ТДМ 17 - MNU

“Қазақстан экономикасына шолу 2025: Болашақты қаржыландыру – ұзақ мерзімді инвестициялар үшін кірістерді арттыру”

Fariza — Wed, 05 Feb 2025 12:24:00 +0000

2025 жылғы 4 ақпанда Дүниежүзілік банк “Қазақстан экономикасына шолу 2025: Болашақты қаржыландыру – ұзақ мерзімді инвестициялар үшін кірістерді арттыру” атты есебін ұсынды. Іс-шарада Дүниежүзілік банктің Қазақстандағы тұрақты өкілі Андрей Михнев кіріспе сөз сөйледі.

Басты баяндаманы Дүниежүзілік банктің экономисі Азамат Ағайдаров жасады. Ол Қазақстан экономикасының ағымдағы жағдайына, фискалдық қиындықтарға және тұрақты өсімге бағытталған стратегияларға тоқталды. Талқылауда салық реформалары, мемлекеттік инвестициялардың тиімділігі, инфрақұрылымдық даму және “жасыл” салық салу мәселелері қозғалды.

Панельдік пікірталас барысында Ұлттық экономика министрлігі, Стратегиялық жоспарлау және реформалар агенттігі, сондай-ақ “Атамекен” Ұлттық кәсіпкерлер палатасының өкілдері фискалдық саясаттың тұрақтылығы, ұлттық даму басымдықтары және жеке сектордың өсуі туралы ойларымен бөлісті.

Студенттер сұрақ-жауап сессиясында белсенді қатысып, маңызды экономикалық тақырыптар бойынша өзекті сұрақтар қойып, пікір алмасты.

Барлық қатысушыларға белсенділігі үшін алғыс білдіреміз және келешектегі пікірталастарды асыға күтеміз!

The post “Қазақстан экономикасына шолу 2025: Болашақты қаржыландыру – ұзақ мерзімді инвестициялар үшін кірістерді арттыру” appeared first on MNU.

Қазақстан Республикасындағы Апостолдық Нунций, Георг Панамтхундилдің қонақ дәрісі

alina — Wed, 13 Nov 2024 07:40:00 +0000

2023 жылдың 20 қарашасында Мақсұт Нәрікбаев атындағы Университетте “Қолданбалы Дипломатия” курсы аясында Қазақстан Республикасындағы Елші Нунцио Георг Панамтундил қонақ дәрісін өткізді. Георг Панамтундил дәрі барысында шығу тегіне, дипломатиясына, Қасиетті Тақ пен басқа елдер арасындағы қарым-қатынас жайлы сөз қозғады. Сонымен қатар Архиепископ Елшілік пен өз жұмысының ерекшеліктерін, сондай-ақ әділеттілікке негізделген бейбітшілікті нығайтудың маңыздылығын атап өтті. Апостолдық Нунциатура – Қазақстан Республикасындағы Қасиетті Тақтың дипломатиялық Елшілігі.

The post Қазақстан Республикасындағы Апостолдық Нунций, Георг Панамтхундилдің қонақ дәрісі appeared first on MNU.

Ірі Қазақстандық қорлармен серіктестік

alina — Mon, 11 Nov 2024 05:45:00 +0000

“Қазақстан Халкына” Қорымен және “Kazenergy” Қауымдастығымен стратегиялық ынтымақтастықтың арқасында MNU Endowment жыл сайын студенттерге оннан астам толық стипендия тағайындайды. Бұл серіктестіктер MNU-ның дарынды және әлеуметтік осал студенттерді қолдайтын тұрақты қаржыландыру көздерін құру арқылы білімге қолжетімділікті кеңейтуге деген ұмтылысын көрсетеді.

The post Ірі Қазақстандық қорлармен серіктестік appeared first on MNU.

Maqsut Narikbayev University қабырғасында «Турбулентті әлемдегі дипломатияның рөлі» тақырыбында дөңгелек үстел өтті

alina — Fri, 08 Nov 2024 11:50:00 +0000

12 сәуірде Maqsut Narikbayev University қабырғасында «Турбулентті әлемдегі дипломатияның рөлі» тақырыбында дөңгелек үстел өтті. Іс-шараға Қазақстандағы Еуропалық Одақтың Елшісі, құрметті мырза Кестутис Янкаускас, Эстония Республикасының Қазақстандағы Елшісі, құрметті мырза Тоомас Тирс және Австрия Республикасының Қазақстандағы Елшісі, құрметті мырза Вилли Кемпель қатысты.

