Айта кетейік, жоба Euronews, «Медиа даму қоры» корпоративтік қоры және Астана қаласының жоғары оқу орындары арасындағы меморандум аясында іске асырылуда. MNU курстарды өткізу базасы ретінде белгіленген.

The post MNU-да Euronews академиясының курстары өтті appeared first on MNU.

Жыл сайынғы студенттік сайыс 15 отандық жоғары оқу орындарының өкілдерін біріктірді. МNU командасы минималды басымдықпен Әл-Фараби атындағы Қазақ ұлттық университетінің студенттеріне жеңіске жол берді. Үшінші орынды Қорқыт ата атындағы Қызылорда университетінің командасы иеленді.

«Журналистика және ақпарат» даярлау бағыты бойынша пән олимпиадасы бірнеше кезеңнен тұрды. Қазылар алқасы MNU студенттерінің креативті ойлау және бейне монтаж дағдыларын, сондай-ақ медиа этика бойынша жоғары білім деңгейін ерекше атап өтті. Команданың құрамында Ділназ Қордабай, Арайлым Майсатай және Дәрия Ғұмарова болды.

Айта кетейік, осыдан екі жыл бұрын MNU Халықаралық журналистика мектебінің студенттері журналистика бойынша республикалық олимпиаданың жеңімпазы атанған болатын.

The post MNU студенттері журналистика бойынша республикалық олимпиаданың үздіктері қатарында appeared first on MNU.

Медиаапталықты ҚР Президенті телерадиокешені (ТРК) және China Media Group (CMG) ұйымдастырды. Іс-шара ұйымдар арасындағы өткен жылы ҚХР Төрағасы Си Цзиньпиннің Қазақстанға ресми сапары аясында қол қойылған меморандум аясында жүзеге асырылды. MNU Провосты Анар Ибраева ТРК мен CMG өкілдеріне студенттерге Қытайдың жетекші журналистерінен білім алуға мүмкіндік бергені үшін алғыс білдірді.

«CMG Media Week 2026 – бұл елдер, мәдениеттер және БАҚ саласындағы кәсіпқойлар арасындағы диалог платформасы. Медиаапталық күн тәртібін қалыптастыратын адамдарды біріктірді. Бұл болашақ журналистер үшін оқулықтармен емес, халықаралық сарапшылармен тікелей өзара іс-қимыл арқылы білім алудың тамаша мүмкіндігі», – деді Анар Ибраева.

Іс-шара CMG тәжірибешілерін білім беру алаңына біріктірді. Бір апта бойы мультимедиалық контентпен жұмыс бойынша қарқынды тренингтер, сондай-ақ халықаралық ортада журналистік дағдыларды дамытуға бағытталған шеберлік сыныптары өтті. Бұдан басқа, ТРК қызметкерлері үшін сарапшылардың жеке дәрістері ұйымдастырылды.

«Бұл біздің China Media Group-пен стратегиялық серіктестігіміздің және MNU қолдауының арқасында іске асқан бірегей жоба. Іс-шара – цифрландыру және жасанды интеллектіні енгізу дәуірінде озық тәжірибе алмасу мен медиа өндірістің жаңа әдістерін меңгеру үшін маңызды платформа. Біздің бастамамыз – бұл саланың болашағына ұзақ мерзімді инвестиция салу және Қазақстан мен Қытай арасындағы кәсіби ынтымақтастықтың іргетасын нығайту. Біз жас ұрпаққа және олардың таяу онжылдықта әлемдік медианың келбетін анықтайтын көшбасшылар болатынына шын жүректен сенеміз», – деді ҚР Президент телерадиокешенінің басқарушы директоры Роберт Мурадян.

Студенттер нақты кейстермен жұмыс істеу мүмкіндігіне ие болып, өз жобаларын дайындады. Тренингтер барысында телевизиялық жаңалықтарға арналған репортаждар, деректі фильмдер, сторителлинг пен подкасттарды шығару бойынша шеберлік сыныптары өткізілді. Сондай-ақ digital контентті өндіруге және жасанды интеллект технологияларын тиімді пайдалануға ерекше назар аударылды.

«Тренингтер қызықты және пайдалы болды. Мен жасанды интеллектті көптеген медиа өнімдер үшін пайдалануға болады деп ойламаған едім. Біз ЖИ технологияларын дұрыс қолдануды және этикалық аспектілерді үйрендік. Қытайлық сарапшылардың көзқарасы өте ұнады, себебі ЖИ тақырыбы әлі толық зерттелмеген, бірақ біз оны қолдану кезінде ұстану ережелері туралы білдік», – деді MNU студенті Аяулым Амангелдина.

