Ауқымды студенттік сайыс Мемлекет басшысы жариялаған Цифрландыру және жасанды интеллект жылы аясында ұйымдастырылды. Байқау Әзербайжан, Германия, Грузия, Канада, Қазақстан, Қырғызстан, Қытай, Малайзия, Өзбекстан, Ресей, Румыния, Үндістан және Шри-Ланканың 90-нан астам студенттерін біріктірді. Конкурс барысында студенттер жаңа технологиялардың заң жүйесіне, құқық қағидаттарына, этика мен адам құқықтарына әсерін зерттеді.

«Байқауда қозғалған тақырыптар ойдан шығарылған емес, бұл алдағы 10 жылда нақты болатын тақырыптар. Сондықтан, бәрін түсіну және қатысушылардың идеяларын тыңдау өте маңызды. Мысалы, мен өзім үшін қолдануға болатын көптеген идеялар алдым. Байқау форматы заңгерлер үшін өте пайдалы және осындай іс-шараларды жыл сайын, бұдан да көп командалардың қатысуымен өткізу қажет. Сондай-ақ әлеуметтік сала, салық салу және жаңа технологиялар кезіндегі сот ісін жүргізу тақырыптарын көтеруге болады», – деді ҚР Әділет вице-министрі Даниель Ваисов.

«International Legathon MaxUP біздің елімізге пайдалы болады, өйткені біз үздік идеялар тоғысатын орталыққа айналдық. Сәйкесінше, біз бұл идеяларды бірінші болып іске асыра аламыз. Байқаудан кейін барлық жиналған тұжырымдамалар негізінде біздің профессорлар оларды нормашығармашылық процесте пайдалану үшін реттеуші саясат құжаттары ретінде рәсімдеуге кіріседі», – деді MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен.

Конкурста студенттер метағаламшарлардың меншік иелерінің жауапкершілігі мен оны нақты бір мемлекеттердің баламасы ретінде қарастыру, виртуалды активтерді реттеу және виртуалды болмыстың меншігін қорғау, сондай-ақ жасанды интеллект судьядан бас тарту мен виртуалды шындықта болу уақытын шектеудің заңдылығы туралы дәлелдер келтірді. Сонымен қатар автономды көлікті пайдалану, синтетикалық контент және экономикадағы жасанды интеллектіні реттейтін нормаларды әзірлеу бойынша идеялар ұсынылды. Командалардың ұсыныстарын әділет, ғылым және жоғары білім вице-министрлері, Жоғарғы Сот судьясы, жетекші заң фирмаларының серіктестері, халықаралық компаниялары, даму институттары, сондай-ақ дипломатия және білім беру салаларының өкілдері бағалады.

«Сайыстағы алғашқы кейсті орындау барысында көп күш жұмсадық. Берілген тапсырма өте креативті және көп қырлы болды. Жалпы нәтижеміз жаман емес, өйткені кейс авторы ұстанымның әлсіздігіне қарамастан, біздің оны қорғап шыққанымызды атап өтті. Біз үшін бұл мақтаныш, сайысқа көп дайындалдық, ал жеңімпазға дау жоқ. Алғашқы Legathon MaxUP чемпиондары ретінде осы жылғы сайысты ұйымдастырудың сапасына таңданыстық, ол одан әрі жақсарды. Конкурстың кеңейіп, болашақ құқығымен айналысатын заңгерлерге арналған алаңға айналғаны ұнайды. Менің ойымша, сайыс жыл сайын одан да ауқымды болады, ал келесі жылы 20-дан астам ел қатысады деп үміттенемін», – деді «Жоғары экономика мектебі» ұлттық зерттеу университетінің студенті Равшан Идрисов.

«International Legathon MaxUP 2026 сайысына қатысу біз үшін мәртебе. Осы сайыстың арқасында біз түрлі құқықтық жүйелерден құқыққа қатысты түрлі көзқарастарды білеміз. Бұл бізге құқықты тереңірек түсінуге көмектеседі. Сондықтан болашақта мүмкіндігіміз болса, біз тағы да бұл сайысқа қатысуға қуаныштымыз», – деп атап өтті Қытай саяси ғылымдар және құқық университеті (ҚХР) командасының өкілдері.

Сайыс қорытындысы бойынша орыс лигасында Әл-Фараби атындағы Қазақ ұлттық университетінің (Қазақстан), Maqsut Narikbayev University (Қазақстан) және В.Ф. Яковлев атындағы Орал мемлекеттік заң университетінің (Ресей) командалары көш бастады, ал ағылшын лигасында үздік нәтижелерді Малайя университетінің (Малайзия), Румын-американ университетінің (Румыния) және Макгилл университетінің (Канада) студенттері көрсетті. Конкурстың жеңімпазы Малайзияның тұңғыш және ең беделді жоғары оқу орны – Малайя университетінің командасы атанды.

