Іс-шара бейінді министрліктер, жұмыс берушілер, сондай-ақ құқық саласында мамандар даярлайтын республиканың жоғары оқу орындары өкілдерінің қатысуымен гибридтік форматта өтті. Қатысушылар университеттер жанындағы заң клиникаларының қызметі, кадрлық және оқу-әдістемелік қамтамасыз ету сапасын арттыру және заң білімін интернационалдандыру мәселелерін талқылады. Сонымен қатар заңгерлік клиникаларды кәсіби заңгерлік қоғамдастықпен ықпалдастыру ұсынылып, заңгерлік клиникалық білім беруді дамыту жөнінде пікір алмасылды.

Айта кетейік, отырыс барысында MNU өкілдері екінші International Legathon MaxUP-қа дайындық туралы айтып берді. 13 елдің студенттерінің қатысуымен өтетін ауқымды заң кейс-чемпионат университет қабырғасында осы жылдың 3-4 сәуіріне жоспарланған.

The post MNU-да заңгерлік клиникалық білім беруді дамыту мәселесі талқыланды appeared first on MNU.

Жаннетта Қалишева ҚазҰУ-дың бірінші проректоры Еркін Дүйсеновпен және заң факультетінің деканы Уәлихан Ахатовпен келіссөздер жүргізді. Кездесуде жетекші әлемдік заң әдебиетін қазақ тіліне аударуға, сондай-ақ отандық ғалымдар мен оқытушылардың заманауи оқулықтар әзірлеуіне бағытталған жоба таныстырылды. Сонымен қатар Жаннетта Қалишева ҚазҰУ профессорлық-оқытушылық құрамымен кездесіп, жаңа баспа бағытының тұжырымдамасын таныстырды.

Алматылық университеттің өкілдері бастаманы қолдап, бірлескен жұмысқа дайын екендіктерін білдірді. Сондай-ақ ҚазҰУ жобаға қатысатын университеттер консорциумын қалыптастыру мәселелеріне атсалысады. Оқу-әдістемелік бірлестіктің жұмыс тобының мүшелері жобаны қаржыландырудың бірыңғай қорын іске қосуға ниетті, өйткені жоба республикадағы заң білімін дамытуға және академиялық ортада мемлекеттік тілдің рөлін нығайтуға маңызды қадам болады.

Айта кетейік, MNU заң әдебиетін қазақ тіліне аудару жобасының базалық университеті болып табылады.

The post Алматыда заң әдебиетін қазақ тіліне аудару жобасын жүзеге асыру мәселесі талқыланды appeared first on MNU.

Maqsut Narikbayev University-де «Құқық» бағыты бойынша оқу-әдістемелік бірлестіктің кезекті отырысы өтті. Сарапшылар республикадағы заң білімін дамыту мәселелерін талқылады.

Гибридті форматтағы іс-шараға MNU мен ҚР Әділет министрлігінің өкілдері және Қазақстанның жетекші жоғары оқу орындарының басшылары қатысты. Олар білім беру бағдарламаларына жасанды интеллектіні енгізу, оқытушылардың біліктілігін арттыру және қазақ тіліндегі заң әдебиетін дамыту мәселелерін талқылады. Отырыс барысында MNU оқу процесіне жасанды интеллект технологияларын енгізудің кешенді моделін таныстырды.

Бастамаға бакалавриаттың барлық бағдарламалары үшін жаңа міндетті пән – «ЖИ-ге кіріспе: заң мамандықтарына арналған қолдану негіздері» енгізу кіреді. Сондай-ақ «Заң хаты», «Заңгерлік консалтинг» және «Moot Court» сияқты пәндерге ЖИ-мен жұмыс істеу модульдері қосылады. Студенттер prompt engineering, мәтіндерді талдау мен тексеру, құжаттарды құрастыруды автоматизациялау және due diligence дағдыларын меңгеретін болады.

Магистранттар үшін үлкен деректермен жұмыс және дереккөздерді интеллектуалды іздеуге баса назар аудара отырып, құқықтық зерттеулерде ЖИ қолдану модулі енгізіледі. Сондай-ақ оқытушыларға арналған жасанды интеллектіні оқу процесінде қолдану бойынша біліктілікті арттыру курстары қарастырылған. Бұдан бөлек, «Құқық IT» бағдарламасы аясында ЖИ технологияларын реттеуді тереңірек зерттеу жоспарлануда.

