Жаһандану мен цифрландыру жағдайында тіл тек зерттеу мәні ғана емес, сонымен қатар кәсіби қызметтің құралы. Бұл MNU Жоғары гуманитарлық мектебінде іске асырылып жатқан «Қолданбалы лингвистика» білім беру бағдарламасының басты бағыты. Университет Қазақстанда бірінші болып бұл мамандықты 2019 жылы іске қосты. Бүгінде бағдарламада 400-ден астам студент білім алуда, ал бағыт гуманитарлық және лингвистикалық мамандықтар арасында тұрақты түрде жоғары орындарға ие. Бұл ҚР «Атамекен» ұлттық кәсіпкерлер палатасының жоғары оқу орындарының білім беру рейтингімен және FIBAA халықаралық аккредитациясымен расталады.

Оқу процесі тілді қолданбалы пайдалану идеясының төңірегінде құрылған. Бұл ретте тек лингвистикалық теория ғана емес, алған білімді нақты кәсіби контексте қолдана білу де маңызды. Студенттер тіл тану, мәдениетаралық коммуникация теориясы мен практикасы, мәтінді талдау, академиялық жазу және тілдік саладағы корпустық лингвистика мен цифрлық технологиялар негіздерін үйренеді. Бағдарлама теорияны үйренуге және алған білімдерін іс жүзінде бірден қолдануға мүмкіндік беретін оқытудың гибридтік моделіне негізделген. Сабақтар кейс-талдау, жобалық жұмыс, таныстырылымдар, зерттеулер және практикалық тапсырмалары бар интерактивті форматта өтеді.

«Білім беру бағдарламасының мықты жағы – TESOL майнорымен бірігуі. Бұл түлектердің оқыту және тілдік технологиялар саласындағы кәсіби мүмкіндіктерін кеңейтеді. Қазір біз бағдарламаны цифрлық лингвистика блогын енгізу мен қазақ тілі бойынша модульді кеңейту арқылы күшейтудеміз. Осының арқасында түлектер тез өзгеретін цифрлық және тілдік ортада сұранысқа ие болады», – деді MNU Провосты Анар Ибраева.

Бағдарламада кәсіпқойлық пен пәнаралық қарым-қатынасқа ерекше көңіл бөлінеді. Екінші семестрден бастап студенттер оқытушылық және зерттеу қызметіне баса назар аударатын Introduction to Applied Linguistics курсы арқылы тіл оқытушысы мамандығына енеді. Оқытушылар құрамына ғылым кандидаттары мен докторлары, сондай-ақ аударма ісі, білім беру, журналистика және халықаралық жобалар саласында жұмыс тәжірибесі бар практиктер кіреді.

«Оқыту барысында тілді білу ғана емес, оның өмірдің түрлі салаларында қалай жұмыс істейтінін түсіну маңызды. «Қолданбалы лингвистика» мамандығы тілдік білімді тәжірибеде және кәсіби болашақта қалай қолдануға болатынын көруге көмектеседі», – деді MNU студенті Әмина Дулат.

Айта кетейік, мамандық иелері аударма қызметі, білім беру, халықаралық компаниялар, медиа, талдау орталықтары және IT салаларында өздерін табысты жүзеге асыруда. Тілдік дағдылардың әмбебаптығы оларға гуманитарлық және пәнаралық салаларда жұмыс істеуге мүмкіндік береді. «Қолданбалы лингвистика» білім беру бағдарламасы және оқуға түсу мүмкіндігі туралы толығырақ осы сілтемеден білуге болады.

The post MNU-дағы қолданбалы лингвистика – тіл мен технология арасындағы көпір appeared first on MNU.

Тәжірибелік психолог Анна Поздеева «Қазіргі жас жігіт кім?» тақырыбында дәріс оқыды. Ол бүгінде Қарулы күштерге дүниетанымы цифрлық орта мен қарқынды әлеуметтік өзгерістер жағдайында қалыптасқан Z ұрпағы мен Alpha буынының алғашқы өкілдері келетіндігі айтылды. Спикердің пікірінше, бұл командирлерден жеке құраммен жұмыс істегенде икемдірек тәсілдер қолдануды талап етеді.