Конкурстың жалпы жүлде қоры бес миллион теңгеден асты. «Іс-шараны ұйымдастыру деңгейі өте жоғары. Пікірсайыс кезеңі танымдық және өте қызықты болды. Екінші күні де маңызды болды, өйткені біз жобамызды 6-7 сағат бойы дайындадық. Бұл жаңа тәжірибе, бәрі керемет. Біз жақсы өнер көрсеттік, 10 балдың ішінен 7-8 деген баға беруге болады. Келесі жылы да қатысып, міндетті түрде сенімдірек және мықтырақ келуді қалаймыз», – деп атап өтті Almaty Management University (Қазақстан) командасының өкілдері.

«Бұл тек байқау ғана емес, сонымен қатар ғылымда және бір-бірімен байланыс орнату. Қазіргі заманғы әлем соншалықты тез дамып келе жатыр, мысалы, ЖИ басымдыққа ие болды. Біз Қазақстанда Цифрландыру және жасанды интеллект жылы жарияланғанын білеміз, бұл өте маңызды сәт. Жалпы, ғылым әлемді құтқарады деп ойлаймын», – деді Баку мемлекеттік университеті (Әзербайжан) командасының мүшесі Парвиз Гасанов.

Сайыстың мәдени бағдарламасы аясында қатысушылар елорданың көрікті жерлерін аралап, ұлттық тағамдардан дәм татты. Конкурс АХҚО Соты, «Kazakhstan Bar Association» заң консультанттар палатасы және «Baker McKenzie» халықаралық заң фирмасының қолдауымен өтті. Сондай-ақ іс-шараға Қазақстанның Даму банкі, «Unicase», «KP Disputes», «Turkenov Consulting» заң фирмалары және адвокат Рена Керімова қолдау білдірді.

«Бұл біз өмір сүріп жатқан әлемде жасанды интеллектіні құқықтық реттеу мен цифрлық инфрақұрылымды дамыту мәселелерін қарастыратын Қазақстандағы жалғыз және әлемдегі санаулы шаралардың бірі. Студенттердің жобалары жоғары деңгейде және мен олардың ұсыныстарының көпшілігі қазірдің өзінде заң шығарушылар тарапынан қаралып жатқанына немесе жақын арада оларға жүгінетініне сенімдімін. Уақыт өте жылдам өтіп жатыр, қазір біз айтып отырған мәселелер ол біздің ертеңіміз. Сондықтан бұл туралы міндетті түрде ойланып, айту керек», – деді «Baker McKenzie» халықаралық заң фирмасының серіктесі Александр Коробейников.

«Біз Legathon MaxUP-қа қатысқанымызға өте қуаныштымыз. Сіз көрсеткен қонақжайлылық бізге өте ұнады және адамдарыңыз өте мейірімді. Біз өте толқыдық, байқауларға қатыстық және бұл өте қызықты болды. Астана қаласы өте әдемі, біз сәулет элементтері бар көптеген ғимараттарды көрдік. Қазақстан астанасына қайтадан келеміз деп үміттенемін. Басқа командалар да бәсекеге қабілетті болды, олар шынымен де жақсы болды және біз олармен өзара іс-қимылға өте қуаныштымыз», – деп атап өтті Шри-Джаяварденепура университеті (Шри-Ланка) командасының өкілдері.

Айта кетейік, келесі International Legathon MaxUP 2027 жылы өтеді.

The post Legathon MaxUP: Астана болашақ құқығын зерттеу орталығына айналды appeared first on MNU.

MNU командасы «Орталық Азияның жаңа ұрпағы» атты жас логистердің үшінші форумында көшбасшы атанды. Іс-шараны Coventry University Kazakhstan мен Doscar Group компаниясының қолдауымен Корольдік логистика және көлік институтының (CILT) қазақстандық филиалы ұйымдастырды. Алаң болашақ мамандарды және Орталық Азиядағы логистика мен көлік көшбасшыларын біріктірді.

Байқауда өңірдің 12 жоғары оқу орнынан 100-ден астам қатысушы бақ сынады. Студенттер Әлихан Сайын, Аяжан Оразтаева және Әйтемір Түсіпқанов жасыл логистикалық хаб пен ЖИ платформа құру идеясы және макетін таныстырып, қазылар алқасының логистика тақырыбы бойынша сұрақтарына жауап берді. Сайыс қорытындысы бойынша олар қаржылай сертификатпен марапатталып, Status Management Group ірі логистикалық компаниясына ақылы тағылымдамаға шақырылды.

