Көктемгі фестиваль жаңарудың, мәдени әралуандықтың және халықаралық диалогтың символына айналды. Іс-шараға Қатар, Түрікменстан, Таиланд, Еуропалық Одақ Елшілері, Қытай, Үндістан, Сауд Арабиясы, Индонезия, Аустрия дипломатиялық миссиялары және Оңтүстік Корея мәдени орталығының өкілдері, сондай-ақ MNU студенттері, оқытушылары мен қызметкерлері қатысты. Фестивальдің басты ерекшеліктерінің бірі елдердің бай мәдени мұрасын көрсететін дәстүрлі элементтер болды.

Фемида саябағында қазақтың киіз үйі, алтыбақан және ұлттық ойындар аймағы орын алды. Қонақтар шетелдік елшіліктердің жәрмеңкесіне қатысты, онда дәстүрлі тағамдар, киімдер мен кәдесыйлар ұсынылды. Spring Fest халықаралық әріптестермен бірлесіп үшінші рет ұйымдастырылды.

«Бұл дәстүрлі іс-шара MNU-дың халықаралық ынтымақтастық пен бастамалар алаңы екендігінің тағы бір дәлелі. Фестивальдің арқасында студенттер университет аумағында түрлі елдердің мәдениеттерімен және дәстүрлерімен танысуға мүмкіндік алады. Іс-шараға біздің кейбір шетелдік серіктестеріміз алғаш рет қатысуда және біз оларды одан әрі жалғасын табатын осы дәстүрдің бір бөлігі болады деп үміттенеміз», – деді MNU Басқарма төрағасы Талғат Нәрікбаев.

Фестиваль аясында ұлттық аспаптар оркестрі, студенттер театры мен университеттің белсенді студенттері өнер көрсетті. Іс-шарада Индонезия, Түрікменстан, Үндістан мен Оңтүстік Кореяның Елшіліктері қонақтарды музыкалық және би нөмірлерімен қуантты. Spring Fest жарқын әсер қалдырып, академиялық қауымдастықтағы ашықтық пен бірліктің құндылықтарын тағы да көрсетті.

Айта кетейік, биыл Қазақстан халқының бірлігі күні елімізде 30-шы рет атап өтілуде.

The post Spring Fest: MNU Қазақстан халқының бірлігі күнін атап өтті appeared first on MNU.

Maqsut Narikbayev University баршаңызды мерекемен құттықтап, табыс пен бақ-береке тілейді!

The post Қазақстан халқының бірлігі күні құтты болсын! appeared first on MNU.

Олимпиаданы «Заң мен Тәртіп» нарративі аясында ҚР Қаржылық мониторинг агенттігі MNU, ЕҚЫҰ-ның Астанадағы бағдарламалық кеңсесі және Halyk Bank қолдауымен өткізді. Жарыстың мақсаты студенттердің қаржылық қауіпсіздік, көлеңкелі экономика мен қаржылық құқықбұзушылықтарға қарсы іс-қимыл саласындағы тәжірибелік білімін арттыру, сондай-ақ олардың аналитикалық ойлау қабілеті мен кәсіби жауапкершілігін дамыту. Олимпиадаға алты мыңға жуық отандық жоғары оқу орындарының студенттері мен магистранттары қатысты.

MNU-да өткен сайыстың ақтық кезеңіне 40 адам жолдама алды. Нәтижесінде Ресейде өтетін Қаржылық қауіпсіздік бойынша халықаралық олимпиадада елімізді таныстыратын 10 жеңімпаз анықталды. Олардың қатарында MNU Құқық жоғары мектебінің студенті Тоғжан Ілиясова да бар.

