Александр Стубб Қазақстанға Финляндия Президенті ретінде алғашқы ресми сапары аясында MNU-ға келді. Дәріс барысында ол екі мемлекет арасындағы ынтымақтастықтың әлеуеті, құқық үстемдігі принципінің маңыздылығы және орта державалардың рөлі туралы өз ойымен бөлісті. Суоми елінің басшысы сондай-ақ «Сису» фин философиясының ерекшеліктері туралы айтты.

«Мен студенттермен әлемдік тәртіптің өзгеруі туралы өз көзқарасыммен бөлістім, өйткені бұл процесте келесі ұрпақ шешуші рөл атқаратын болады. Біз әрқашан адалдық, егемендік және тәуелсіздік сияқты құндылықтарға сенуіміз керек», – деп атап өтті Александр Стубб.

Финляндия Президентінің дәрісі Қазақстанның халықаралық аренадағы өсіп келе жатқан рөлінің белгісі. Бұған Мемлекет басшысы Қасым-Жомарт Тоқаевтың ашықтық, сенім және әділ әлемдік тәртіп құндылықтарын ілгерілету жөніндегі бастамалары ықпал етеді. Айта кетейік, Қазақстан Президентінің саясатының арқасында мұндай диалогтар мүмкін болып, республиканың әлем жұртшылығы алдындағы беделі артады. MNU Басқарма төрағасы Талғат Нәрікбаев Финляндия Президентіне диалогқа мүмкіндік бергені үшін алғыс айтып, дәріс студенттерді жаңа жетістіктер мен зерттеулерге шабыттандыратынына сенім білдірді.

Іс-шараға ҚР Ғылым және жоғары білім министрі Саясат Нұрбек, университеттің профессорлық-оқытушылық құрамы, сарапшылар, Финляндия делегациясының өкілдері, қазақстандық және шетелдік журналистер қатысты. Александр Стубб сондай-ақ студенттердің сұрақтарына жауап берді.

«Дәріс қызық болды, өйткені Финляндия Президенті мемлекеттік қызмет, екіжақты қарым-қатынастар және әлемнің қайда бара жатқаны туралы өз ойларымен бөлісті. Маған оның барлық мүмкіндіктерді дұрыс пайдалану қажеттігі туралы құнды кеңесі ұнады», – деді MNU студенті Әлихан Исекешев.

Айта кетейік, бұған дейін университетте Франция Президенті Эмманюэль Макронның, Германияның Экс-Федералдық канцлері Олаф Шольцтың және Нидерландының Экс-Премьер-министрі, НАТО Бас хатшысы Марк Рюттенің дәрістері өткен болатын.

The post Финляндия Президенті Maqsut Narikbayev University-де дәріс оқыды appeared first on MNU.

Maqsut Narikbayev University академиялық алмасу бағдарламасын кеңейтуде. Университет Корея Республикасының Қазақстан Республикасындағы Елшілігі жанындағы Білім беру орталығымен меморандум жасасты.

Құжат университет пен орталық арасындағы ынтымақтастықты қолдау және дамытуға бағытталған. Келісім аясында MNU-ға корей тілі оқытушылары жіберіледі. Бағдарламаны Корея Республикасының Үкіметі қаржыландырады.

Өзара түсіністік туралы меморандумға MNU провосты Сергей Пен мен Корея Республикасының Қазақстандағы Елшілігі жанындағы Білім беру орталығының директоры Ким Хонгхван қол қойды. Тараптар ұзақ мерзімді ынтымақтастық пен бірлескен білім беру жобаларын іске қосуға сенім білдірді. Бұдан басқа, орталық өкілдері университеттің инфрақұрылымдық ортасымен танысты.

Айта кетейік, Maqsut Narikbayev University-дің корей жоғары оқу орындарымен қос диплом және академиялық ұтқырлық бағдарламалары бойынша келісімдері бар. Бұған дейін университет Қытайдың жетекші жоғары оқу орындарымен меморандумдар жасасқан болатын.

The post MNU Корея Республикасымен академиялық алмасуды кеңейтеді appeared first on MNU.

MNU-да Венеция комиссиясының президенті ҚР Конституциялық Сотымен бірлесіп ұйымдастырылған «Venice Commission Model» интерактивті имитациялық ойынына қатысты. Онда студенттер Венеция комиссиясының жұмысын моделдеп, халықаралық қатынастар, құқықтану және жоғары кәсіби деңгейде пікірталас жүргізу саласындағы терең білімдерін көрсетті. Клэр Бази Малори студенттердің дайындық деңгейін және іс-шараның ұйымдастырылуын жоғары бағалап, болашақ заңгерлер мен дипломаттарды даярлау үшін осындай форматтардың маңыздылығын атап өтті.

