Нариман Мұқышевтің банк және IT салаларында, сондай-ақ мемлекеттік қызметте 20 жылдық тәжірибесі бар. Дәрістің жеке бөлігі Halyk Bank-та цифрландыру және экожүйені құру мәселелеріне арналды. Сонымен қатар спикер компанияның технологиялық платформаға айналуы туралы айтып берді.

Айта кетейік, Halyk Bank Қазақстанның ірі коммерциялық банкі ретінде белгілі.

The post Halyk Bank топ-менеджері MNU студенттерімен табысқа жету жолымен бөлісті appeared first on MNU.

MNU командасы «Орталық Азияның жаңа ұрпағы» атты жас логистердің үшінші форумында көшбасшы атанды. Іс-шараны Coventry University Kazakhstan мен Doscar Group компаниясының қолдауымен Корольдік логистика және көлік институтының (CILT) қазақстандық филиалы ұйымдастырды. Алаң болашақ мамандарды және Орталық Азиядағы логистика мен көлік көшбасшыларын біріктірді.

Байқауда өңірдің 12 жоғары оқу орнынан 100-ден астам қатысушы бақ сынады. Студенттер Әлихан Сайын, Аяжан Оразтаева және Әйтемір Түсіпқанов жасыл логистикалық хаб пен ЖИ платформа құру идеясы және макетін таныстырып, қазылар алқасының логистика тақырыбы бойынша сұрақтарына жауап берді. Сайыс қорытындысы бойынша олар қаржылай сертификатпен марапатталып, Status Management Group ірі логистикалық компаниясына ақылы тағылымдамаға шақырылды.

Студенттер Алмас Жақанов, Диляра Алмахын және Нұржігіт Қайыруллаев «Stock Pitch Competition» байқауының күміс жүлдегерлері атанды. Турнирді Nazarbayev University Қазақстандық қор биржасы, Global Ventures және Atlas Capital инвестициялық компанияларымен бірлесіп ұйымдастырды. Байқау барысында студенттер бағалау, негізгі инвестициялық драйверлер мен ұзақ мерзімді тәуекелдерге арналған Meta трансұлттық холдингтік компаниясына инвестициялар бойынша зерттеу жүргізді.

Сондай-ақ, Big4 ұлттық кейс-чемпионатында екінші орынды студент Ақжәнібек Төлеген иеленді. «Үлкен төрттік» кәсіпқойларының алдында ол нарыққа талдау жасап, қаржылық модельдер мен түрлі стратегиялық шешімдер ұсынды. Сайыс KIMEP University-де 300-ден астам адамның қатысуымен өтті.

Бұдан басқа, MNU студенттері Nazarbayev University-де жыл сайынғы Integrity Forum аясында өткен Integrity Case Championship-ке қатысты. Турнир университеттік ортада қамқорлық мәдениетін нығайтуға бағытталған бастамаларды ұсынған 35 студенттік команданы біріктірді. MNU командасы кейс-чемпионаттың қола жүлдегері атанды.

Айта кетейік, бұған дейін MNU студенттері халықаралық құқық бойынша әлемдегі басты сайыста тарихи нәтиже көрсетті.

The post MNU студенттері түрлі зияткерлік байқауларда жүлделі орындарға ие болды appeared first on MNU.

Дәріс барысында «Aitas Agro» ЖШС тең құрылтайшысы және басқарушы серіктесі Талғат Алдажаров пен агрохолдингтің кәсіби құрамын іріктеу және бейімдеу бағытының жетекшісі Тоғжан Тынышбаева сөз сөйледі. Олар компания қызметі туралы жан-жақты айтып, студенттердің сұрақтарына жауап берді. Сондай-ақ бизнес пен университеттердің өзара іс-қимыл мүмкіндіктері, компанияның әлеуметтік жобалары және тәжірибеге бағдарланған білім беруді дамытуға ерекше назар аударылды.

Агрохолдинг өкілдері студенттер арасында болашақ басқарушыларды іздеуге және дамытуға бағытталған «Talents school» білім беру жобасын таныстырды. Жоба аясында жыл соңына дейін кейс-чемпионат, білім беру бастамалары, бизнесмендер мен сарапшылармен менторлық кездесулер өтеді. Жоба MNU Халықаралық экономика мектебінің студенттері арасында білім беру грантының екі иегерін анықтаумен аяқталады.