Студенттер Алмас Жақанов, Диляра Алмахын және Нұржігіт Қайыруллаев «Stock Pitch Competition» байқауының күміс жүлдегерлері атанды. Турнирді Nazarbayev University Қазақстандық қор биржасы, Global Ventures және Atlas Capital инвестициялық компанияларымен бірлесіп ұйымдастырды. Байқау барысында студенттер бағалау, негізгі инвестициялық драйверлер мен ұзақ мерзімді тәуекелдерге арналған Meta трансұлттық холдингтік компаниясына инвестициялар бойынша зерттеу жүргізді.

Сондай-ақ, Big4 ұлттық кейс-чемпионатында екінші орынды студент Ақжәнібек Төлеген иеленді. «Үлкен төрттік» кәсіпқойларының алдында ол нарыққа талдау жасап, қаржылық модельдер мен түрлі стратегиялық шешімдер ұсынды. Сайыс KIMEP University-де 300-ден астам адамның қатысуымен өтті.

Бұдан басқа, MNU студенттері Nazarbayev University-де жыл сайынғы Integrity Forum аясында өткен Integrity Case Championship-ке қатысты. Турнир университеттік ортада қамқорлық мәдениетін нығайтуға бағытталған бастамаларды ұсынған 35 студенттік команданы біріктірді. MNU командасы кейс-чемпионаттың қола жүлдегері атанды.

Айта кетейік, бұған дейін MNU студенттері халықаралық құқық бойынша әлемдегі басты сайыста тарихи нәтиже көрсетті.

The post MNU студенттері түрлі зияткерлік байқауларда жүлделі орындарға ие болды appeared first on MNU.

Жаһандану мен цифрландыру жағдайында тіл тек зерттеу мәні ғана емес, сонымен қатар кәсіби қызметтің құралы. Бұл MNU Жоғары гуманитарлық мектебінде іске асырылып жатқан «Қолданбалы лингвистика» білім беру бағдарламасының басты бағыты. Университет Қазақстанда бірінші болып бұл мамандықты 2019 жылы іске қосты. Бүгінде бағдарламада 400-ден астам студент білім алуда, ал бағыт гуманитарлық және лингвистикалық мамандықтар арасында тұрақты түрде жоғары орындарға ие. Бұл ҚР «Атамекен» ұлттық кәсіпкерлер палатасының жоғары оқу орындарының білім беру рейтингімен және FIBAA халықаралық аккредитациясымен расталады.

Оқу процесі тілді қолданбалы пайдалану идеясының төңірегінде құрылған. Бұл ретте тек лингвистикалық теория ғана емес, алған білімді нақты кәсіби контексте қолдана білу де маңызды. Студенттер тіл тану, мәдениетаралық коммуникация теориясы мен практикасы, мәтінді талдау, академиялық жазу және тілдік саладағы корпустық лингвистика мен цифрлық технологиялар негіздерін үйренеді. Бағдарлама теорияны үйренуге және алған білімдерін іс жүзінде бірден қолдануға мүмкіндік беретін оқытудың гибридтік моделіне негізделген. Сабақтар кейс-талдау, жобалық жұмыс, таныстырылымдар, зерттеулер және практикалық тапсырмалары бар интерактивті форматта өтеді.

«Білім беру бағдарламасының мықты жағы – TESOL майнорымен бірігуі. Бұл түлектердің оқыту және тілдік технологиялар саласындағы кәсіби мүмкіндіктерін кеңейтеді. Қазір біз бағдарламаны цифрлық лингвистика блогын енгізу мен қазақ тілі бойынша модульді кеңейту арқылы күшейтудеміз. Осының арқасында түлектер тез өзгеретін цифрлық және тілдік ортада сұранысқа ие болады», – деді MNU Провосты Анар Ибраева.

Бағдарламада кәсіпқойлық пен пәнаралық қарым-қатынасқа ерекше көңіл бөлінеді. Екінші семестрден бастап студенттер оқытушылық және зерттеу қызметіне баса назар аударатын Introduction to Applied Linguistics курсы арқылы тіл оқытушысы мамандығына енеді. Оқытушылар құрамына ғылым кандидаттары мен докторлары, сондай-ақ аударма ісі, білім беру, журналистика және халықаралық жобалар саласында жұмыс тәжірибесі бар практиктер кіреді.

«Оқыту барысында тілді білу ғана емес, оның өмірдің түрлі салаларында қалай жұмыс істейтінін түсіну маңызды. «Қолданбалы лингвистика» мамандығы тілдік білімді тәжірибеде және кәсіби болашақта қалай қолдануға болатынын көруге көмектеседі», – деді MNU студенті Әмина Дулат.

Айта кетейік, мамандық иелері аударма қызметі, білім беру, халықаралық компаниялар, медиа, талдау орталықтары және IT салаларында өздерін табысты жүзеге асыруда. Тілдік дағдылардың әмбебаптығы оларға гуманитарлық және пәнаралық салаларда жұмыс істеуге мүмкіндік береді. «Қолданбалы лингвистика» білім беру бағдарламасы және оқуға түсу мүмкіндігі туралы толығырақ осы сілтемеден білуге болады.