«Студенттердің құқықтық тетіктерді қаншалықты терең түсініп жұмыс істейтінін көру өте әсерлі болды. Бұл жаңа буынның зор әлеуетін көрсетеді», – деді Клэр Бази Малори.

Айта кетейік, Қазақстан 2012 жылдан бері Венеция комиссиясының мүшесі болып табылады. Комиссия Еуропа Кеңесі жанындағы конституциялық құқық жөніндегі консультативтік орган. Оның міндеттері конституциялық құқық пен адам құқықтарын қорғау мәселелерін қозғайтын заңдар мен олардың жобаларын талдау. Венеция комиссиясы президентінің MNU-ға сапары қазақстандық білім берудің өсіп келе жатқан халықаралық беделін және оның жаһандық процестерді талқылаудағы рөлін көрсетеді.

The post Венеция комиссиясының президенті MNU-ға келді appeared first on MNU.

Қытайдың CGTN халықаралық жаңалықтар телеарнасы мен әзірбайжандық AnewZ халықаралық жаңалықтар телеарнасының бағдарламаларының түсірілімі Maqsut Narikbayev University-де өтті. Бұл университеттің ҚР Президентінің Телерадиокешенімен серіктестігі аясында мүмкін болды. Бағдарламалар әлем бойынша 100-ден астам елді қамтитын кең аудиторияға көрсетілді.

CGTN телеарнасының World Insight жобасының арнайы шығарылымы «Орталық Азия – Қытай» екінші саммиті қарсаңында эфирге шықты. Қазақстандық және шетелдік сарапшылар Орталық Азия мен Қытай елдері арасындағы әріптестік пен өзара тиімді ынтымақтастықтың жаңа жолдары жөнінде пікір алмасып, MNU студенттерінің сұрақтарына жауап берді. Бұдан басқа, бағдарлама Қазақстанның Silk Way тұңғыш ұлттық спутниктік телеарнасы арқылы алты тілде көрсетілді.

AnewZ телеарнасының AnewZ Talks жобасының жаңа шығарылымында медиа пен дипломатияны тереңдету мәселелері қозғалды. Қатысушылар сондай-ақ жасанды интеллекттің даму дәуіріндегі медианың дипломатияға әсерін талқылады. Сарапшылардың арасында MNU басқарма төрағасының халықаралық байланыстар мен бастамалар жөніндегі кеңесшісі Мирас Жиенбаев та болды.

The post MNU студенттері халықаралық тележобаларға қатысты appeared first on MNU.

Университет дипломатиялық корпуспен өзара іс-қимылды белсенді түрде арттыруды жалғастыруда. Андреа Бахер аустриялық дипломатиялық миссияны осы жылдың басында басқарды. MNU басқарма төрағасы Талғат Нәрікбаевпен кездесуде академиялық және мәдени ынтымақтастықты нығайту мәселелері талқыланды.

Айта кетейік, Аустрия Қазақстанның Орталық Еуропадағы жетекші сауда серіктестерінің қатарына кіреді. Бүгінде Қазақстанда аустриялық капиталдың қатысуымен 180-ге жуық кәсіпорын тіркелген.

The post MNU-ға Аустрия Елшісі Андреа Бахер келді appeared first on MNU.

Жобаның басталуы 17 маусымда Астанада өтетін «ОА – Қытай» екінші саммиті қарсаңында өтті. Фестиваль аясында Орталық Азия елдерінің телеарналарында 10-нан астам деректі фильмдер мен телебағдарламаларды көрсету жоспарланған. Бұл бағдарламалар ел өмірінің негізгі аспектілерін көрсетеді: әлеуметтік-экономикалық даму, мәдени мұра және адамдардың күнделікті тарихы.

«Мыңдаған жылдар бойы Қытай мен Орталық Азия халықтары бірлесіп Жібек жолын құрды. Ол Шығыс пен Батысты, Азия мен Еуропаны біріктіріп, әлемдік өркениеттердің алмасуына, өзара байуына және дамуына тарихи үлес қосты. Кино мен теледидар біздің халықтарымыз арасындағы достық пен өзара түсіністіктің жаңа симфониясын қалыптастыратын көпірге айналады», – деп мәлімдеді Қытай медиакорпорациясының бас директоры Шэнь Хайсюн өзінің бейнеүндеуінде.

Іске қосу рәсіміне Қытай медиакорпорациясы Еуразиялық бюросының қызметкерлері, отандық БАҚ басшылары, дипломатиялық корпус өкілдері, Maqsut Narikbayev University қызметкерлері және медиа саласындағы сарапшылар қатысты. MNU провосты Сергей Пен бұл бастама ҚХР мен Орталық Азия елдері арасындағы мәдени және медиа ынтымақтастықтың жаңа форматына серпін беретінін атап өтті.