Бірлестік мүшелері профессорлық-оқытушылық құрам үшін жазғы және қысқы мектептер шеңберінде біліктілікті арттыру курстарын тұрақты түрде өткізу қажеттігін талқылады. Олардың қатарында «Оқытушыларға арналған шешендік өнер», «Эмоциялық интеллект», «Әкімшілік құқық» және «Қылмыстық құқық бойынша кейс әзірлеу әдістемесі» сияқты пәндер бар.

Ерекше назар мемлекеттік тілдегі оқу әдебиетін дамытуға аударылды. MNU классикалық заң еңбектерін қазақ тіліне ресми аударуға құқық алу үшін Oxford баспасымен келіссөздер жүргізуде. Бұл студенттерді әлемдік білім беру ресурстарына қол жеткізумен қамтамасыз етеді.

Айта кетейік, осы аптада Мемлекет басшысы Қасым-Жомарт Тоқаевтың Қазақстан халқына Жолдауының басты тақырыбы жасанды интеллект дәуіріндегі өзекті мәселелер және оны түбегейлі цифрлық өзгерістер арқылы шешу болды.

The post MNU оқу процесіне жасанды интеллект технологияларын енгізу моделін таныстырды appeared first on MNU.

Жұмыс тобының құрамында MNU, ҚР Бас прокуратурасы жанындағы Құқық қорғау органдары академиясы, ҚР Жоғары Сот Кеңесі жанындағы Әділет академиясы, ҚР ғылым және жоғары білім министрлігі, ҚР әділет министрлігі өкілдері мен жұмыс берушілер болды. Олар 2025 жылғы сәуір айында өткен заң білімін дамыту тақырыбына арналған Парламенттік тыңдаулардың ұсынымдарын қарастырды. Сонымен қатар қатысушылар жұмыс берушілердің сұраныстарын ескере отырып, «Құқық» бағыты бойынша білім беру бағдарламасын жаңарту, пәнаралық курстар енгізу, жаңа түлек моделін әзірлеу және заң клиникаларының жұмысын дамыту мәселелерін талқылады.

Жанды пікірталас білім беру саласында жасанды интеллект технологияларын пайдалану, оның түрлері мен ЖИ қолдану стандарттарын қалыптастыру тақырыбы төңірегінде өрбіді. Жұмыс тобының мүшелері MNU профессорлық-оқытушылар құрамы әзірлеп жатқан «ЖИ-ге кіріспе» атты жаңа курстың мазмұнымен танысты. Бұдан бөлек, мемлекеттік тілдегі заманауи заң әдебиеті ұсынылып, оның қаржыландыру мәселесі қозғалды.

Отырыстың қатысушылары мемлекеттік тілде оқу құралдарын жазу әдістемесін айқындау бойынша ойларымен бөлісіп, «Құқық» бағыты бойынша ғылыми зерттеулерді жариялау мәселесіне ұсыныстар енгізді. Сондай-ақ заң пәндерінің оқытушыларына арналған қысқы және жазғы мектептер аясында біліктілікті арттыру орталығын құру қолдау тауып, заң саласында салалық біліктілік шеңберін қалыптастыру бойынша Жол картасы әзірленді.

The post MNU-да заңгерлерді даярлаудың жаңа тәсілдері талқыланды appeared first on MNU.

The post MAQSUT NARIKBAYEV UNIVERSITY «ҚҰҚЫҚ» БАҒЫТЫ БОЙЫНША ОӘБ БАҒДАРЛАМАСЫ appeared first on MNU.

«Құқық» бағыты бойынша ОӘБ – бұл Қазақстанның барлық өңірлеріндегі жоғары оқу орындарын біріктіретін диалог алаңы. Мұнда заң білімін, құқық ғылымын және заңгерлік мамандықты дамытуға қатысты маңызды мәселелер талқыланады.

Отырыста келесі мәселелер қаралды:

• • Қазақстан Республикасында заң білімін дамыту тұжырымдамасының жобасы. Заң білімін дамытуға арналған негізгі тәсілдерді анықтау.  
• • Цифрлық құқық саласындағы білім беру курсы  
• • ЖБТ – Жаңартылған мазмұндағы оқулықтар. «Қазақ-орыс құқықтық сөздігі: заңнамадағы қателіктер мен түсіндірмелер». Баймұрат С. – Adjunct Assistant Professor, MAQSUT NARIKBAYEV UNIVERSITY.
• • Л. Гумилев атындағы ЕҰУ-да Халықаралық экологиялық құқық және орнықты даму орталығының ашылуы.
• • Жоғары оқу орындарын бітірген түлектердің білім беру бағдарламасын аяқтағаннан кейін заңгерлік практикаға рұқсат алу механизмі ретінде міндетті практикалық тағылымдаманы енгізу мәселесі.

