Студенттермен кездесу барысында Сеул киберуниверситетінің (SCU) профессорлары Artificial Intelligence and Frontier Systems: AI + X бірлескен білім беру бағдарламасының артықшылықтары мен білім алушыларға арналған мүмкіндіктер туралы айтып берді. Кездесу серіктес университетпен танысуға, академиялық перспективаларды талқылауға және бағдарламаны одан әрі дамыту жөнінде пікір алмасуға мүмкіндік туғызды. Студенттерге арнаған сөзінде SCU Құрметті ректоры Хо Мё Ён MNU-мен ынтымақтастық аясында алғашқы қазақстандық студенттерді қабылдаудың ерекше маңызын атап өтті.

«Сіз MNU-мен ынтымақтастықта біздің бағдарламаға қосылған Қазақстанның алғашқы студенттері болдыңыз. Бұл біздің осындай өзара іс-қимылдың алғашқы тәжірибесі, сондықтан біз сіздерге ерекше үміт артамыз. Төрт жылдан кейін сіз оқуды табысты аяқтап, біздің мақтанышымызға айналатыныңызға сенімдімін. Сіздерге қызықты әрі жемісті академиялық жолын тілеймін», – деді Хо Мё Ён.

SCU делегациясы сондай-ақ MNU басшылығымен келіссөздер жүргізді. Кездесу барысында келешек перспективалар, бірлескен бастамаларды жүзеге асыру және білім беру бағдарламасын жетілдіру мүмкіндіктері талқыланды. Цифрлық білім беру саласындағы жетекші кореялық университетпен жасанды интеллект саласындағы бірлескен бағдарлама биыл іске қосылды.

Айта кетейік, AI + X мамандығының түлектері MNU және SCU дипломдарын алады.

The post MNU-да Сеул киберуниверситетімен қос диплом бағдарламасын дамыту мәселесі талқыланды appeared first on MNU.

В ходе лекции были рассмотрены ключевые аспекты беспристрастности судебной власти, юрисдикция Суда МФЦА и подходы к рассмотрению споров в международном деловом контексте. Особое внимание уделено значению независимого и эффективного правосудия для укрепления доверия инвесторов и развития международного экономического сотрудничества. Председатель Суда также поделился своими взглядами на юридическую профессию, подчеркнув важность прочной академической подготовки.

Лорд Бернетт Мэлдонский имеет широкую практику общего права в Коллегии адвокатов Англии и Уэльса, уделяя особое внимание публичному и административному праву. В его портфеле публичные и громкие процессы, включая расследование гибели принцессы Дианы. За свою карьеру он возглавлял адвокатскую палату в Лондоне, был судьей Верховного Суда Англии и Уэльса и председателем Судебной системы, а с ноября 2023 года является председателем Суда МФЦА.

Отметим, что студенты также получили информацию о возможностях стажировок и профессионального развития в МФЦА.

The post АХҚО Сотының төрағасы MNU-да сөз сөйледі appeared first on MNU.

«Кореямен танысу: білім, мәдениет және ұлттық тағамдар» іс-шарасы Қазақстандағы Корея Республикасының Елшілігімен және ҚР KOICA түлектері қауымдастығымен бірлесіп ұйымдастырылды. Бағдарлама мәдени алмасу, кәсіби қарым-қатынас және кимбап пен кимчи дайындау бойынша интерактивті шеберлік сыныбын қамтыды. Қатысушылар Кореяның гастрономиялық дәстүрлері туралы көбірек біліп қана қоймай, ұлттық тағамдардан дәм татып көрді.

«Кореяда кимчжан атты ерекше дәстүр бар, онда отбасылар мен көршілер бір-бірімен жиналып, кимчи дайындайды. Менің ойымша, бұл тұрғыда біздің халықтарымыз өте ұқсас. Өйткені, Корея мен Қазақстанда ас – бұл жай ғана тамақ дайындау емес, сонымен қатар қамқорлық, қонақжайлылық және жан жылылығын көрсету тәсілі. Осындай кездесулер елдеріміз арасындағы достықты нығайтуға көмектесетініне сенімдімін», – деді Қазақстандағы Корея Елшілігінің кеңесшісі Син Гюхо.

Іс-шара мәдениетаралық диалог, кәсіби тәжірибе алмасу және студенттер мен корей қоғамдастығы өкілдері арасындағы байланыстарды нығайту алаңына айналды. Айта кетейік, бұған дейін MNU-да Кореяның Қазақстандағы жаңа Елшісі Чжон Ки Хонның қонақ дәрісі өткен болатын.

The post Корей мәдениеті гастрономия арқылы: MNU-да тақырыптық шеберлік сыныбы өтті appeared first on MNU.