The post MNU-дағы қолданбалы лингвистика – тіл мен технология арасындағы көпір appeared first on MNU.

Джессоп кубогы 28 наурыз бен 4 сәуір аралығында Вашингтон (АҚШ) қаласында өтті. Сайыста ел намысын 24-ші рет MNU командасы қорғады. Сондай-ақ қазақстандық студенттер 100-ден астам мемлекеттен 806 команда қатысқан меморандум дайындау бойынша жазбаша байқауда үздік атанды.

«Бұл – ел тарихындағы үздік нәтиже. Команданың ең үздік меморандум (жазбаша құқықтық ұстаным) бойынша әлемде бірінші орынды иеленгені ерекше мақтаныш сезімін тудырады. Бұл жетістік құқықтық талдаудың тереңдігін, дәлелдеу мәдениетін және дайындық деңгейінің жоғары екенін көрсетеді. Үздік нәтиженің артында студенттердің, жаттықтырушылардың және біздің бүкіл команданың орасан еңбегі тұр. Бұл тек университеттің ғана емес, бүкіл Қазақстанның үлкен жеңісі», – деп студенттерді MNU Басқарма төрағасы Талғат Нәрікбаев құттықтады.

Сайыс БҰҰ Халықаралық сотының қатысушылары арасындағы сот процестерін еліктейді. Турнир барысында MNU командасы АҚШ, Колумбия, Филиппин, Италия жоғары оқу орындарының өкілдерін, сондай-ақ 2024 жылғы чемпион – Филиппин университетінің қарсыластарын және 2025 жылғы чемпион – Сингапур менеджмент университетінің өкілдерін жеңді. Биылғы жылы Джессоп Кубогының иегері Сингапур ұлттық университетінің командасы атанды.

«Maqsut Narikbayev University-ді осы жетістігімен құттықтаймын. Қазақстандық команда алғаш рет осындай нәтиже көрсетті. Бұл университеттің жоғары деңгейін және үлкен ілгерілеуін көрсетеді», – деді ҚР Әділет вице-министрі Даниель Ваисов.

Тарихи нәтижеге орай MNU командасына Қазақстанның АҚШ-тағы Елшілігінде қабылдау ұйымдастырылды. ҚР АҚШ-тағы Төтенше және Өкілетті Елшісі Мағжан Ілиясов тараптардың дәлелді жарыссөздері ағылшын тілінде және оқу сот процесі форматында екі сағат бойы жүргізілетін беделді сайыста қазақстандық студенттердің жеңіске жетуінің маңыздылығын атап өтті. Университет командасының құрамында «Халықаралық құқық» білім беру бағдарламасының студенттері Әнел Сапарғалиева, Шынар Байтон, Дана Құмарғазы, сондай-ақ жаттықтырушылар Рахымбек Көңілімқос, Зарина Темірболатова және Рамазан Көкжалов болды.

«MNU тағы бір мәрте Қазақстанды халықаралық аренада таныстыруға бірегей мүмкіндік алды. Біздің университет бұл сайысқа дайындық аясында жиі сабақтар өткізеді және барлық студенттер мен магистранттардың қатысуына мүмкіндік береді. Ұзақ уақыт бойы біздің институционалдық жадымыз сақталып, ұрпақтан ұрпаққа беріліп келеді. Бұл меморандумда дәлелдер жазу әдісіне немесе қалай сөйлеу өнеріне ғана емес, командада жұмыс істеуге және дайындық кезеңдеріне де қатысты», – деді MNU студенті Әнел Сапарғалиева.

Айта кетейік, аталған нәтиже Қазақстанға келесі жылы байқауға екі команда жіберуге мүмкіндік берді.

The post MNU студенттері халықаралық құқық бойынша әлемдегі басты сайыста тарихи нәтиже көрсетті appeared first on MNU.

Тәжірибелік психолог Анна Поздеева «Қазіргі жас жігіт кім?» тақырыбында дәріс оқыды. Ол бүгінде Қарулы күштерге дүниетанымы цифрлық орта мен қарқынды әлеуметтік өзгерістер жағдайында қалыптасқан Z ұрпағы мен Alpha буынының алғашқы өкілдері келетіндігі айтылды. Спикердің пікірінше, бұл командирлерден жеке құраммен жұмыс істегенде икемдірек тәсілдер қолдануды талап етеді.

Анна Поздеева қазіргі заманғы әскерге шақырылушының психологиялық портретін талдап, олардың тез ақпарат алуға үйренгенін атап өтті. Сонымен қатар бөлімшелердегі моральдық-психологиялық ахуалға ерекше назар аударылды. Сабақ барысында көрнекі оқу әдістерін қолдану, нақты әрі түсінікті тапсырмалар қою, сондай-ақ әскери қызметшілерді қазіргі заманғы техника мен цифрлық технологиялармен жұмысқа тарту бойынша тәжірибелік ұсыныстар берілді.