«Мен Zhubanov University студенті Айшолпан Аманқосовамен бірге «Құқықтану» бағыты бойынша жеңіске жеттім. Менің күш-жігерім мен ұйқысыз дайындалған түндерім өз нәтижесін бергеніне өте қуаныштымын. Олимпиаданың арқасында мен көптеген жаңа білім алдым. Әсіресе ақшаны жылыстатуға және терроризмді қаржыландыруға қарсы іс-қимылмен айналысатын FATF ұйымының қызметі туралы ақпарат алдым», – деді Тоғжан Ілиясова.

Айта кетейік, өткен жылы MNU студенттері V Қаржылық қауіпсіздік бойынша халықаралық олимпиадасының вице-чемпионы атанды.

The post MNU студенті Қаржылық қауіпсіздік бойынша ұлттық олимпиаданың жүлдегері атанды appeared first on MNU.

Іс-шараны MNU жанындағы Жаһандық және өңірлік басқару орталығы (CEGREG) Гронинген университетінің (Нидерланды) Мәдениетті зерттеу бойынша ғылыми-зерттеу институтымен және MIND ғылыми-талдау орталығымен бірлесіп ұйымдастырды. Воркшоп өңірдің жаһандық экономикадағы өсіп келе жатқан рөлін талқылау үшін мемлекеттік органдар мен академиялық қоғамдастықтың өкілдерін және салалық сарапшыларды біріктірді. Қатысушылар ресурстарға жаһандық сұраныс пен әлемдік экономиканың трансформациясы аясында Орталық Азияның өсіп келе жатқан стратегиялық маңызын атап өтті.

Воркшоп аясында сарапшылар мемлекеттік саясат, байланыстылық, қауіпсіздік, геоэкономика және құқықтық реттеу мәселелері бойынша пікір алмасты. Іс-шарада Қазақстандағы критикалық маңызды минералдар секторын дамытуға, елдің транзиттік хаб ретіндегі рөліне, сондай-ақ ресурстарға қол жеткізу үшін әлемдік державалардың бәсекелестігіне ерекше назар аударылды. Қатысушылар энергетикалық ауысудың жеткізу тізбектерін қайта бөлуге әсерін және ұлттық мүдде мен орнықты даму қағидаттарын ескеретін теңгерімді саясат әзірлеу қажеттігін атап өтті.

Айта кетейік, CEGREG жаһандық және өңірлік басқару мәселелеріне баса назар аудара отырып, халықаралық қатынастар саласындағы зерттеулерге маманданған.

The post MNU-да сарапшылар критикалық маңызды минералдарды дамыту мәселелері бойынша пікір алмасты appeared first on MNU.

«Қазақ-қытай ынтымақтастығының құқықтық архитектурасы: инвестициялар, дауларды шешу және заңгерлік білім» тақырыбындағы конференция 300-ден астам адамды біріктірді. Іс-шараға мемлекеттік органдардың, академиялық қоғамдастықтың және дипломатиялық корпустың өкілдері қатысты. ҚХР-ның Қазақстандағы Төтенше және Өкілетті Елшісі Хань Чуньлинь Бейжің мен Астана арасындағы өзара іс-қимылдың жоғары деңгейін атап өтті.

«Қытай мен Қазақстанның заң негізінде басқаруды жаңғыртудағы жолы бір деуге болады. Біз диалогты одан әрі күшейтіп, тәжірибе алмасуды нығайтып, осы саладағы ынтымақтастықты кеңейтуіміз керек. Халықаралық конференция терең талқылау алаңын құруға бағытталған. Бұл екі тараптың заң негізінде басқару идеялары мен тәжірибесін барынша жан-жақты түсініп, елдер арасындағы достық ынтымақтастықтың стратегиялық маңызын байытып, тиімді өңірлік және жаһандық басқаруды ілгерілетуге ортақ үлес қосуы үшін қажет», – деді Хань Чуньлинь.