Спикерлер әлемдегі қақтығыстар мен дағдарыстарды шешудегі дипломатияның маңызды рөлін атап өтіп, эскалацияның алдын алу және дипломатиялық күш-жігер арқылы тұрақты бейбітшілікке қол жеткізудің маңыздылығын көрсетті. Дөңгелек үстел барысында БҰҰ Жарғысының және адам құқықтарының әлемдегі тұрақтылықты қамтамасыз ету жолындағы рөлі, сондай-ақ Еуропалық Одақтың бейбітшілік жобасы ретінде тәжірибесі талқыланды.

Панельдік талқылауға қатысушылар бүгінгі цифрлық дәуірдегі дипломатияның қиындықтары мен шектеулерін, соның ішінде әлеуметтік желілерді, жылдамдықты, коммуникацияның қауіпсіздігін және киберқауіпсіздік пен киберсоғысты атап өтті. Сонымен қатар, олар халықаралық құқықтық жүйенің шектеулерін, әсіресе таныстырылмаған субъектілермен келіссөздер жүргізудегі қиындықтарды атап өтті. Дегенмен, Елшілер дипломатияның дауларды бейбіт жолмен шешуде маңызды рөл атқаратынына келісіп, «сөйлесу әрқашан соғыстан арзан» деген пікірде болды.

Дөңгелек үстел барысында студенттерге аймақтық интеграция, кибершабуылдар және қақтығыстарды шешудегі дипломатияның болашағы туралы сұрақтар қоюға мүмкіндік берілді. Жалпы алғанда, талқылау қазіргі кездегі қиындықтарды шешу және тұрақты бейбітшілікке қол жеткізу үшін мемлекеттер арасында күш-жігер мен ынтымақтастықты жалғастыру қажеттілігін көрсетті.

The post Maqsut Narikbayev University қабырғасында «Турбулентті әлемдегі дипломатияның рөлі» тақырыбында дөңгелек үстел өтті appeared first on MNU.

Maqsut Narikbayev University жыл сайынғы ISE Бизнес Кеңесінің отырысын өткізді

alina — Fri, 08 Nov 2024 07:08:00 +0000

2023 жылғы 23 мамырда MAQSUT NARIKBAYEV UNIVERSITY жыл сайынғы ISE Бизнес Кеңесінің отырысын өткізді. Отырыстың мақсаты – жұмыс берушілерден ұсыныстар мен кеңестер жинау арқылы мектептің академиялық бағдарламасын жетілдіру және түлектеріміздің еңбек нарығындағы бәсекеге қабілеттілігін арттыру.

Бұл жылғы Бизнес Кеңесінің отырысы Халықаралық қатынастар бағдарламасына арналды. Отырысқа үкіметтік және үкіметтік емес ұйымдар мен мекемелердің өкілдері, атап айтқанда, АӨСШК, ЕҚЫҰ, Қазақстан Республикасының Парламенті Сенаты, Қазақстан Республикасының Ғылым және жоғары білім министрлігі, Қазақстанның Стратегиялық зерттеулер институты, Экономикалық зерттеулер институты, Kazakh Invest және Дипломатия институты қатысты.

Барлық Бизнес Кеңес мүшелеріне олардың қатысуы, құнды ұсыныстары және университетіміздің дамуына қосқан үлестері үшін алғыс білдіреміз!

The post Maqsut Narikbayev University жыл сайынғы ISE Бизнес Кеңесінің отырысын өткізді appeared first on MNU.

Maqsut Narikbayev University-де Эльнара Байназарова тарапынан қонақ дәрісі өткізілді

Fariza — Fri, 08 Nov 2024 06:02:00 +0000

17 ақпанда университетте БҰҰ Қазақстандағы Коммуникациялар және Адвокация жөніндегі маманы Эльнара Байназарова тарапынан қонақ дәрісі өткізілді. Дәрістің тақырыбы – «БҰҰ құрылымы және жүйесі».

Эльнара халықаралық ұйымдардың құрылымы мен жүйелерін талқылады, өзінің кәсіби өсу тәжірибесімен бөлісті және студенттердің сұрақтарына жауап берді.

Құнды уақытын бөліп, білім мен тәжірибесін студенттермен бөліскені үшін Эльнара ханымға алғыс білдіреміз!

The post Maqsut Narikbayev University-де Эльнара Байназарова тарапынан қонақ дәрісі өткізілді appeared first on MNU.

“Қытайдың Орталық Азиядағы кеңейіп келе жатқан рөлі: Ресейдің серіктесі ме, әлде бәсекелесі ме?”

Fariza — Tue, 15 Oct 2024 12:15:00 +0000

Доктор Элизабет А. Уишниктың ашық дәрісіне шақырамыз:
“Қытайдың Орталық Азиядағы кеңейіп келе жатқан рөлі: Ресейдің серіктесі ме, әлде бәсекелесі ме?”