Іс-шара British Council халықаралық ұйымы, Ғылым және жоғары білім министрлігі және QAA жоғары білім сапасын қамтамасыз ету жөніндегі британдық тәуелсіз агенттігімен бірлесіп ұйымдастырылды. Дөңгелек үстел министрлік, ұлттық және халықаралық аккредиттеу агенттіктері, Академиялық адалдық лигасы және отандық университеттер өкілдерінің басын қосты. MNU Басқарма төрағасы Талғат Нәрікбаев елімізде трансұлттық білім берудің белсенді қарқынын атап өтті.

«Мұндай жағдайда білім беру сапасын қамтамасыз ету және оны бағалаудың үйлесімділігі ерекше маңызға ие. MNU үшін білім сапасы әрқашан негізгі басымдықтардың бірі болды. Біздің халықаралық аккредиттеуден өтуіміз нақты тәжірибеде университеттің дамуы үшін тәуелсіз сараптаманың құндылығына көз жеткізуге мүмкіндік берді. Сондықтан біз ұлттық білім беру бағдарламаларын аккредиттеу тәсілдемелерін талқылауға үлкен мән береміз. Оның нәтижелері Қазақстандағы алдағы жұмыстың нақты бағыттарын анықтауға көмектеседі деп үміттенеміз», – деді Талғат Нәрікбаев.

Жоғары оқу орнында қолданылатын академиялық адалдық стандарттары туралы MNU Басқарма төрағасының ғылым, инновациялар және жасанды интеллект жөніндегі орынбасары Сергей Пен егжей-тегжейлі айтып берді. Іс-шараға қатысушылар аккредиттеудің қолданыстағы тәсілдері мен трансұлттық білім беру бағдарламаларының сапасын қамтамасыз ету жөнінде пікір алмасып, сапаны қамтамасыз етудің ажырамас бөлігі ретінде академиялық адалдықты сақтаудың маңыздылығын атап өтті. Сондай-ақ бағдарламаларды аккредиттеу тәсілдемелерін қарастыруға арналған ұлттық жұмыс тобын құру және сапаны қамтамасыз ету үдерістерінде келісімділік, ашықтық және сенімді арттыру мүмкіндіктерін анықтау мәселелері талқыланды.

«Шараға академиялық және әкімшілік тәжірибесі мол мамандар жиналды. Біз көптеген маңызды мәселелерді талқылаймыз және бұл кездесу барлығы үшін жемісті болатынына сенімдімін. Біз түрлі ұсыныстарды үлкен қызығушылықпен күтеміз. Дөңгелек үстел мазмұнды пікір және тәжірибе алмасу үшін мүмкіндік болады деп үміттенеміз», – деді Қазақстандағы British Council директоры Роберт Тэйлор.

Айта кетейік, 2024 жылы MNU Халықаралық сапа аудитін (IQR) сәтті аяқтап, QAA жаһандық аккредитациясын иеленді. Британдық агенттіктің сарапшылары жоғары оқу орны Еуропалық жоғары білім кеңістігінің (ESG) 10 стандартына сай келетінін жоғары бағалады. Осылайша, MNU Орталық Азия және ТМД-да QAA аккредитациясын алған алғашқы университет атанды.

The post Білім беру саласындағы сарапшылар MNU-да академиялық адалдықтың бірыңғай тәсілдемелерін талқылады appeared first on MNU.

Пікірталас Мемлекет басшысының осы аптада Қазақстан халқына Жолдауында айтылған жаңа Азаматтық кодексті қабылдау қажеттігі туралы бастамасын жүзеге асыруға бағытталды. Іс-шараға Құрылтай вице-спикері Нұрлан Бекназаров бастаған депутаттар, MNU Басқарма төрағасы Талғат Нәрікбаев және жоғары оқу орнының ғалым-заңгерлері, Әділет вице-министрі Ботагөз Жақселекова, «Әділет» партиясы төрағасының орынбасары Нұрсұлтан Байтілесов, сондай-ақ сарапшылар мен журналистер қатысты. Дөңгелек үстел Құрылтай және «Әділет» партиясымен бірлесіп ұйымдастырылды.

Іс-шара мемлекеттік органдар, ғылыми және сарапшылар қоғамдастығының пікірлерін біріктіретін маңызды кәсіби алаңға айналды. Қатысушылар мемлекеттің құқықтық егемендігін нығайтуға және елдің тұрақты экономикалық өсуін қамтамасыз етуге көмектесетін жаңа Азаматтық кодексті қабылдаудың стратегиялық маңыздылығын атап өтті. Пікірталас барысында МNU профессорлары мазмұнды баяндамалар жасады.

Іс-шара қорытындысы бойынша Азаматтық кодекс жобасын әзірлеуге барлық тараптардың сараптамалық заң қоғамдастығымен бірге барынша бірлесіп әрекет етудің маңыздылығы атап өтілді.