«Олар технологияларды тез меңгеретін, дәстүрлі ойлаудан тыс ойлана білетін және күрделі тапсырмаларды тиімді шешуге қабілетті жастар. Біздің міндетіміз – оларға жаңа үлгідегі білікті, әділ және кәсіби көшбасшы болу», – деді Анна Поздеева.

Министрлік сабақ қорытындысы бойынша оқытушының ұсыныстары ескерілетінін, ал дәріс материалдары аясында әдістемелік нұсқаулар дайындалып, олар әскери бөлімшелерге қолдану үшін жіберілетін болатынын атап өтті.

The post MNU оқытушысы қазіргі заманғы әскерге шақырылушының психологиялық портретін талдады appeared first on MNU.

Іс-шара Мемлекет басшысы жариялаған Цифрландыру және жасанды интеллект жылы аясында ұйымдастырылды. «Болашақ құқығы» тақырыбындағы байқау Әзербайжан, Германия, Грузия, Канада, Қазақстан, Қырғызстан, Қытай, Малайзия, Өзбекстан, Ресей, Румыния, Үндістан және Шри-Ланка жоғары оқу орындарының 23 командасын біріктірді. Жарыс барысында студенттер жаңа технологиялардың заң жүйесіне, құқық қағидаттарына, этика мен адам құқықтарына әсерін зерттеді.

«Біз MNU-да болашағымыз жаңашылдықды жасаудан, сұрақ қоюдан және көшбасшы болудан қорықпайтындарға тиесілі екеніне сенімдіміз. Екі күн бойы Legathon MaxUP сайысында қатысушылар құқықтың болашағы бүгіннен бастап олардың идеялары, шешімдері және стандартты емес ойлауға дайындығы арқылы қалыптасатынын көрсетті. Біз құқық пен технология бірге дамитын дәуірде өмір сүрудеміз. Бұл жаңа шынайылықта тек қана құқықты білу жеткіліксіз, оны қайта түсінуге дайын болу қажет», – деді MNU Басқарма төрағасы Талғат Нәрікбаев.

«Lex Fantastica» дебат форматындағы байқаудың бірінші кезеңі «Астана» халықаралық қаржы орталығының Сотында ұйымдастырылды. Пікірсайыс барысында студенттер метағаламшарлардың меншік иелерінің жауапкершілігі мен оны нақты бір мемлекеттердің баламасы ретінде қарастыру, виртуалды активтерді реттеу және виртуалды болмыстың меншігін қорғау, сондай-ақ жасанды интеллект судьядан бас тарту мен виртуалды шындықта болу уақытын шектеудің заңдылығы туралы дәлелдер келтірді. Жарыстың ақтық кезеңі мен Гранд-финал MNU-да өтті.

Финалға қатысушылар автономды көлікті пайдалану, синтетикалық контент және экономикадағы жасанды интеллектіні реттейтін нормаларды әзірлеу бойынша өз идеяларын ұсынды. Төрешіліктің бейтараптығын сақтау үшін қатысушылар сөз сөйлеу барысында өз елі мен университетін танытқан жоқ. Командалардың ұсыныстарын әділет, ғылым және жоғары білім вице-министрлері, Жоғарғы Сот судьясы, жетекші заң фирмаларының серіктестері, халықаралық компаниялары, даму институттары, сондай-ақ дипломатия және білім беру салаларының өкілдері бағалады.

«MNU – жасанды интеллектіні заңдастырудың нормативтік құқықтық шеңбері туралы мәселені көтерген алғашқы университет. Ең қызығы, байқауға түрлі елдерден осы мәселелерді шешетін командалар көп жиналды. Қазақстанда жасанды интеллект туралы заң қабылданғаны белгілі. Осындай іс-шаралар есебінен біз қазіргі заңнамаға тағы бір рет қарап, заңға тәуелді нормативтік құқықтық актілерді пысықтауға немесе жетілдіруге болатын жаңа нормаларды ала аламыз», – деді ҚР Ғылым және жоғары білім вице-министрі Динара Щеглова.

Іс-шара ұйымдастырушылары университет профессорлары республиканың нормашығармашылық процесінде пайдалану үшін реттеушілік саясат құжаттары ретінде қатысушылардан жиналған барлық ұсыныстарды рәсімдейтінін атап өтті. Сайыс қорытындысы бойынша орыс лигасында Әл-Фараби атындағы Қазақ ұлттық университетінің (Қазақстан), Maqsut Narikbayev University (Қазақстан) және В.Ф. Яковлев атындағы Орал мемлекеттік заң университетінің (Ресей) командалары көш бастады, ал ағылшын лигасында үздік нәтижелерді Малайя университетінің (Малайзия), Румын-американ университетінің (Румыния) және Макгилл университетінің (Канада) студенттері көрсетті. Конкурстың жеңімпазы Малайзияның тұңғыш және ең беделді жоғары оқу орны – Малайя университетінің командасы атанды.