Дәріс ХЭМ мен American Councils for International Education ұйымының бірлесуімен өткізіледі және U.S.-Central Asia Research Network (U.S.-CARNet) бағдарламасының аясында ұйымдастырылған.
U.S.-CARNet бағдарламасы АҚШ Мемлекеттік департаменті мен Қырғыз Республикасындағы АҚШ елшілігінің қолдауымен жүзеге асырылады және American Councils for International Education тарапынан әкімшілік тұрғыда жүргізіледі.

Лектор туралы

Элизабет Уишник – Колумбия университетінің Weatherhead East Asia Institute институтының аға ғылыми қызметкері және CNA орталығының Қытай мен Үнді-Тынық мұхиты қауіпсіздігі бөлімінің жетекші зерттеушісі.
Доктор Уишниктың зерттеу саласы Қытай мен Ресейдің сыртқы саясаты, Қытай-Ресей қарым-қатынастары, Солтүстік-Шығыс және Орталық Азия қауіпсіздігі, сондай-ақ Арктика геосаясаты тақырыптарын қамтиды.
Жақында жарық көретін оның кітабы “China’s Risk: Energy, Water, Food and Regional Security” (Columbia University Press) Қытайдың энергия, су және азық-түлік қауіпсіздігі мәселелерінің Еуразия елдеріне ықпалын зерттейді.
Бұл тақырыптар бойынша доктор Уишник өз зерттеу блогында да жазады www.chinasresourcerisks.com

Дәрістің мазмұны

Дәріс барысында доктор Уишник Қытайдың геосаяси көзқарасы, ішкі саясаты, экономикалық мүдделері мен мәдени факторлары оның Орталық Азиядағы рөлін қалай қалыптастыратынын, әсіресе Қазақстанға қатысты аспектілерін талдайды.
Сонымен қатар, Украинадағы соғыс басталғаннан кейін Ресейдің рөлі әлсіреп, Қытайдың ықпалы арта түсті деген пікірлерге де тоқталады.
Пекин өз ықпалын күшейтуге тырысып жатқан кезеңде Орталық Азия мемлекеттері өңірлік интеграцияның өз күн тәртібін қалыптастыруда.
Дәрістің қорытындысында ол Қытайдың өңірдегі ықпалын кеңейту әрекеттеріне Орталық Азия елдерінің қалай жауап беріп жатқанын түсіндіреді.

The post “Қытайдың Орталық Азиядағы кеңейіп келе жатқан рөлі: Ресейдің серіктесі ме, әлде бәсекелесі ме?” appeared first on MNU.

“Банк саласындағы ақшаны жылыстатудың этикасы” тақырыбында дәріс

alina — Thu, 22 Aug 2024 12:08:00 +0000

Біз сіздерді Ұлыбританияданың Белфаст қаласында орналасқан Куинс университетінің өкілі, доктор Яссин Баккардың “Банк саласындағы ақшаны жылыстатудың этикасы” тақырыбындағы алғашқы дәрісіне шақырамыз.

Доктор Яссин Баккар Куинс университетінің қаржы кафедрасының ассистент профессоры. Оның зерттеу бағыттарына қаржы экономикасы, сандық макроэкономика және эмпирикалық банк ісі кіреді. Оның ғылыми мақалалары Journal of Banking and Finance, Journal of Financial Stability, және Journal of International Financial Markets, Institutions & Money сияқты беделді ғылыми журналдарда жарияланған.

Дәріс ақшаны жылыстату ісін “Корпоративтік әлеуметтік жауапкершілік (CSR)” қағидаттарын “Қоршаған орта және әлеуметтік басқару” (ESG) есептілігіндегі сандық көрсеткіштер арқылы қарастыруға арналған зерттеу негізінде өтеді. Зерттеу CSR-дің бастапқы сапалық идеалдары жақсарды ма, әлде нашарлады ма деген үш гипотезаны ұсынады: бейтарап CSR гипотезасы, оң (позитивті) екіжүзді CSR гипотезасы және теріс (негативті) екіжүзді CSR гипотезасы.

2005–2019 жылдар аралығындағы скандинавиялық банктердің шекарааралық төлемдер деректерін пайдалана отырып, зерттеу ақшаны жылыстату, CSR және ESG мәселелерінің өзара байланысын талдайды. Нәтижелер CSR-дің шамадан тыс сандық және құралдық тәсілдеріне сын көзбен қарауға итермелейді және корпоративтік басқаруды жетілдіру, әсіресе CSR мен ESG мәселелерінде саясаттық маңызға ие тұжырымдар ұсынады.