«Тренингтер қызықты және пайдалы болды. Мен жасанды интеллектті көптеген медиа өнімдер үшін пайдалануға болады деп ойламаған едім. Біз ЖИ технологияларын дұрыс қолдануды және этикалық аспектілерді үйрендік. Қытайлық сарапшылардың көзқарасы өте ұнады, себебі ЖИ тақырыбы әлі толық зерттелмеген, бірақ біз оны қолдану кезінде ұстану ережелері туралы білдік», – деді MNU студенті Аяулым Амангелдина.

China Media Group 100-ден астам телевизиялық және радиоарналарды, сондай-ақ 80-нен астам тілде ақпарат тарататын ақпараттық порталдарды біріктіреді. CMG корреспонденттік желісі 67 елде 190-нан астам шетелдік бюродан тұрады. Медиаапталық қорытындысы бойынша студенттердің үздік жобалары ұсынылып, қатысушылар тиісті сертификаттарға ие болды.

«Біздің Қазақстанға сапарымыз ҚР Президенті телерадиокешені, MNU және CMG медиакорпорациясы арасындағы ынтымақтастықтың аясында мүмкін болды. Аудиожурналистика мен подкастинг өнеріне әуестенген қазақстандық студенттермен танысқаныма шын жүректен қуаныштымын. Студенттер өте таң қалдырды. Олар Астана қаласында сұхбат жазып, қорытынды жұмыстар үшін аудиоматериал жинап, тапсырманы керемет орындады. Сондай-ақ, MNU-да оқытуда практикаға бағдарланған тәсіл қолданылатыны мені қуантады», – деді CGTN Radio шеф-редакторы Нинь Ян.

Айта кетейік, 2024 жылы Телерадиокешенмен серіктестік аясында MNU-да Орталық Азиядағы алғашқы Al Jazeera апталығы өтті.

The post Қытайдың жетекші медиакорпорациясының журналистері MNU студенттеріне тренингтер өткізді appeared first on MNU.

Ернар Тайжан агенттік қызметінің негізгі бағыттарын егжей-тегжейлі түсіндіріп, «Заң мен Тәртіп» қағидаты аясындағы профилактикалық жұмысқа, сондай-ақ қаржылық құқық бұзушылықтарды болдырмау және алдын алу шараларына ерекше назар аударды. Оның айтуынша, өткен жылы азаматтардың қаржылық сауаттылығын арттыруға бағытталған іс-шаралар тәуекел топтарына жататын жеті миллионнан астам азаматты қамтыды. Сонымен қатар агенттік өкілі қоғамда қаржылық қауіпсіздік мәдениетін қалыптастыруға бағытталған бастамалар мен жүзеге асқан жобалардың нәтижелерімен бөлісті.

«Агенттік Maqsut Narikbayev University-мен белсенді ынтымақтасады. Университет біздің бастамаларды қолдайды және студенттер жобаларымызға тартылған. Олардың ішінде Қаржылық қауіпсіздік бойынша ұлттық олимпиадаға қатысу да бар. Студенттер агенттіктің бөлімшелерінде тәжірибеден өтіп, біздің жұмысымызға өз үлестерін қосып, жиі біздің әріптестерімізге айналуда. Мен олардың дайындығы жоғары деңгейде екенін атап өткім келеді, өйткені бізге дайын, білікті мамандар келеді. Біз бұл серіктестікті жоғары бағалаймыз және оның одан әрі дамуына үміт артамыз», – деді Ернар Тайжан.

Дәріс барысында кең таралған алаяқтық схемалар тақырыбы тыңдаушылардың ерекше қызығушылығын тудырды. Ернар Тайжан азаматтар тап болатын ең өзекті алдау әдістеріне егжей-тегжейлі тоқталып, нақты кейстер мен қауіп-қатерлерден қорғанудың тетіктері туралы айтып берді. Студенттер спикерге бірқатар сұрақ қойып, қаржылық сауаттылықты арттыру мен алаяқтыққа қарсы іс-қимыл бойынша өз идеяларын ұсынды.

Дәріс «Қоғаммен байланыс» курсы аясында өтті. Сабақ барысында Халықаралық журналистика мектебінің студенттері PR саласының өкілдерімен кездесіп, олардың ұйымдарының нақты кейстерімен жұмыс істейді және өздерінің PR стратегияларын дайындайды. Айта кетейік, бұған дейін ҚМА-мен ынтымақтастық аясында MNU-да «Қаржылық барлау және қаржылық қауіпсіздік» атты қосымша мамандандыру іске қосылған.

The post MNU студенттерінің дайындығы жоғары деңгейде – ҚМА ресми өкілі appeared first on MNU.