ОӘБ төрағасы Т.М.  Нәрікбаев бірінші мәселе бойынша MAQSUT NARIKBAYEV UNIVERSITY Құқық жоғары мектебінің деканы Бектибаева О.С. ханымға сөз бере отырып, заң білімін дамыту тұжырымдамасы жобасы бойынша жұмыс көктемде басталғанын атап өтті. Мамыр айында ОӘБ алаңында «Құқық» бағыты бойынша 41 жоғары оқу орнының қатысуымен Стратегиялық сессия өткізіліп, тұжырымдаманың негізгі ережелері мен жұмыс бағыттары айқындалған болатын. Кейін тұжырымдама жобасы барлық жоғары оқу орындарына талдау жасап, мазмұнын жақсарту бойынша ұсыныстар енгізу үшін жіберілді.  Белгіленген уақыт ішінде 8 жоғары оқу орнынан ұсыныстар қабылданып, жұмыс тобы өз қызметін жалғастырды. MAQSUT NARIKBAYEV UNIVERSITY Құқық жоғары мектебінің деканы Бектибаева О.С. жүргізілген жұмыстар туралы есеп берді. Тұжырымдама жобасын талқылау барысында «Құқық» бағыты бойынша жоғары оқу орындарының өкілдері де сөз сөйледі.

Талқылауды қорытындылай келе, ОӘБ төрағасы Т. М. Нәрікбаев заңгерлік білім беруді дамыту тұжырымдамасы әлем жағдайында тез өзгеретін және жоғары білім беру жүйесіне енгізілетін өзгерістер жағдайында тиімді жұмыс істей алатын жоғары білікті мамандарды даярлау үшін әдіснамалық ғылыми негізделген бағдарламаға айналатынын атап өтті. 

Екінші мәселе бойынша «Цифрлық құқық саласындағы білім беру курсы» тақырыбында АХҚО жанындағы Digital Rights Center Qazaqstan директоры Утеген Дана сөз сөйлеп, цифрлық құқық бағдарламасын таныстырды. Бұл бағдарлама цифрлық экономика саласындағы түрлі салаларда жұмыс істейтін заңгерлердің біліктілігін арттыруға бағытталған. Бизнестің әртүрлі салаларын цифрландыру жаңа түрдегі қатынастарды қалыптастырады; олардың интернетті, ақпараттық технологияларды, жасанды интеллектіні пайдалану бойынша бірқатар өзгешеліктері бар.

ОӘБ-ЖБТ бағыты аясында «Қазақ-Орыс құқықтық сөздігі: заңнамадағы қателер және түсіндірмелер» атты оқулық қарастырылды. Оқулықты Баймұрат С., MAQSUT NARIKBAYEV UNIVERSITY Adjunct Assistant Professor-мен әзірленген. 

Оқу басылымын талқылауға ОӘБ мүше университеттерінің профессорлары мен ҚР Әділет министрлігінің өкілдері – құқық түсіндіру және үйлестіру департаментінің директоры Н.С. Жамаладин белсенді қатысты.  Талқылау барысында қатысушылар бұл сөздік заңды терминдерді дұрыс түсіну және практикада қолдану үшін қажетті оқу басылымдарының бірі болып табылады деген пікір білдірді.

Отырыс барысында күн тәртібінің төртінші мәселесі бойынша Л. Гумилев атындағы ЕҰУ Халықаралық құқық кафедрасының меңгерушісі Ақшалова Р. Д. баяндама жасады. Ол құрылған Халықаралық экологиялық құқық және орнықты даму орталығы жұмысының мақсаттары туралы айтып, болашақ жоспарларымен бөлісіп, қатысушыларды ынтымақтастыққа шақырды.