The post Президент Жолдауы 2026: MNU-да жаңа Азаматтық кодексті әзірлеу талқыланды appeared first on MNU.

Дәріс барысында арнайы өкіл 2030 жылға дейінгі кезеңге арналған Орнықты даму мақсаттары аясындағы күн тәртібіндегі балаларға қатысты зорлық-зомбылықтың барлық түрлеріне қарсы іс-қимылдың маңыздылығы туралы айтты. Ол қатыгез қарым-қатынасты, балаларды пайдалану, сату және зорлық-зомбылықтың басқа да түрлерін жоюға бағытталған мақсаттардың бірінің ерекше рөлін атап өтті. Іс-шараға Орталық Азия елдерінің Бала құқықтары жөніндегі уәкілдері де қатысты.

«Балаларды зорлық-зомбылықтың барлық түрінен қорғау – бұл Орнықты даму мақсаттарының міндеті ғана емес. Бұл барлық мақсаттарды қамтитын жан-жақты тақырып. Өйткені кедейлік, кемсітушілік, денсаулық пен өмір сүру жағдайлары өзара байланысты және балалардың зорлық-зомбылық алдындағы осалдығын арттыруы мүмкін», – деді Наджат Маалла Мджид.

Дәріс барысында сұрақтар мен жауаптар сессиясы өтіп, онда студенттер сарапшымен әлеуметтік проблемаларды шешудің халықаралық тәсілдерін және Орнықты даму мақсаттарын жүзеге асырудың өзекті мәселелерін талқылады. Наджат Маалла Мджид бірқатар сұрақтарға жауап беріп, кәсіби тәжірибесімен бөлісті. Сонымен қатар іс-шараға қатысушылар MNU-дың заманауи инфрақұрылымымен танысты.

Айта кетейік, БҰҰ Бас хатшысының арнайы өкілі Астанаға жұмыс сапарымен келді. Бұған дейін ол Орталық Азия елдерінің бала құқықтары жөніндегі уәкілдерінің екінші халықаралық форумына қатысып, Вице-Президентпен және бірнеше министрліктердің басшыларымен кездесті, сондай-ақ бірқатар білім беру ұйымдарына барды.

The post БҰҰ Бас хатшысының арнайы өкілі MNU-да болды appeared first on MNU.

Даце Рутка Латвияның тарихы, мәдениеті мен мемлекеттік құрылымының негізгі аспектілерімен бөлісті, сондай-ақ елдің сыртқы саясатының басымдықтары және Еуропалық одақ пен НАТО-ға мүшелігі туралы айтып берді. Қазақстан мен Латвия арасындағы сауда-экономикалық ынтымақтастық, логистика және білім алмасу сияқты екіжақты қарым-қатынастарды дамытуға ерекше назар аударылды. Елшінің дәрісі «Қолданбалы дипломатия» курсы аясында өтті.

«Мен MNU-ға келгеніме қуаныштымын. Біз үшін қазір өзара іс-қимылдың берік іргетасын қалау өте маңызды. Сондай-ақ болашақ қазақстандық дипломаттармен тәжірибемен бөлісу қажет», – деді Даце Рутка.

Айта кетейік, MNU Латвияның жоғары оқу орындарымен академиялық ұтқырлық бағдарламасы аясында белсенді түрде ынтымақтасады. Латвия Қазақстанның Балтық жағалауы мен Балтық өңіріндегі негізгі және неғұрлым белсенді серіктестерінің бірі. Келесі жылы елдер дипломатиялық қатынастардың орнағанына 35 жыл толуын атап өтеді.

The post Латвия Елшісі MNU-да дәріс оқыды appeared first on MNU.

«Француз тілін оқытудың заманауи тәсілдері: педагогика, әдістеме, бағалау, цифрлық технологиялар және франкофондық жобалар» курсы 80 сағатқа есептелген және гибридтік форматта ұйымдастырылған. Бұл ретте 40 сағат күндізгі сабақты Сорбонна университетінен (Париж қ.) арнайы шақырылған оқытушысы өткізеді. Оқыту Алматы қаласында да болады.

«Біз Қазақстандағы француз тілінің ұстанымын нығайтуға тырысамыз және бұл ең алдымен жастардың тілді таңдап, одан әрі меңгеруі үшін қажет. Бұл болашаққа деген үміт. Біздің ынтымақтастығымыз энергетика, жасанды интеллект, инженерия, экология, ауыл шаруашылығы, жоғары білім және ғылым сияқты стратегиялық секторларда белсенді дамып келеді. Бұл міндетті жүзеге асыруда оқытушылардың рөлі зор, өйткені олар біздің тіліміз бен мәдениетімізді бүкіл Орталық Азия өңірінде ілгерілетуде ажырамас буын», – деді Францияның Қазақстандағы Төтенше және Өкілетті Елшісі Сильван Гиоге.