Шеберлік сабаққа МNU, Л.Н. Гумилев атындағы ЕҰУ және Astana IT University журналистика факультеттерінің студенттері қатысты. Халықаралық коммуникациялар жөніндегі сарапшылар, журналистік конкурстардың жеңімпаздары және климаттық талдаушылар биологиялық әртүрлілік туралы үздік жарияланымдарды егжей-тегжейлі талдап, климаттық тәуекелдерді жария етудегі медиа мен коммуникацияның рөлі туралы айтып берді.

«Климаттық тәуекелдер тақырыбын талқылау бүгінде журналистерден күрделі мәселелерді қарапайым сөздермен түсіндіруді ғана емес, үлкен деректермен жұмыс істеу дағдысын да талап етеді. Ең бастысы – шешім қабылдайтын және әлемге әсер ететін аудиторияға фактілерді жауапкершілікпен жеткізу үшін ақпарат ағынында мән-жайын анықтау. Сарапшылардың тәжірибесі мен жаңа нетворкинг барлық болашақ журналистер үшін барынша пайдалы болатынына сенімдімін», – деді MNU Халықаралық журналистика мектебінің деканы Айгүл Жамалова.

Айта кетейік, шеберлік сабақ БҰҰ Даму бағдарламасының Қазақстандағы кеңсесі, «Qazcontent» АҚ және Жасыл климат қорымен бірлесіп ұйымдастырылды. Іс-шараның қорытындысы бойынша жаһандық климаттық тәуекелдері туралы қоғамды сапалы ақпараттандыру үшін студенттердің қолданбалы дағдыларын қалыптастыру болды.

The post MNU-да болашақ журналистер климаттық тәуекелдерді ақпараттандырудағы ерекшеліктер туралы білді appeared first on MNU.

Белсенді серіктестік 2023 жылдан бастап меморандум аясында жалғасуда. Бұл талантты жастарды қолдау мен кәсіби дамытудағы, қоғам мен мемлекеттің заманауи коммуникативтік сұраныстарына жауап беретін журналистік корпусты қалыптастырудағы маңызды қадам. Қол қойылған құжат аясында MNU Халықаралық журналистика мектебі іске қосылды.

Серіктестік аясында университет базасында Президент Телерадиокешені қызметкерлерінің дәрістері, тренингтері мен шеберлік сыныптары жиі өткізіледі. Сондай-ақ студенттер медиахолдинг серіктестерінің ірі жобаларына қатысады. Бұған дейін MNU-да Қытай Медиакорпорациясының (CMG) іс-шаралары, сондай-ақ Al Jazeera оқу аптасы өткен болатын.

Президент Телерадиокешені болашақ журналистердің кәсіби дамуына ерекше көңіл бөледі. Медиахолдинг бұған дейін білім гранттарын бөліп, студенттерді өндірістік практикаға үнемі шақырады және түлектерге жұмысқа орналасу мүмкіндіктерін басым тәртіппен ұсынады. Бүгінде шамамен 15 студент практикадан өтуде, ал Халықаралық журналистика мектебі түлектерінің үштен бірі Телерадиокешеннің құрылымдарында табысты қызмет атқаруда.

«Қазақстанда ағылшын тілінде контент жасау мүмкіндігі бар медиа көп емес. Президент Телерадиокешенінде өзім үшін маңызды нәрсенің барлығын біріктіре алдым: аналитика, ағылшын тілі және телевизия. Университет пен медиахолдингке барлық мүмкіндіктер үшін алғысымды білдіремін», – деді Silk Way телеарнасының тілшісі Әлмир Әміров.

Айта кетейік, ҚР Президентінің Телерадиокешені республикалық Jibek Joly телеарнасы, Silk Way, Silk Way Cinema және Silk Way Prime халықаралық телеарналары, Jibek Joly радиосы, Kazinform халықаралық ақпараттық агенттігі мен Деректі кино орталығын біріктіреді.

The post MNU және Президент Телерадиокешені: болашақ журналистер үшін үлкен мүмкіндіктер appeared first on MNU.

Студенттер арасында БАҚ қызметі, ақпаратқа қолжетімділік, құқық пен бостандықды шектеуге байланысты оқиғалар ерекше қызығушылық тудырды. Роман Подопригора журналистерге өз қызметінде конституциялық негіздерді түсіну және қоғамдық маңызы бар тақырыптарды жариялау кезіндегі жауапкершілікті есте сақтау маңызды екенін атап өтті. Сондай-ақ Судья студенттердің сұрақтарына жауап берді.

«Мұндай дәрістер тек заңгерлер үшін ғана маңызды емес. Бүгін мен болашақ журналистермен сөйлестім, себебі Конституциялық Сот сөз бостандығы мен ақпарат тарату құқығы мәселелерін қозғайды. Ата заң азаматтарға өз мүмкіндіктері мен құқықтарын іске асыруға мүмкіндік беріп, барлығы конституциялық және құқықтық алаң аясында болуына тілектеспін», – деді Роман Подопригора.