Анна Поздеева қазіргі заманғы әскерге шақырылушының психологиялық портретін талдап, олардың тез ақпарат алуға үйренгенін атап өтті. Сонымен қатар бөлімшелердегі моральдық-психологиялық ахуалға ерекше назар аударылды. Сабақ барысында көрнекі оқу әдістерін қолдану, нақты әрі түсінікті тапсырмалар қою, сондай-ақ әскери қызметшілерді қазіргі заманғы техника мен цифрлық технологиялармен жұмысқа тарту бойынша тәжірибелік ұсыныстар берілді.

«Олар технологияларды тез меңгеретін, дәстүрлі ойлаудан тыс ойлана білетін және күрделі тапсырмаларды тиімді шешуге қабілетті жастар. Біздің міндетіміз – оларға жаңа үлгідегі білікті, әділ және кәсіби көшбасшы болу», – деді Анна Поздеева.

Министрлік сабақ қорытындысы бойынша оқытушының ұсыныстары ескерілетінін, ал дәріс материалдары аясында әдістемелік нұсқаулар дайындалып, олар әскери бөлімшелерге қолдану үшін жіберілетін болатынын атап өтті.

The post MNU оқытушысы қазіргі заманғы әскерге шақырылушының психологиялық портретін талдады appeared first on MNU.

Кездесу барысында үздіксіз білім алу мен қонақ үй желілерінің стандарттарын түсінудің маңыздылығы ерекше атап өтілді. «Туризм» және «Қонақжайлылық» білім беру бағдарламаларының студенттері белсенді түрде сұрақтар қойып, құнды кеңестер алды. Сонымен қатар өз тәжірибесімен МNU түлегі, қонақ үйлер желісінің маркетинг бөлімінің қызметкері Аяулым Бақытжан бөлісті.

«Maqsut Narikbayev University тілдерді білу мен мамандануда тамаша негіз қалады. Бұл маған халықаралық деңгейде өзімді сенімді сезінуге мүмкіндік берді. Ең бастысы, төменнен бастаудан қорықпау және өзін тағылымдамашы ретінде сынап көру. Барлық кезеңдерді ішінен өткеннен кейін ғана мамандықты терең меңгеріп, кәсіпқой болып өсуге болады», – деді Аяулым Бақытжан.

Айта кетейік, «Атамекен» ҚР ҰКП ЖОО білім беру бағдарламаларының рейтингіне сәйкес, MNU қонақжайлылық саласында кадрлар даярлау бойынша еліміздегі үздік үш университет қатарына кіреді.

The post MNU студенттері ең ірі халықаралық қонақ үйлер желісінің топ-менеджерлерімен кездесті appeared first on MNU.

Дәріс барысында Виктор Майко студенттердің сұрақтарына жауап берді. Сонымен қатар Елші университетті Наурыз мерекесімен құттықтап, оның мәдени әралуандықтың символы ретіндегі маңызын атап өтті.

The post Украина Елшісі MNU-да дәріс оқыды appeared first on MNU.

Профессор жалпыұлттық Наурызнама онкүндігі аясында сөз сөйледі. Іс-шара Наурыз мейрамының шығу тарихын терең зерделеуге, сондай-ақ қазақ халқының бірегей әдет-ғұрыптары мен салт-дәстүрлерін сақтауға арналды. Лепуда Мұқатаева көктемгі жаңарудың философиялық мәні мен мерекелік жоралғылардың қалыптасу кезеңдеріне тоқталды.

Профессор қазіргі мемлекеттік қызметтегі ұлттық мұраның рөлін атап өтті. Дәріс барысында министрліктің жас қызметкерлеріне этнография мен Қазақстан тарихы саласындағы білімін тексеруге мүмкіндік беретін блиц-сауалнама ұйымдастырылды. Сонымен қатар Лепуда Мұқатаева «Elorda.info» желілік басылымына сұхбат беріп, Мәдениет және ұлттық салт-дәстүр күнінің ерекшеліктері туралы айтып берді.

Айта кетейік, жалпыұлттық Наурызнама онкүндігі елімізде 14-23 наурыз аралығында өтеді.

The post MNU профессоры Наурыз мейрамының тарихы мен маңызы туралы айтып берді appeared first on MNU.