Француз тілі әлемнің 30-дан астам елінде ресми тіл ретінде белгіленген. Курстарды өткізу оқытушылардың кәсіби құзыреттерін жетілдіруге және француз тілін оқытудың заманауи тәсілдерін дамытуға бағытталған. MNU Провосты Анар Ибраева іс-шара Қазақстан мен Франция арасындағы академиялық байланыстарды нығайтуға мүмкіндік беретінін атап өтті.

«Біз білім беру сапасы оқытушыдан басталатынына сенімдіміз. Сондықтан педагогтардың кәсiби дамуы, тәжiрибе алмасу және заманауи әдiстемелердi игеру ерекше мәнге ие. Бұл курстар – француз тілін оқытудың өзекті тәсілдерімен танысуға және француз сарапшыларымен тәжірибе алмасуға мүмкіндік береді. Мұндай бастамалар тілдік білімді дамытуға және болашақ ұрпақты даярлауға жаңа мүмкіндіктер ашатынына сенімдіміз», – деді Анар Ибраева.

Айта кетейік, бұған дейін MNU-да Орталық Азиядағы алғашқы Lumieres білім беру қоры ашылған болатын. Қордың жұмысы Қазақстанда жұмыс істейтін француз компанияларының кадрлар даярлау саласындағы қажеттіліктерін қанағаттандыру үшін, сондай-ақ стипендияларды бірлесіп қаржыландыруға жәрдемдесу ге бірлескен жобаларды бір брендтің төңірегінде біріктіруге бағытталған.

The post 40-қа жуық француз тілі оқытушысы MNU-да біліктілігін арттыруда appeared first on MNU.

CSCSE ресми реестрді жүргізетін, сондай-ақ білім және ғылыми дәрежелер туралы шетелдік құжаттарды бағалау, нострификациялаумен (тану) айналысатын ұйым. Орталық өз қызметін ҚХР Білім министрлігінің жанынан жүзеге асырады. Университеттің бұл реестрге енгізілуі Қытайда жұмыс жасау немесе білім алуды жалғастыруды жоспарлап отырған түлектер үшін маңызды.

Айта кетейік, MNU қытайлық оқу орындарымен ынтымақтастықты белсенді түрде кеңейтуде. Биыл университет AI Law магистрлік білім беру бағдарламасын Қытай саяси ғылымдар және құқық университетімен бірлесе отырып іске қосты, сондай-ақ Бейжің тіл және мәдениет университетімен бірге қос дипломдық бағдарламаны ашу туралы ниет білдірді. Бұдан басқа университеттің білім беру бағдарламалары он беделді халықаралық аккредиттеу рейтингтік агенттіктерімен танылған.

The post MNU Қытайлық шетелдік жоғары оқу орындарының реестріне енгізілді appeared first on MNU.

Университет ғимаратының алдында жайылған мемлекеттік рәміз Қазақстандық рекордтар кітабына енуге үміттенеді. Оның ауданы 882 шаршы метр, ал салмағы 100 килограммға жуық. Ең үлкен ту жоғары оқу орнының студенттерінің бастамасымен дайындалды.

«Мемлекеттік ту – ел тәуелсіздігінің бейнесі және халық бірлігінің символы. Біз республикамызды мақтан тұтамыз. Мемлекет басшысы Қасым-Жомарт Тоқаевтың басшылығымен Қазақстан сенімді түрде алға жылжып, ауқымды жүйелі өзгерістер жүргізуде. Соңғы 7 жылда біз экономиканың өсуін, жаңа өндірістер мен жұмыс орындарының іске қосылуын, әлеуметтік сала, ғылым мен жастарға инвестициялардың артуын, сондай-ақ экологияға қамқорлық пен цифрландырудың дамуын көріп отырмыз. Баршаңызды ұлттық мереке – Республика күнімен құттықтаймыз және Отанымыздың гүлденуін тілейміз», – деді MNU Басқарма төрағасы Талғат Нәрікбаев.

Тудың жайылуы барысында университет студенттері мен оқытушылары Қазақстанның гимнің орындады. Бұған дейін еліміздегі ең үлкен тудың ауданы 800 шаршы метрді құраған болатын. Ол жыл сайын MNU Студенттер қатарына қабылдау рәсімінде жайылатын.

Айта кетейік, мемлекеттік тудың жайылуы арқылы университет «Әділет» партиясы бастаған «Менің Елім – Менің Туым» акциясына қолдау білдірді.

The post Жаңа рекорд: MNU-да Қазақстанның ең үлкен туы жайылды appeared first on MNU.