Айта кетейік, Конституциялық Сот судьясының дәрісі «Медиа заңнама» курсы аясында өтті.

The post Конституциялық Cот судьясы MNU-да дәріс оқыды appeared first on MNU.

Тәжірибесі мол белгілі маман студенттерге іскерлік журналистиканың ерекшеліктері мен болашағы туралы айтып берді. Ол экономикалық тақырыптар бойынша сапалы материал дайындау үшін түрлі дереккөздермен тиімді жұмыс істеудің маңыздылығын атап өтті. Сондай-ақ Арман Джакуб студенттердің ақпараттық агенттік редакциясында өндірістік практикадан өту мүмкіндігі туралы мәлімдеді.

Айта кетейік, Inbusiness.kz Қазақстан мен әлемнің экономикалық, саяси және қоғамдық оқиғалары туралы хабар тарататын жетекші іскерлік ақпараттық порталдардың бірі.

The post Inbusiness басшысы MNU-да дәріс оқыды appeared first on MNU.

Жуырда Дохада Президент Телерадиокешенінің директоры – Maqsut Narikbayev University Қамқоршылар кеңесінің мүшесі Раушан Қажыбаева мен Al Jazeera Media Network бас директоры Шейх Нассер бин Фейсал Әл Танидің келіссөздері өтті, онда ынтымақтастықты тереңдету және Al Jazeera-ның өңірде қатысуын кеңейту мәселелері талқыланды. Сондай-ақ Раушан Қажыбаеваның Al Jazeera Media Institute директоры Иман Әл Амримен жеке кездесуі барысында 2026 жылы екінші «Al Jazeera Week» жобасын өткізу жоспары расталды. Бұдан басқа, қазақстандық студенттер мен сала кәсіпқойларының Al Jazeera-ның көпжылдық журналистік тәжірибесін жинақтаған медиаинституттың авторлық кәсіби әдебиет кітапханасына қолжетімділігін ұйымдастыру ұсынылды.

Орталық Азиядағы алғашқы «Al Jazeera Week» жобасын MNU-да 2024 жылы ҚР Президентінің Телерадиокешені мен Al Jazeera Media Network ұйымдастырды. Студенттер мен журналистерге ең ірі және беделді халықаралық телевизия желісі өкілдерінен 100 сағаттан астам теориялық және практикалық сабақтар ұсынылды. Іс-шара аясында MNU мен Al Jazeera Media Institute арасында ынтымақтастық туралы меморандумға қол қойылды.

Сонымен қатар Президент Телерадиокешенінің директоры Раушан ҚажыбаеваTengrinews.kz сайтына берген сұхбатында Телерадиокешеннің алдағы жоспарлары мен жобалары, халықаралық ынтымақтастықты дамыту және отандық медианарықтың жай-күйі туралы айтып берді. Ол соңғы жылдары Телерадиокешеннің Al Jazeera және Қытай медиакорпорациясымен бірлескен жобалардың толық портфелі қалыптасқанын, оның ішінде студенттер мен журналистерге арналған тренингтер мен тәжірибе алмасу бар екеніне тоқталды. Айта кетейік, 2023 жылы MNU-да Президент Телерадиокешенімен серіктестікте Халықаралық журналистика мектебі ашылды.

Президент Телерадиокешені басшысының сұхбатының толық нұсқасы осы сілтеме бойынша қолжетімді.

The post 2026 жылы екінші Al Jazeera апталығы өтеді appeared first on MNU.

Іс-шара барысында БАҚ қызметін нормативтік реттеу, жауапкершілік түрлері және жауапкершіліктен босату жағдайлары бойынша түсініктемелер берілді. Сондай-ақ қорқытып алу және жалған ақпарат таратумен айналысқан журналистер мен блогерлердің кейбір кейстері қаралды. Айжан Аймағанова журналистердің құқық қорғау органдарымен тиімді өзара іс-қимылы жөніндегі ұсыныстарымен бөлісті.

«Журналистің құқықтық сауаттылығы – қосымша дағды емес, бұл қауіпсіз және кәсіби жұмыстың іргетасы. Егер сізде білім болса, жұмыс барысында әрқашан мықты, сенімді және еркін боласыз. Мұндай тренингтер өткір немесе арандатушылық сұрақтарға дайындалуға, тыныштық пен сенімділікті сақтауға және әрбір сөзді қоғам үшін нақты, заңды және түсінікті болатындай етуге көмектеседі», – деді Айжан Аймағанова.

Айта кетейік, тренингке елуден астам студент пен журналист қатысты.

The post «Заң мен тәртіп»: танымал прокурор Айжан Аймағанова MNU-да тренинг өткізді appeared first on MNU.