Айта кетейік, AITAS өсімдік шаруашылығы, құс етін өндіру және қайта өңдеу, дистрибуция саласындағы 15-тен астам компанияны біріктіреді. 30 жыл ішінде холдинг еліміздің аграрлық секторындағы көшбасшылардың біріне айналды.

The post Ірі агрохолдинг MNU студенттеріне гранттар бөледі appeared first on MNU.

Maqsut Narikbayev University Халықаралық экономика мектебінің білім беру бағдарламалары Англия мен Уэльстің алқа бухгалтерлер институты (ICAEW) стандарттарына сәйкестігін тағы да растады. Университет 2026 жылға білім беруде серіктес мәртебесін алды.

Қайта аккредиттеу университеттің білім беру бағдарламаларының қаржылық білім берудің қатаң халықаралық стандарттарына сәйкестігін растайды. «Бухгалтерлік есеп саласындағы бизнес әкімшілендіру» және «Қаржы саласындағы бизнес әкімшілендіру» мамандықтарының студенттері ICAEW сертификаттау деңгейінің 15 емтиханынан босатылады. Атап айтқанда олар өздерінің академиялық жетістіктерін әлемнің 150-ден астам елінде жұмыс берушілер мойындаған модульдерді есептеуде пайдалануға мүмкіндік береді.

ICAEW қаржы, бухгалтерлік есеп және бизнес білім беру саласындағы 170 мыңнан астам кәсіпқойлар мен студенттерді біріктіретін ең беделді әлемдік ұйымдардың бірі. Айта кетейік, MNU білім беру бағдарламалары сондай-ақ QAA, FIBAA, CIMA, ACCA, CIM, HRCI, GARP, CFA және CEEMAN беделді халықаралық агенттіктерімен аккредиттелген.

The post MNU білім беру бағдарламалары ICAEW беделді аккредитациясын қайта иеленді appeared first on MNU.

Саяси ғылымдар саласындағы PhD, MNU Халықаралық экономика мектебі деканының орынбасары Әсем Қалқаманова депутаттарға зерттеудің негізгі бағыттарын таныстырды. Ғалымдар ваучерлік қаржыландыруды алушылардың әлеуметтік-демографиялық портретін, қала аудандары бойынша қолжетімділік пен қамтылуын, қызмет көрсетушілердің бөлінуін, балалардың дамуына арналған бағдарламаның қосымша тиімділігін, қызмет сапасы мен ата-аналардың қанағаттанушылығын талдады. Зерттеу бағдарламаны iске асыру тетiгiн одан әрi жетiлдiру мен оның тиiмдiлiгiн арттыру үшiн негiз бола алады.

Мәслихат депутаттары үш жылдық кезеңге кешенді талдау жүргізу және тұрақты жұмыс істейтін жұмыс тобын құру туралы пікірге келді. Сондай-ақ, тиімділік көрсеткіштерін есептеу үшін ақпараттық жүйелерден иесіздендірілген деректерді алуда зерттеушілерге көмек көрсету қажеттігі атап өтілді. Талқылау қорытындысы бойынша депутаттар қалалық әлеуметтік саясатты жетілдіру үшін зерттеудің өзектілігіне тоқталып, университет тарапынан одан әрі сарапшылық қолдау көрсетілуіне қызығушылық танытты.

Айта кетейік, ваучерлік қаржыландырудың пилоттық моделі Қазақстанның алты өңірінде жүзеге асырылуда. Жаңа жүйе әр балаға бір үйірме немесе секцияға тегін қатынау үшін электрондық ваучер беруді көздейді. Бұдан басқа, қаржыландыру қызмет көрсету фактісі бойынша ғана, яғни ата-ананың цифрлық платформа арқылы келуін растағаннан кейін жүргізіледі.

The post Ваучерлік қаржыландыру: елордалық мәслихатта MNU ғалымдарының зерттеу нәтижелері талқыланды appeared first on MNU.