«Бұл жоба – тек контент алмасу ғана емес, қоғам арасындағы диалог. Қазақстан, Қырғызстан, Тәжікстан, Түрікменстан және Өзбекстан елдерінің көрермендері Аспан асты елінің кейіпкерлеріне ортақтасып, ал қытайлық аудитория Орталық Азия мәдениетімен танысып, шынайы құрмет пен сенімге қадам жасайды. Біз «Мәдени байланыстар – 2025» фестивалі жаңа бірлескен жобалар үшін берік негіз болады деп сенеміз», – деді Сергей Пен.

Айта кетейік, Maqsut Narikbayev University іс-шараның серіктесі ретінде фестивальді бастау алатын алаңға айналып, халықаралық диалог, академиялық ынтымақтастық және мәдени алмасу принциптеріне бейілділігін растады.

The post Мәдени байланыстар: MNU-да Орталық Азия аудиториясына арналған қытайлық тележобаларының фестивалі бастау алды appeared first on MNU.

Meta топ-менеджментінің өкілі әлемнің ірі трансұлттық компанияларының бірінің жастардың онлайн-қауіпсіздігін қамтамасыз ету тәсілдері туралы айтып берді. Ол Қазақстандағы Instagram-да Teen Accounts (Жасөспірімдерге арналған аккаунттар) ашылу рәсімінде сөз сөйледі. Іс-шараны Meta Platforms Inc компаниясы ҚР-дағы Бала құқықтары жөніндегі уәкілмен бірлесіп және ҚР Мәдениет және ақпарат министрлігінің қолдауымен ұйымдастырды.

Іс-шараға ҚР Ішкі істер министрі Ержан Сәденов, ҚР Бала құқықтары жөніндегі уәкіл Динара Зәкиева, ҚР Парламенті Сенаты мен Мәжілісінің депутаттары, Maqsut Narikbayev University басшылығы, бірнеше министрліктер мен халықаралық ұйымдардың өкілдері, сондай-ақ, Астана қаласының оқушылары қатысты. 16 жасқа дейінгі жасөспірімдерге арналған аккаунттар жоғары қауіпсіздік пен бақылау шараларымен сипатталады. Бастамада ата-аналардың ақыл-кеңесі мен халықаралық зерттеулер ескерілген. Аккаунттар кибербуллинг пен зиянды контентпен байланысты тәуекелдерді төмендетуге бағытталған.

Саймон Милнер сондай-ақ, MNU басқарма төрағасы Талғат Нәрікбаев пен MNU провосты Сергей Пенмен кездесті. Тараптар ынтымақтастықтың перспективалы бағыттарын талқылап, Орталық Азиядағы цифрлық этика мен интернеттегі қауіпсіздікке арналған алғашқы зерттеу орталығы – VERA Lab жобасын іске қосу мүмкіндігін қарастырды. Бұдан басқа, Meta вице-президенті MNU инфрақұрылымымен танысып, маңызды іс-шараны өткізуге берілген алаң үшін университет басшылығына алғыс білдірді.

Қазақстанда Teen Accounts ашылуы жасөспiрiмдердiң жас талабына және ата-аналардың үмітіне сай келетiн неғұрлым қауiпсiз цифрлық орта құруға маңызды қадам болады деп күтiлуде.

The post Жасөспірімдерге арналған аккаунттар, зертхананы іске қосу, онлайн қауіпсіздік: Meta вице-президенті MNU-ға келді appeared first on MNU.

Іс-шараны Қазақстандағы Испания Корольдігінің Елшілігі БҰҰ елдік командасымен бірлесіп, Дамуды қаржыландыру жөніндегі төртінші халықаралық конференциясына орай ұйымдастырды. Аталған шара 2025 жылғы 30 маусым мен 3 шілде аралығында Севильяда өтеді, онда дамуды қаржыландыру ұйымдарының әлеуметтік пайдалы жеке инвестицияларды көбірек жұмылдыру тақырыбы қаралады. MNU-дағы диалог жаһандық конференцияға дайындық процесінің бір бөлігі және Орнықты даму мақсаттарына қол жеткізу жолында халықаралық қоғамдастықтың алдында тұрған қаржылық сын-қатерлерді талқылау алаңына айналды.

«Maqsut Narikbayev University үшін мұндай диалогтың бір бөлігі болу – тек құрмет қана емес, сонымен қатар, біздің стратегиялық миссиямыздың көрінісі. Ол тұрақтылық пен әділдік қағидаттары негізінде жаһандық сын-қатерлерді шешуге қабілетті болашақ көшбасшылардың ойлау қабілеті қалыптасатын орын болу», – деді MNU провосты Сергей Пен.