«Бізге сайыс тақырыбы мен дайындық процесі қатты ұнады. Біз үшін жеңімпаз болу үлкен мәртебе. Біз көп жұмыс істедік және күш-жігеріміз ақталды. Сонымен қатар басқа барлық командалар да кем тырысқан жоқ. Осы ретте біз оларға өзіміздің құрметіміз бен қолдауымызды білдіреміз», – деді Малайя университетінің студенті Кох Ши Ан.

Сайыстың жалпы жүлде қоры бес миллион теңгеден асты. Байқау АХҚО Соты, «Kazakhstan Bar Association» заң консультанттар палатасы және «Baker McKenzie» халықаралық заң фирмасының қолдауымен өтті. Сондай-ақ конкурсқа Қазақстанның Даму банкі, «Unicase», «KP Disputes», «Turkenov Consulting» заң фирмалары және адвокат Рена Керімова қолдау білдірді.

Айта кетейік, International Legathon MaxUP алғаш рет 2025 жылы өткен болатын.

The post Болашақ құқығы: MNU-да International Legathon MaxUP 2026 конкурсы өтті appeared first on MNU.

Дөңгелек үстел Канаданың саяси, парламенттік және сараптамалық ортасы өкілдерінің басын қосты. Қазақстанның Канададағы Төтенше және Өкілетті Елшісі Дәулетбек Құсайынов екіжақты экономикалық ынтымақтастықтың қазіргі жағдайы, сондай-ақ елде жүргізіліп жатқан реформалар туралы хабарлады. Қатысушылар Қазақстандағы ішкі саяси өзгерістерге жоғары қызығушылық танытып, жүргізіліп жатқан реформалардың жүйелігін атап өтіп, елдегі трансформациялық процестерді одан әрі зерттеуге қызығушылық танытты.

Іс-шара барысында MNU Associate Professor-ы, Гарвард университетінің шақырылған ғылыми қызметкері Мүслім Хасенов жаңа Конституцияның маңызы мен оның Қазақстанның одан әрі саяси дамуындағы рөлі туралы жан-жақты айтып берді. Сонымен қатар өткен республикалық референдум қоғам белсенділігінің және оның маңызды саяси процестерге қатысуының жоғары деңгейін тағы да растағаны атап өтілді. Сарапшылар мұндай кездесулерді жалғастыруға және қазақ-канада диалогын одан әрі дамытуға қолдау білдірді.

Айта кетейік, бұған дейін MNU-да Қазақстанның жаңа конституциялық моделіне арналған талдамалық баяндама таныстырылды.

The post Жаңа Конституция: MNU профессоры Канада Сенатында сөз сөйледі appeared first on MNU.

Ауқымды студенттік сайыс Мемлекет басшысы жариялаған Цифрландыру және жасанды интеллект жылы аясында өтуде. Шараны Maqsut Narikbayev University (MNU) ұйымдастырды. Университеттің Басқарма төрағасы Талғат Нәрікбаев қатысушыларды құттықтап, байқаудың «Болашақ құқығы» тақырыбы қазіргі әлемдегі өмірді бейнелейтінін атап өтті.

«Қазақстан Президенті Қасым-Жомарт Тоқаев биылғы жылды Цифрландыру және жасанды интеллект жылы деп жариялады. Технологиялар біздің өмірімізді, соның ішінде қоғам мен құқықтың қалай жұмыс істейтінін өзгертуде. Цифрлық бірегейлік және цифрлық егіздер сияқты идеялар енді ғылыми фантастика ғана емес. Бұл біздің шынайылығымыздың бір бөлігіне айналды. Осы ретте аталған идеялар нақты және тиімді құқықтық шешімдерді талап ететін жаңа сын-қатерлерді тудырады», – деді MNU Басқарма төрағасы Талғат Нәрікбаев.

Университет басшысы студенттерге сәттілік тілеп, заңгерлердің жаңа буыны ертеңгі күннің құқықтық әлемін қалыптастыратынын атап өтті. Сайыс барысында студенттер жаңа технологиялардың заң жүйесіне, құқық қағидаттарына, этика мен адам құқықтарына әсерін зерттейді. Байқау Еуропа, Азия және Солтүстік Америка елдерінен 90-нан астам студентті біріктірді.

«Маған Қазақстанның сот жүйесі өте қызық, өйткені сізде онлайн форматтағы соттар енгізілді. Біздің елімізде бұл тәжірибе әлі Қазақстанда секілді дамыған жоқ. Біз конкурсқа қатысуға жіберген өз өтінімізде қазақстандық тәжірибені Өзбекстанның заңнамасына енгізуді ұсындық», – деді Ташкент мемлекеттік заң университетінің (Өзбекстан) студенті Диёрбек Давронов.