Үш апталық қарқынды курс (90 академиялық сағат) көптілді академиялық ортада қатысушылардың коммуникативтік және сөйлесу дағдыларын дамытуға бағытталған. Бағдарламаға тұру, тамақтану және Астана қаласы мен Ақмола облысының көрікті жерлеріне экскурсиялар кіреді. Өтінімдер осы жылдың 10 сәуіріне дейін (қоса алғанда) g_alimbayeva@kazguu.kz электрондық поштасы арқылы қабылданады.

Бір қатысушыға арналған 2000 АҚШ доллары көлеміндегі пакетке мыналар кіреді:

• – қарқынды тілдік бағдарлама бойынша оқу;
• – студенттік жатақханада немесе хостелде тұру;
• – екі реттік тамақтану (дүйсенбіден сенбіге дейін таңғы ас және түскі ас);
• – әуежайдан трансфер;
• – университеттің спорт залы мен кітапханасына қолжетімділік;
• – демалыс күндеріндегі мәдени-ойын-сауық бағдарламасы.

Мәдени бағдарлама аясында қатысушылар Қазақстанның тарихы, мәдениеті және табиғи мұрасымен танысады. Бағдарламаға елорда мен өңірдің негізгі көрікті жерлеріне экскурсиялар кіреді. Олардың ішінде:

• – Астана қаласы бойынша тарихи экскурсия;
• – Есіл өзені жағалауында серуен және өзен бойымен кемемен саяхат;
• – Ботай музей-қорығы – жылқыны алғаш қолға үйретумен байланысты энеолит дәуірінің көне қонысына бару;
• – Бурабай мемлекеттік ұлттық табиғи паркіне сапар;
• – Саяси қуғын-сүргін құрбандарына арналған АЛЖИР музей-мемориалдық кешеніне бару;
• – Қазақстан Республикасының Ұлттық музейіне экскурсия;
• – Зергер Берік Әлібайдың үй-музейіне бару.

Бағдарламаны жүзеге асыру көптілді академиялық ортаны қалыптастыруға, мәдениетаралық коммуникацияны дамытуға және шетелдік қатысушылардың білім беру мобильдігін кеңейтуге бағытталған. Сонымен қатар бұл бастама Біріккен Ұлттар Ұйымының Орнықты даму мақсаттарын (SDG 4 және SDG 10) қолдайды, атап айтқанда, сапалы тілдік білімге қолжетімділікті қамтамасыз етіп, бастапқы дайындық деңгейі әртүрлі тыңдаушылар үшін инклюзивті мүмкіндіктерді кеңейтеді.

The post MNU шетелдік студенттер мен елорда қонақтарын жазғы тілдік курсқа шақырады appeared first on MNU.

PhD докторы, Maqsut Narikbayev University Associate Professor-ы Гүлфия Кучумова отандық ғалым әйелдерге арналған академик Найля Базанова атындағы марапатқа ие болды. Салтанатты марапаттау рәсімі Алматыда ҚР Президентінің жанындағы Ұлттық ғылым академиясында өтті.

Жаңа марапатқа 66 жетекші ғалым әйелдер мен ғылыми қызметкерлер ие болды. Олар отандық ғылымның дамуына елеулі үлес қосып, ғылымның түрлі бағыттарында елеулі нәтижелерге қол жеткізді. Бүгінде республика бойынша 13 мыңға жуық әйел ғылыми қызметкер болып есептеледі.

Айта кетейік, Найля Базанова көрнекті отандық ғалым физиолог және Орталық Азияның тұңғыш академик әйелі. Бұдан басқа, ол биология ғылымының жаңа саласы – ауыл шаруашылығы жануарлары физиологиясының негізін қалаушы. Оның атындағы марапатты тағайындау жоғары ғылыми нәтижелерге қол жеткізген, жаңалықтар ашқан немесе қолданбалы зерттеулерді дамытуға елеулі үлес қосқан ғалым әйелдерге арналған құрмет белгісі ретінде саналады.

The post MNU профессоры академик Найля Базанова атындағы марапатқа ие болды appeared first on MNU.

