық Азия ойын сот процестері байқауында тағы да үздік атанды appeared first on MNU.

Келісімге Ланьчжоу қаласындағы (ҚХР) II Мемлекеттік басқару және орнықты даму жөніндегі Қытай-Орталық Азия форумы аясында қол жеткізілді. Форумға MNU Құқық жоғары мектебінің деканы Ольга Бектібаева қатысты. Ол сондай-ақ әлеуметтік әділеттілік саласын реттеу мүмкіндіктері мен цифрлық мемлекеттердің құқықтық шектеулері туралы баяндама жасады.

Меморандумға Ольга Бектибаева мен Ланьчжоу университеті Құқық мектебі партиялық комитетінің хатшысы Сылун Ту қол қойды. Келісім академиялық ұтқырлық бағдарламаларын жүзеге асыруды және бірлескен ғылыми зерттеулер, конференциялар, семинарлар мен симпозиумдарды ұйымдастыруды қамтиды. Сонымен қатар тараптар докторлық диссертацияларға бірлесіп басшылық жасауды және оқытушылардың ғылыми тағылымдамаларын ұйымдастыруды жоспарлап отыр.

Ланьчжоу университеті Қытайдың ең мықты жоғары оқу орындарының ТОП-50 рейтингіне және әлемнің ең үздік жоғары оқу орындарының ТОП-500 рейтингіне кіреді. Ол 1909 жылы құрылып, Аспан асты елінің солтүстік-батысындағы заманауи үлгідегі алғашқы университет болды. Жоғары оқу орны 35 зерттеу институтын басқарады және 200-ден астам білім беру бағдарламасын жүзеге асырады.

Айта кетейік, бұған дейін MNU-да Шанхай саяси ғылымдар және құқық университетімен бірлесіп қазақ-қытай ынтымақтастығының құқықтық архитектурасын талқылауға арналған халықаралық конференция өткен болатын.

The post MNU мен Ланьчжоу университеті ынтымақтастық туралы келісті appeared first on MNU.

Іс-шара барысында қатысушылар Конституциялық Соттың судьясы Сергей Ударцевпен, сондай-ақ бөлім меңгерушілерімен пікір алмасты. Студенттер мен магистранттар Ата заңда билікті бөлу қағидаты, неке институтын Конституцияда бекіту, адамның қадір-қасиетін қорғау және цифрлық өзгерістерді заңдастырудағы конституциялық бақылау органдарының рөлі мәселелерін қамтып, әртүрлі баяндамалар ұсынды. Сондай-ақ азаматтардың қолайлы қоршаған ортаға құқығы, тұрғын үйге қол cұқпаушылыққа конституциялық-құқықтық кепілдіктері, Конституциядағы халықаралық шарттардың басымдығын өзгеруі және цифрлық дәуірде дербес деректер мен жеке өмірді қорғау тақырыптары бойынша баяндамалар тыңдалды.

Айта кетейік, диалог алаңы болашақ заңгерлердің конституциялық сот төрелігі мен құқық үстемдігі туралы практикалық білімдерін нығайтуға бағытталған.

The post MNU студенттері мен магистранттары Конституциялық Сотта сөз сөйледі appeared first on MNU.

Олимпиаданы «Заң мен Тәртіп» нарративі аясында ҚР Қаржылық мониторинг агенттігі MNU, ЕҚЫҰ-ның Астанадағы бағдарламалық кеңсесі және Halyk Bank қолдауымен өткізді. Жарыстың мақсаты студенттердің қаржылық қауіпсіздік, көлеңкелі экономика мен қаржылық құқықбұзушылықтарға қарсы іс-қимыл саласындағы тәжірибелік білімін арттыру, сондай-ақ олардың аналитикалық ойлау қабілеті мен кәсіби жауапкершілігін дамыту. Олимпиадаға алты мыңға жуық отандық жоғары оқу орындарының студенттері мен магистранттары қатысты.

MNU-да өткен сайыстың ақтық кезеңіне 40 адам жолдама алды. Нәтижесінде Ресейде өтетін Қаржылық қауіпсіздік бойынша халықаралық олимпиадада елімізді таныстыратын 10 жеңімпаз анықталды. Олардың қатарында MNU Құқық жоғары мектебінің студенті Тоғжан Ілиясова да бар.

«Мен Zhubanov University студенті Айшолпан Аманқосовамен бірге «Құқықтану» бағыты бойынша жеңіске жеттім. Менің күш-жігерім мен ұйқысыз дайындалған түндерім өз нәтижесін бергеніне өте қуаныштымын. Олимпиаданың арқасында мен көптеген жаңа білім алдым. Әсіресе ақшаны жылыстатуға және терроризмді қаржыландыруға қарсы іс-қимылмен айналысатын FATF ұйымының қызметі туралы ақпарат алдым», – деді Тоғжан Ілиясова.

Айта кетейік, өткен жылы MNU студенттері V Қаржылық қауіпсіздік бойынша халықаралық олимпиадасының вице-чемпионы атанды.

The post MNU студенті Қаржылық қауіпсіздік бойынша ұлттық олимпиаданың жүлдегері атанды appeared first on MNU.