Байқауға қатысушылар орыс және ағылшын лигаларына бөлінді. «Lex Fantastica» пікірсайыс форматындағы бірінші раунд «Астана» халықаралық қаржы орталығының Сотында өтті. Тақырып 2036 жылы қайтыс болған Дель де Гогтың виртуалды мұрасы туралы дауға арналды.

Пікірсайыс барысында студенттер өз юрисдикциясы бар нақты мемлекеттердің баламасы ретінде метағаламшарларды қарастыру, виртуалды активтерді реттеу және виртуалды болмыстың меншігін қорғау мен өмір сүру құқығы мәселелері бойынша өз дәлелдерін білдірді. Сонымен қатар метағаламшарлардың меншік иелерінің жауапкершілігі, жасанды интеллект судьядан бас тарту және виртуалды шындықта болу уақытын шектеудің заңдылығы туралы сұрақтарға жауаптар берілді. Студенттердің жұмысын ҚР Жоғарғы Сотының судьясы Елена Максюта, «ADL Disputes» заң компаниясының серіктесі Мұхит Елеуов, «KazAID» Қазақстандық халықаралық даму агенттігінің бас заңгері Айза Ғабдуллина, «Unicase» заң фирмасының басқарушы серіктесі Артем Тимошенко, сондай-ақ Қазақстанның Даму банкінің бас заң кеңесшісі Саят Көкебаев пен адвокат Рена Керімова бағалады.

«Мұндай байқаулар әлем жастары үшін өте маңызды. Ұсынылған заң саласындағы кейс өте қызық болды. Бастапқыда бізде оның қаншалықты шынайы екеніне сенім болған жоқ, бірақ спикерлердің сөздерін тыңдай отырып, құқықтық жүйеге жасанды интеллект технологияларын енгізу кезінде бізге шынымен де жаңа реттеу тетіктері қажет болатыны туралы ойлана бастадық. Қазір құқықтық жүйелер көп жағдайда артта қалып отыр және жас ұрпаққа болашақ үшін инновациялық шешімдерді ұсынуға тура келеді», – деді Макгилл университетінің (Канада) студенті Эндрю Цзясин Чен.

«International Legathon MaxUP 2026» АХҚО Соты, «Kazakhstan Bar Association» заң консультанттар палатасы және «Baker McKenzie» халықаралық заң фирмасының қолдауымен өтуде. Сондай-ақ сайысқа Қазақстанның Даму банкі, «Unicase», «KP Disputes», «Turkenov Consulting» заң фирмалары және адвокат Рена Керімова қолдау білдірді. Жарыстың ақтық кезеңі ертең MNU-да өтеді.

Айта кетейік, алғашқы International Legathon MaxUP былтыр өткен болатын.

The post Legathon MaxUP: Астанада 13 елдің студенттері цифрлық дәуірдің сын-қатерлеріне арналған үздік құқықтық шешімдерді әзірлеуде appeared first on MNU.

Клубтың негізгі ерекшелігі прокуратура, мектеп және университеттің өзара іс-қимылының үш жақты моделі болды. Мұндай формат білімнің сабақтастығын, практикаға бағдарланған оқыту мен орта және жоғары білім арасындағы тұрақты байланысты қамтамасыз етеді. Жоба жастар арасында құқықтық мәдениетті қалыптастыруға, азаматтық жауапкершілікті дамытуға және оқушыларды ерте кәсіптік бағдарлауға бағытталған.

«Бұл жай ғана білім беру бастамасы емес, әділдік пен жауапкершілік қағидаттарына негізделген жастардың құқықтық санасын қалыптастырудағы маңызды қадам. Мақсұт Сұлтанұлы Нәрікбаев – кәсіпқойлық пен мемлекетке адал қызмет етудің жарқын үлгісі. Болашақ ұрпақ осы жолды жалғастырып, еліміздің дамуына елеулі үлес қосатынына сенімдімін», – деді ҚР Бас прокуратурасы Кадрлық жұмыс департаменті бастығының орынбасары Айбар Ільяс.

Жобаның бастамашысы Бас көлік прокуратурасы елорданы пилоттық алаң ретінде анықтады. Клубтың білім беру моделі «тең теңімен» қағидатына негізделген, онда оқушылар құқықтық білімдерін құрбыластарымен бөлісіп, оқытудың ашық және сенімді ортасын қалыптастырады. Сонымен қатар клуб түлектері MNU білім гранттары мен жеңілдіктерін қоса алғанда, оқуға түсу кезінде артықшылықтарға ие болады.