Бірінші воркшопты Astana Hub сарапшысы, консультанты және TSARKA Group орталығының HR басшысы Маржан Мақсаламова жүргізді. Ол мансаптық даму мен жұмысқа орналасу перспективалары туралы айтып берді. Кездесу барысында студенттер заманауи еңбек нарығының талаптарымен танысып, түйіндемелерді дайындау, LinkedIn-де парақшаны дамыту және сұхбаттасуға дайындық бойынша практикалық ұсынымдар алды.

Екінші воркшоп аясында «Сұхбат кезінде өзін-өзі таныстыру: дауыс, ой жеткізу және сенімділік» тақырыбында дауыс қою және көпшілік алдында сөйлеу техникасы бойынша жаттықтырушы, ТМД спикерлер қауымдастығының мүшесі Зяма Қайыржан сөз сөйледі. Қатысушылар сұхбат кезінде өзін-өзі таныстыру және кәсіби әсерді қалыптастырудың негізгі қағидаттарын зерделеп, сондай-ақ дауыс, ой жеткізу, жұмыс берушімен қарым-қатынас кезінде вербалды емес коммуникация және сенімділікпен жұмыс істеуге ерекше назар аударды. Іс-шара интерактивті форматта өтті және практикалық жаттығулар мен нақты жағдайларды талдауды қамтыды.

Айта кетейік, сарапшылардың воркшоптары студенттердің табысты кәсіби даму мен еңбек нарығындағы бәсекеге қабілеттілігін арттыруға дайындауда маңызды үлес қосты.

#SDG4#SDG17#ТолықАдам

The post MNU студенттердің мансаптық құзыреттілігін дамытуда appeared first on MNU.

Медиа саласындағы 10 жылдан астам тәжірибесі бар маман әлеуметтік желілерге арналған контент түрлерін егжей-тегжейлі талдады. Ақмарал Олжабаева видеоның алғашқы секундтарында аудиторияның назарын аудара отырып, мықты тақырып таңдаудың маңыздылығын атап өтті. Сонымен қатар студенттермен бірге психологиялық контентпен байланысты кейс талқыланды.

Айта кетейік Ақмарал Олжабаева республикалық телеарналарда тілші болып жұмыс істеген және «BNews.kz» ақпараттық агенттігінің бас редакторы болған. 6,5 жылдан астам уақыт елорда әкімдігінің баспасөз қызметін басқарып келеді. Бұдан басқа, «Ерен еңбегі үшін» мемлекеттік наградасы мен «Ақпарат саласының үздігі» ведомстволық наградасының иегері.

The post MNU студенттеріне тиімді контент формуласы туралы айтылды appeared first on MNU.

Келісімге РФММ делегациясының MNU-ға сапары барысында қол қойылды. Университет басшылығымен кездесуде білім беру бағдарламаларын дамыту және IT саласындағы бірлескен жобаларды жүзеге асыру мәселелері талқыланды. Сондай-ақ қосымша академиялық траекториялар құру және дарынды оқушылар үшін мүмкіндіктерді кеңейтуге ерекше назар аударылды.

MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен AI+X жаңа мамандығының іске қосылуы туралы айтып берді. Білім беру бағдарламасы студенттерге алғашқы екі жылда ІТ пәндерін тереңдетіп оқытуға, ал қалған екі жылда университеттің басқа академиялық бағытын таңдауға мүмкіндік береді. РФММ Басқарма төрағасы Руслан Қалиев университетке мектеп түлектері үшін арнайы білім беру гранттар бөлу мүмкіндігін қарастыруды ұсынды.

Республикалық физика-математика мектебі Қазақстанның жетекші оқу орындарының бірі ретінде жарты ғасырдан астам уақыт бойы математика, физика және информатика саласындағы дарынды балаларды анықтаумен және дамытумен табысты айналысып келеді. Мектеп түлектері республикалық олимпиадаларда жоғары нәтиже көрсетіп, үздік жоғары оқу орындарына түсуде. Бүгінде РФММ өз қызметін Астана, Алматы және Орал қалаларында жүзеге асырады.
Кездесу қорытындысы бойынша тараптар серіктестікті одан әрі дамытуға мүдделілігін растады. Бұдан басқа, РФММ делегациясы MNU инфрақұрылымымен танысып, жоғары баға қалдырды.

The post MNU мен РФММ ынтымақтастық туралы меморандумға қол қойды appeared first on MNU.