Үш күндік кейс-чемпионат MNU мен Nazarbayev University-дің 25 студентін біріктірді. Қатысушылар стратегиялық талдау және бизнес міндеттерді практикалық шешу дағдыларын дамытты. Бұдан басқа, McKinsey & Company консультанттары кейстерді құрылымдау методологиясы, гипотезалар құру мен негізделген басқару шешімдерін қалыптастыру тақырыптарына арналған воркшоптар мен практикалық сессиялар сериясын өткізді.

Сайыс бағдарламасы нақты консалтинг форматына толық ену қағидаты бойынша құрылған болатын. Студенттер мәліметтерді талдап, стратегиялар әзірлеп, презентациялар дайындады. Кейс-чемпионат қатысушыларға кейстерді шешу бойынша жүйелік база алуға және халықаралық консалтингтік компания жұмысының ерекшелігін жақсы түсінуге мүмкіндік берді.

Айта кетейік, Astana Case Championship жыл сайын студенттердің аналитикалық, стратегиялық және таныстыру дағдыларын дамыту, сондай-ақ басқару консалтингі саласындағы кәсіби қызметке қызығушылығын қалыптастыру мақсатында өткізілуде.

The post MNU-да елордалық кейс-чемпионат өтті appeared first on MNU.

Maqsut Narikbayev University студенттері CFA Institute Research Challenge 2026 ірі әлемдік инвестициялық олимпиадасының қазақстандық кезеңінде жеңімпаз атанды. Олар беделді сайыстың субөңірлік кезеңінде еліміздің намысын қорғау құқығына ие болды.

MNU командасы инвестициялық олимпиадаға 2016 жылдан бастап қатысуда. Турнир отандық жоғары оқу орындарының 14 студенттік командасын біріктірді. Қатысушылар үш ай бойы американдық ірі Freshworks Inc компаниясының бизнесіне бағалау жүргізіп, өз жұмыстарын CFA холдер мәртебесінің иелеріне таныстырды.

Финалда MNU-ның екі командасы, сондай-ақ Narxoz University, KBTU және KIMEP University командалары бақ сынады. MNU студенттері бірінші орынды иеленіп қана қоймай, екінші орынды да KBTU командасымен бөлісті. Жеңімпаздар қатарында Халықаралық экономика мектебінің студенттері Айым Омарова, Әйгерім Оразалина, Ділназ Төлегенова, Нұржігіт Қайруллаев және Зарина Уәлітханова болды.

Айта кетейік, аталмыш нәтиже MNU студенттеріне Қазақстан атынан осы жылдың наурыз айында өтетін субөңірлік кезеңге қатысуға мүмкіндік берді. Бұл кезең Еуропа, Орта Шығыс пен Африканың 46 елін қамтиды. Үздік командалар өңірлік жартылай финалға өтеді.

CFA Institute Research Challenge 20 жылдан бері өткізіліп келеді және «Қаржы» бағыты бойынша ең беделді студенттік турнир болып саналады. Жарыс барысында қатысушылар қаржылық талдау саласында практикалық білім алады, жаһандық корпорациялардың стандарттары деңгейінде қаржылық есептер жасауды үйренеді және ірі халықаралық қаржы институттарының басшылары үшін ағылшын тілінде таныстыру өткізу дағдыларын меңгереді. Финал осы жылдың 12 мамырында Гонконгта өтеді.

CFA Institute инвестиция саласындағы халықаралық коммерциялық емес кәсіпқойлар қауымдастығы ретінде танымал. Ұйым қаржы индустриясында этикалық және кәсіби стандарттарды белгілейді, сондай-ақ бүкіл әлем бойынша талдаушылар, қоржындық менеджерлер және инвестициялар жөніндегі сарапшылар үшін «алтын стандарт» болып саналатын беделді Chartered Financial Analyst (CFA) сертификатын береді. «Қаржы» бағыты бойынша MNU білім беру бағдарламалары CFA Institute серіктестік бағдарламаларының қатарында, ал оқу жоспарлары CFA базалық білім корпусы мазмұнының кемінде 70 пайызын қамтиды.