Күн тәртібін қорытындылай отырып, ЖЖОКБҰ түлектері үшін білім беру курсын аяқтағаннан кейін заңгерлік практикаға рұқсат алу механизмі ретінде міндетті практикалық тағылымдама механизмдерін енгізу мәселесі қарастырылды. Талқылауда MAQSUT NARIKBAYEV UNIVERSITY заңгерлерді бағалау және сертификаттау бюросының жетекшісі Қалишева Ж.Г. қазіргі жағдайда «Құқық» бағыты бойынша жоғары оқу орындарын аяқтаған түлектер үшін өндірістік тәжірибенің заңгерлік практикаға рұқсат алу механизмдерінің бірі ретінде жүзеге асырылатынын айтты. Талқылау барысында ЖЖОКБҰ өкілдері ҚР Әділет министрлігінің өкілдеріне сұрақтар қойылды, оларға Құқықтық түсіндіру және үйлестіру департаментінің директоры Жамаладин Н.С. жауап берді. 

The post MAQSUT NARIKBAYEV UNIVERSITY “ҚҰҚЫҚ” БАҒЫТЫ БОЙЫНША ОӘБ ОТЫРЫСЫ appeared first on MNU.

Іс-шара Франция мен Бельгияның Қазақстандағы елшілерінің алғы сөзімен ашылды. Елшілер Сильван Гиоге мен Анри Вантигем гендерлік зорлық-зомбылыққа қарсы күрестегі халықаралық ынтымақтастықтың маңыздылығын атап өтті. Олар әйелдер мен қыздардың құқықтары қорғалатын, зорлық-зомбылық жағдайлары тиісті деңгейде назарға алынып, жүйелі түрде шешілетін қауіпсіз ортаны құру үшін бірігіп жұмыс істеу қажет екенін алға тартты.

Спикерлер қатарында “БҰҰ-әйелдер” құрылымының елдік кеңсесі басшысының міндетін атқарушы Дина Амришева, “Гүлмира” қысқаметражды фильмінің режиссері Айнамкөз Есжанова, “Pay the Bill” әлеуметтік жобасының продюсері Әсел Ержанова және “Қорғау Астана” дағдарыс орталығының жетекшісі Анна Рыль болды. Іс-шарада өнердің әлеуметтік мәселелерге назар аударту, стериотиптерді бұзу және өзгерістерге итермелейтін шабыт беру құралы ретіндегі маңызына ерекше назар аударылды.

Айнамкөз Есжанова күрделі тақырыптарда фильмдер түсіру тәжірибесі туралы өз сөзінде: «Кино зорлық-зомбылық құрбанының ішкі әлемін, оның тәжірибесі мен күресін көрсетуге мүмкіндік береді. Бұл қоғам өзін көре алатын, мәселені түсінетін және әрекет ете бастайтын айна».

Ол өзінің фильмінде психологиялық зорлық-зомбылыққа, оны тану қиындықтары мен адамдарға тигізетін зардаптарына назар аудартады. Анна Рыль зорлық зомбылық құрбандарымен практикалық тәжірибесімен бөлісе отыра: «Зорлық-зомбылықтың тұйық шеңберінен шығу үшін кешенді психологиялық, әлеуметтік және экономикалық қолдау қажет. Онсыз әйелдер осал болып қалады және қоғам оларға нақты көмек көрсетуге міндетті», деп айтты.

Пікірталасқа қатысушылар осы саладағы заңнаманы өзгерту және алдын алу шараларын күшейту қажеттілігін де талқылады. Гендерлік зорлық-зомбылыққа қарсы күрес тек мемлекеттің ғана емес, әрбір қоғам мүшесінің міндеті екені атап өтілді. Халықтың барлық топтарын тарту және дағдарыс орталықтарын дамыту – қауіпсіз орта құру жолындағы маңызды қадам екендігі алға тартылды.

Іс-шара қатысушылардың зорлық-зомбылыққа деген көзқарасын өзгерту және құрбандарды қолдау ісіндегі өнердің рөлін талқыға салған сұрақ-жауап сессиясымен аяқталды. Ұйымдастырушылар мен қатысушылар бұл шараның гендерлік зорлық-зомбылыққа қарсы күрес пен әйелдер мен қыздардың құқықтарын қорғауға бағытталған ұлттық науқанға қосқан тағы бір үлесі екеніне сенім білдірді.

The post 16 күндік белсенді әрекет: өнер – гендерлік зорлық-зомбылыққа қарсы күрес құралы appeared first on MNU.

The post MAQSUT NARIKBAYEV UNIVERSITY «ҚҰҚЫҚ» БАҒЫТЫ БОЙЫНША ОӘБ БАҒДАРЛАМАСЫ appeared first on MNU.