Конференция аясында Қытайдың цифрлық технологиялар мен жасанды интеллектіні реттеуге, халықаралық білім беру бағдарламаларын дамытуға көзқарасы, сондай-ақ халықаралық практикаға бағдарланған заңгерлерді даярлаудың заманауи үлгілері қаралды. Қатысушылар инвестициялық құқық, дауларды шешу тетіктері, цифрлық реттеу және трансшекаралық тәжірибе үшін заңгерлерді даярлаудың өзекті мәселелері бойынша пікір алмасты. MNU Басқарма төрағасы Талғат Нәрікбаев екі ел үшін өзара қызығушылық тудыратын мәселелер бойынша академиялық диалогтың табысты басталғанын атап өтті.

«Біздің мемлекеттеріміздің көшбасшылары арасындағы жоғары деңгейдегі кездесулер перспективалық күн тәртібін тағы да растады. Бұл инвестиция, инфрақұрылым, технология және білім беру саласындағы ынтымақтастықты кеңейту, сондай-ақ осы бағыттарды қолдауды қамтамасыз ететін құқықтық шеңберлерді одан әрі дамыту. Трансшекаралық экономикалық қызметтiң өсуiне қарай инвестицияларды реттеу, дауларды шешу және заңгерлерді даярлау мәселелерi өзара тығыз байланысты. Осы тұрғыда біздің университеттер арасындағы ынтымақтастық бірлескен ғылыми жұмыс пен болашақ мамандарды даярлау арқылы осы кең ауқымды күн тәртібінің жүзеге асырылуына ықпал ететініне сенімдімін», – деді Талғат Нәрікбаев.

Конференция барысында ҚР Конституциялық Сотының судьясы Қанат Мусин, ҚР Әділет вице-министрі Даниель Ваисов, Шанхай саяси ғылымдар және құқық университетінің ректоры Гэ Вэйхуа және Шанхай ынтымақтастық ұйымы жанындағы Қытай ұлттық халықаралық алмасу және сот ынтымақтастығы институты кеңсесі директорының орынбасары Чжан Шаоин сөз сөйледі. Қатысушылар жасанды интеллектінің қарқынды дамуы жағдайында құқықтық реттеу мәселелеріне ерекше назар аударылды. Баяндамаларды сондай-ақ SHUPL Цифрлық интеллект және құқық мектебінің деканы Цао Ян, «Халықаралық бағдарламалар орталығы» АҚ басқарма төрағасының орынбасары Қайсар Еркінбаев, SHUPL Халықаралық құқық мектебінің партиялық хатшысы Ши Цзяньпин және MNU Құқық жоғары мектебінің деканы Ольга Бектібаева ұсынды.

«Әлемде жасанды интеллект саласында белсенді жарыс байқалады. Ірі корпорациялар жаңа технологияларды жасауда бір-бірінен озуға ұмтылады. Бұл жаһандану жағдайында, әсіресе ЖИ қолдану саласында заңгерлерді бірлесіп даярлауды талап етеді. Бүгінгі таңда тек бірнеше ел ғана тиісті нормативтік құжаттарды әзірледі және Қытай олардың қатарында. Осыған байланысты тәжірибе алмасу білім беру жүйесі мен заңгерлік білім саласындағы көшбасшылардың бірі Maqsut Narikbayev University үшін ерекше мәнге ие», – деді ҚР Конституциялық Сотының судьясы Қанат Мусин.

Шанхай саяси ғылымдар және құқық университетінің ректоры Гэ Вэйхуа цифрлық басқару мен жасанды интеллект саласындағы заң үстемдігінің алдыңғы қатарлы мәселелерін бірлесіп зерттеуді ұсынды. Ол «Құқық + ЖИ» ынтымақтастықтың пәнаралық негіздемелік бағдарламасын іске қосу және екі тілді курстарды бірлесіп әзірлеу бастамасын көтерді. Сондай-ақ Гэ Вэйхуа елдер арасында инвестициялар және дауларды реттеу саласындағы құқықтық ынтымақтастық тетігін әзірлеу мен трансшекаралық салада жұмыс істейтін құқықтық мемлекет саласындағы мамандарды даярлау үшін қытай-қазақ қоғамдастығын құру қажеттігін атап өтті.