The post MNU әлемдік CFA инвестициялық олимпиадасының қазақстандық кезеңінде жеңіске жетті appeared first on MNU.

Жаңа қосымша мамандандыру (minor) ҚМА мен MNU Халықаралық экономика мектебі арасындағы меморандум аясында іске қосылды. Бағдарлама бухгалтерлік есеп, қаржы, деректерді басқару, сондай-ақ комплаенс пен қаржылық барлауды түсіну бойынша базалық білімді біріктіреді. Студенттер ақшаны жылыстату, салық төлеуден жалтару мен қылмыстық әрекетті қаржыландыру сияқты қаржылық қылмыстарды анықтау және болдырмау ерекшеліктері бойынша білім алады.

«Қаржылық барлау және қаржылық қауіпсіздік» қосымша мамандандыруын игеру тағылымдамадан өтуді қамтиды және жұмысқа орналасу үшін жақсы мүмкіндіктер ашады. MNU Қаржылық мониторинг агенттігі үшін кадрлар даярлайтын базалық жоғары оқу орны. Бұған дейін университетте ҚМА-мен бірлесіп экономикалық қылмыстарды тергеу жөніндегі minor іске қосылған болатын.

Айта кетейік, қосымша мамандандыру (minor) студенттерге жаңа дағдыларды игеруге және олардың негізгі мамандығымен байланысты емес салаларда қосымша білім алуға мүмкіндік береді. Бұл олардың академиялық және кәсіби тәжірибесін кеңейтеді. Бүгінгі таңда MNU-да шамамен 40 minor қолжетімді.

The post MNU мен ҚМА білім беру саласындағы ынтымақтастықты нығайтуда appeared first on MNU.

Кездесу барысында студенттер халықаралық компанияда мансап құрудың ерекшеліктері мен мүмкіндіктері туралы ақпарат алды. McKinsey & Company өкілдері консалтинг саласындағы жұмыс тәжірибесімен бөлісіп, үміткерлердің қандай дағдыларға ие болуы керектігі туралы айтып берді. Олардың қатарында жауапкершілік, өз ісіне деген шынайы қызығушылық, күрделі мәселелерді жүйелі түрде шеше білу, команданы басқару, клиенттермен кәсіби және сенімді қарым-қатынас орнату бар.

Кездесуде Astana Case Championship қатысушыларын іріктеудің басталуы туралы айтылды. Сайыстың шешуші кезеңіне 25 студент қатысады. Өткен жылы MNU студенті Диляра Алмахын кейс-чемпионаттың жеңімпаздары қатарына енді.

Айта кетейік, McKinsey & Company беделді «Үлкен үштікке» кіретін халықаралық консалтингтік компания.

The post MNU студенттері «Үлкен үштік» компаниясының өкілдерімен кездесті appeared first on MNU.

Жаңа пәтердің иегері Maqsut Narikbayev University Associate Professor-ы Далия Қасқырбаева атанды. Тұрғын үй Мемлекет басшысы Қасым-Жомарт Тоқаевтың ғалымдарға қолдау көрсету және олардың әлеуметтік мәртебесін арттыру жөніндегі тапсырмаларын орындау шеңберінде, сондай-ақ ғылымға жас кадрлардың келуін ынталандыру үшін берілді. Сертификаттарды ҚР Ғылым және жоғары білім министрі Саясат Нұрбек табыстады.

«Жас ғалымдар – Қазақстанның инновациялық дамуы мен зияткерлік әлеуетінің негізі. Тұрақты ғылыми орта қалыптастыруда баспананың маңызды құрал екенін ескере отырып, мемлекет тарапынан әлеуметтік қолдау мәселесіне ерекше көңіл бөлініп жатыр. Осы бағыттағы жұмыстардың нәтижесінде алғаш рет 587 жас ғалым баспанамен қамтылды», – деп атап өтті министр.

Айта кетейік, Далия Қасқырбаева MNU-да 2021 жылдан бері қызмет етіп, зерттеу жұмыстарына үлес қосуда. Оның зерттеулері жетекші халықаралық академиялық журналдарда жарияланады.

The post MNU жас ғалымына Президент атынан пәтер берілді appeared first on MNU.