Сарапшылар атап өткендей, бүгінде әлем халқының 40 пайызы білім мен денсаулыққа қарағанда, үкіметтері қарыздың пайыздарын өтеуге көп қаражат жұмсайтын елдерде тұрады. Диалогқа қатысушылар қаржылық тұрақтылықты күшейту және дамуды қолдау тетіктерінің тиімділігін арттыру тәсілдерін талқылады. БҰҰ өкілдері Севильяда өтетін халықаралық конференция жаһандық қаржы жүйесін реформалап, кедейлікпен, климат мәселелерімен және теңсіздікпен күресу үшін маңызды қадам болатынын атап өтті.

«БҰҰ мәліметінше, әлем 2030 жылға дейінгі кезеңге арналған күн тәртібін орындаудан айтарлықтай артта қалып отыр. Талданған 140 мақсаттың жартысына жуығы теріс динамиканы көрсетеді. 2030 жылға қарай 600 миллионға жуық адам бұрынғысынша өте кедей жағдайда өмір сүреді деп болжануда. Сонымен қатар дамушы елдер жыл сайын 4 триллион долларын құрайтын қаржыландыру тапшылығына тап болып отыр. Осының аясында конференция өткізу жаһандық қаржылық архитектурасы реформаларын және ресурстарды жұмылдыруды талқылау үшін платформа ретінде ерекше маңызға ие болады», – деді БҰҰ-ның Қазақстандағы Тұрақты үйлестірушісі кеңсесінің басшысы Құртмолла Абдулғаниев.

Айта кетейік, іс-шараны Maqsut Narikbayev University-де өткізу жоғары оқу орнының білім, саясат және халықаралық бастамалар арасындағы байланысты нығайтуға деген ұмтылысын көрсетеді. Университет орнықты дамудың жаңа күн тәртібін қалыптастыруға қатыса отырып, шетелдік әріптестермен академиялық ынтымақтастықты дамытуды жалғастыруда.

The post Дамуды қаржыландыру болашағы: MNU-да сараптамалық диалог өтті appeared first on MNU.

Құжат Қазақстан мен Өзбекстанның ғылыми-зерттеу және талдау орталықтары арасындағы серіктестік байланыстарды дамытуға бағытталған. Тараптар саяси және экономикалық зерттеулер, өңірлік қауіпсіздік, тарих, мәдениет, экология, су ресурстары, сауда және инвестициялар сияқты салаларда ынтымақтасуға келісті.

Меморандумға MNU Басқарма төрағасы Талғат Нәрікбаев және Орталық Азия халықаралық институтының директоры Жавлон Вахабов қол қойды. Меморандум бірлескен ғылыми іс-шараларды – форумдар, конференциялар, дөңгелек үстелдерді ұйымдастыруды, сондай-ақ, ақпарат, жарияланымдар алмасуды және ғылыми дерекқорларға қолжетімділікті қамтиды. Бұдан басқа, зерттеулер мен ғылыми жарияланымдар бойынша бірлескен жұмыс жоспарлануда.

ОАХИ – Орталық Азияға қатысты өңірлік процестер мен халықаралық қатынастарды зерттеумен айналысатын мемлекеттік ғылыми-зерттеу мекемесі. Өзбекстанның жетекші талдау орталығымен ынтымақтастық MNU-дың халықаралық академиялық өзара іс-қимылды нығайту бағытының жалғасы болды.

Айта кетейік, бұған дейін университет жетекші шетелдік ұйымдармен және жоғары оқу орындарымен бірқатар меморандумдарға қол қойған болатын.

The post MNU Өзбекстанның жетекші талдау орталығымен ынтымақтасады appeared first on MNU.

Academic Plan – бұл жай ғана технологиялық көмек емес, бұл білім беру саласына жасалған стратегиялық инвестиция. Бағдарлама аясында студенттер мен оқытушылар кәсіби ортада кеңінен қолданылатын заманауи локализация құралдарымен жұмыс істеуге мүмкіндік алады. Аударма, қолданбалы лингвистика және мәдениетаралық коммуникация бағыттарында білім алып жатқан магистранттар нақты жағдайларға негізделген жобалармен айналысып, түрлі нарықтар мен мәдениеттерге контентті бейімдеу үдерісін терең меңгереді.

Бұл серіктестік Maqsut Narikbayev University үшін заманауи цифрлық шешімдерді білім беру процесіне енгізудегі маңызды қадам болып табылады. Phrase Localization платформасы оқу бағдарламаларын заманауи талаптарға сай, практикалық бағытта дамытуға ықпал етіп, студенттер үшін академиялық және кәсіби мүмкіндіктер көкжиегін кеңейтеді.

The post MNU мен Phrase: аударма мен локализация болашағы жолындағы серіктестік appeared first on MNU.