«Мақсұт Сұлтанұлы Нәрікбаев атындағы Болашақ прокурорлар клубының ашылуы біздің университет үшін үлкен мәртебе. Бұл жастардың құқықтық ойлауын, заңдылық құндылықтарын қалыптастыру және заңға қызмет ету миссиясын ұғыну үшін маңызды алаң. Біздің Бас прокуратурамен ынтымақтастығымыз көп жылдан бері жалғасып келе жатқанын және әділдік пен заңдылықтың ортақ қағидаттарына негізделгенін атап өткім келеді», – деді MNU Құқық жоғары мектебінің деканы Ольга Бектібаева.

Іс-шара жоғары оқу орнының Құрметті ректоры Мақсұт Нәрікбаевтың туған күніне орай өткізілді. Белгілі мемлекет және қоғам қайраткері 1995-2000 жылдары ҚР Бас прокуроры және ҚР Жоғарғы Сот төрағасы қызметтерін атқарды. Ол Қазақстанның құқықтық жүйесінің қалыптасуы мен дамуына елеулі үлес қосты және университетте 15 жылдан астам еңбек етті.

Айта кетейік, жоба әділдік, заңдылық, жауапкершілік және жоғары азаматтық сана-сезім қағидаттарына бет бұрған азаматтардың жаңа буынын қалыптастыруға бағытталған мемлекет, білім беру жүйесі және жастардың тиімді үшжақты ынтымақтастығының үлгісі.

The post Астанада Мақсұт Нәрікбаев атындағы Болашақ прокурорлар клубы ашылды appeared first on MNU.

Университеттің басты оқиғаларының бірі биыл 500-ге жуық адамды біріктірді. Іс-шараның бағдарламасы жан-жақты болды, ал қатысушылар классикалық полонез бен қазақ вальсін орындады. Сонымен қатар бал дебютанттары өздерінің ата-аналары мен қонақтарын биге шақырды.

«Президенттік бал біз үшін ерекше мәнге ие. Бұл шара Құрметті ректорымыз, есімі университетімізге берілген көрнекті мемлекет және қоғам қайраткері Мақсұт Сұлтанұлы Нәрікбаевтың туған күніне орайластырылған. Біз осындай дәстүрлер арқылы студенттердің мәдени құндылықтарды, дәстүрлерге адалдықты және ұрпақтар сабақтастығын сіңіруіне ұмтыламыз», – деді MNU Провосты Анар Ибраева.

Кештің басты оқиғасы көптен күткен балдың «патша және патшайымын» анықтау болды. Биыл байқау форматы ерекше сипатқа ие, өйткені финалист жеті жұп әлемдік кинематография мен ертегі сюжеттерінен шабыттанған бірегей перфоманстарды ұсынды. Көрермендер «Кариб теңізінің қарақшылары», «Коко құпиялары», «Аладдин», «Мистер мен миссис Смит» және басқа да белгілі туындылардың жарқын интерпретацияларын көрді, ал әр қойылым хореография мен әртістіктің синтезі болды.

«Мен төртінші жыл қатарынан Президенттік балды дайындаумен айналысып келемін және біздің MNU-мен достығымызды өте қымбат бағалаймын. Мен үшін студенттерді өнерге тарту маңызды. Бағдарламада міндетті түрде қазақ вальсі бар екенін атап өткім келеді, өйткені ол арқылы балалар халық мәдениетімен, оның мінезімен және дәстүрлерді құрметтеумен танысады», – деді Қазақ ұлттық хореография академиясының Хореография факультеті деканының орынбасары Евгений Моисеев.

Биыл сахнаға 132 дебютант шығып Президенттік балда рекорд орнады. Қазылар алқасы мүшелерінің шешімі бойынша үшінші курс студенттері Шерхан Сәлменов пен Арайлым Әлжаппарова «патша және патшайым» атағын жеңіп алды. Бұдан басқа, студенттер Мухаммаджон Исломбеков пен Нұрай Мұстафа MNU Басқарма төрағасының арнайы сыйлығына ие болды.

«Бізді Аладдин мен Жасминнің хикаясы шабыттандырды, біз бұл сюжетті би арқылы жеткізуді шештік. Төрт апталық дайындық барысында «The Mobtrix» студенттік ұйымындағы тәжірибемізге сүйене отырып, біз көрерменге түсінікті эмоциялық хикая жасауға ұмтылдық. Жеті жұп арасындағы бәсекелестік өте жоғары, сондықтан жеңіс біз үшін күтпеген және тамаша тосын сый болды», – деді MNU студенті Шерхан Сәлменов.

Айта кетейік, Президенттік бал студенттердің сахналық мәдениетті, тәртіпті және жұптасып жұмыс істей білуді дамытатын алаңға айналды. Жоба елорданың мәдени өмірінде берік орын алып, жыл сайын танымалдығы артуда.

The post Астанада MNU Президенттік балы өтті appeared first on MNU.