The post “Банк саласындағы ақшаны жылыстатудың этикасы” тақырыбында дәріс appeared first on MNU.

Сурабайда Азиялық және салыстырмалы регионализм бойынша алғашқы докторлық мектеп ашылды

Fariza — Tue, 20 Aug 2024 12:35:00 +0000

Докторлық мектептің Азия және салыстырмалы аймақтық зерттеулер бойынша алғашқы сессиясы 2024 жылдың 19 тамызында Индонезияның Сурабая қаласында сәтті басталды. Іс-шара Эйрлангга университетінің құқық факультетінде өтті және бұл PhD деңгейіндегі бастама Эйрлангга университетінің қолдауымен жүзеге асырылды. Бұл жоба MNU мен Эйрлангга университеті арасындағы үздіксіз ынтымақтастықтың маңызды кезеңі болып табылады. Іс-шара 2021, 2022 және 2023 жылдары өткізілген салыстырмалы аймақтану бойынша үш жазғы мектептің жалғасы әрі дамыған, көпсалалы академиялық платформаға айналған түрі болып саналады.

Докторлық мектеп Эйрлангга университеті (Индонезия), Біріккен Ұлттар Ұйымының Бельгиядағы Салыстырмалы аймақтық интеграцияны зерттеу институты (UNU-CRIS), Қазақстандағы MNU халықаралық экономика мектебі және Солтүстік Америкадағы Халықаралық конституционализмнің болашағы форумы бірлесіп ұйымдастырды. Бағдарламаға Қазақстан, Өзбекстан, Қытай, Индонезия, Эквадор, Малайзия, Бельгия және Үндістан сияқты түрлі елдерден келген 30-ға жуық докторант пен жас зерттеуші қатысты. Бұл халықаралық құрам тақырыптың жаһандық маңыздылығын және іс-шараның кең ауқымды академиялық қауымдастықты тартудағы табысын айқын көрсетеді.

MNU атынан қатысқан топты ұйымдастыру комитетінің мүшесі, профессор Икболжон Корабоев бастап келді. Сонымен қатар, экономика мамандығы бойынша үш PhD студент те белсенді түрде қатысып, университеттің аймақтану саласында білім мен халықаралық ынтымақтастықты дамытуға деген ұмтылысын көрсетті.

Азия және салыстырмалы аймақтық зерттеулер бойынша Докторлық мектептің сәтті басталуы барлық қатысушылардың бірлескен еңбегінің нәтижесі болып, заң білімін, ғылыми зерттеулер мен халықаралық ынтымақтастықты дамытудағы жаңа бастамаларға жол ашты.

The post Сурабайда Азиялық және салыстырмалы регионализм бойынша алғашқы докторлық мектеп ашылды appeared first on MNU.

Париж VIII университетінің докторанты және geode орталығының зерттеушісі Робен Летерриердің дәрісі

Fariza — Sun, 21 Jul 2024 12:45:00 +0000

19 маусым күні Экономика халықаралық мектебінің “Theories of International Relations” пәнінің студенттері Париж 8 университетінің PhD докторанты және Францияның Геосаясат институтындағы (IFG) GEODE (Деректер кеңістігінің геосаясаты) зерттеу орталығының зерттеушісі Робен Летеррьенің қонақ дәрісіне қатысу мүмкіндігіне ие болды.

Дәріс барысында француз халықаралық қатынастар және геосаясат ғалымдары халықаралық қатынастарды зерттеуде қолданатын негізгі әдістер талқыланды. Робен Летеррье француз зерттеушілерінің қолданатын зерттеу тәсілдері туралы өз тәжірибесімен бөлісіп, француз геосаяси мектебіне тән ерекше көзқарастар мен талдау тәсілдерінің маңыздылығын атап өтті.

Қазіргі уақытта Робен Летеррье MNU-де шақырылған зерттеуші ретінде қызмет атқарып жатыр. Оның зерттеу сапары MNU мен Париж 8 университеті арасындағы академиялық алмасуды дамытуға және студенттердің білім тәжірибесін байытуға бағытталған ынтымақтастық келісімі аясында жүзеге асуда.

Бұл іс-шара екі университет арасындағы нәтижелі серіктестіктің айқын дәлелі болып, біздің ынтымақтастығымызды нығайтуға зор үлес қосты. Университет ұжымы Робен Летеррьеге мазмұнды әрі қызықты дәрісі үшін шынайы алғысын білдіреді және ол біздің академиялық ортаның дамуына елеулі үлес қосты.

The post Париж VIII университетінің докторанты және geode орталығының зерттеушісі Робен Летерриердің дәрісі appeared first on MNU.