«Біз MNU-мен ынтымақтастықты тереңдету мәселелері бойынша кең консенсусқа қол жеткіздік және бірлескен ғылыми зерттеулерді дамытуға және білім беру бағдарламаларын әзірлеуге ниеттіміз. Конференция университеттер арасындағы ынтымақтастықты тереңдетудегі маңызды жетістікті білдіреді, сондай-ақ бұл іс-шара өзара іс-қимылдың жаңа бастамасы», – деді Гэ Вэйхуа.

Айта кетейік, Қытайдың жетекші жоғары оқу орындарының бірімен ынтымақтастық туралы уағдаластыққа өткен жылы MNU Провостының Шанхай қаласына сапары барысында қол жеткізілген болатын.

The post MNU-да қазақ-қытай ынтымақтастығының құқықтық архитектурасы талқыланды appeared first on MNU.

Спикер студенттер мен оқытушылармен климаттың өзгеруі, халықаралық қауіпсіздік, адам құқықтары және жастардың орнықты болашағын қалыптастыру мәселелерін талқылады. Пере Жоан Понс климаттық өзгерістер экологиялық жағдайға ғана емес, экономика, энергетика, әлеуметтік тұрақтылық пен халықаралық қатынастарға да тікелей әсер ететінін атап өтті. Оның айтуынша, орнықты даму мемлекеттер, ғылыми қоғамдастық, азаматтық қоғам және саяси институттар арасындағы тығыз ынтымақтастықсыз мүмкін емес.

«Климаттық өзгерістерді ескермей жаһандық қауіпсіздікті қамтамасыз ету мүмкін емес. Бұл экологиялық емес, саяси және экономикалық шынайылық. Сіздердің ұрпақтарыңыз осы әлемнің қандай болатынын және оны сақтап қалуға үлгеретінімізді анықтайтын шешімдерді қабылдайтын болады», – деді Пере Жоан Понс.

ЕҚЫҰ Парламенттік ассамблеясының басшысы Қазақстанның жүйелі экологиялық реформаларға және халықаралық диалогты дамытуға ұмтылысын көрсететінін мәлімдеді. Сондай-ақ осы аптада Пере Жоан Понсты Ақордада Мемлекет басшысы Қасым-Жомарт Тоқаев қабылдады.

The post ЕҚЫҰ Парламенттік ассамблеясының басшысы MNU-да сөз сөйледі appeared first on MNU.

Іс-шара Мемлекет басшысының қатысуымен өтті. Қасым-Жомарт Тоқаев «Таза Қазақстан» қозғалысы екі жыл бұрын басталғанын атап өтті. Ол акцияға атсалысқан отандастарымызға, әсіресе, жастарға ризашылығын білдірді. Президент сондай-ақ экологиялық мәдениетті қалыптастыру ісінде білім жүйесіне баса мән беруді маңызды мәселе ретінде атады.

Айта кетейік, өткен аптада MNU студенттері Есіл өзенінің жағалауында сенбілік өткізді. Сонымен қатар 2025 жылы «Таза Қазақстан» акциясы аясында университет аумағында Фемида саябағы бой көтерді.

The post «Таза Қазақстан»: MNU студенттері елорданы абаттандыруға қатысты appeared first on MNU.

Жыл сайынғы іс-шара бір алаңда жүзден астам компанияның өкілдерін біріктірді. Олардың қатарында мемлекеттік органдар, квазимемлекеттік кәсіпорындар, халықаралық заң фирмалары, «Үлкен төрттік» компаниялары, сондай-ақ құқық, бизнес, туризм және медиа салалары бар. Жәрмеңке екі күн бойы өтті.

«Біз сұранысқа ие кадрларды сапалы даярлаудың маңыздылығын түсінеміз. Біздің түлектерді жұмысқа орналастырудың орташа пайызы шамамен 93 пайызды құрайды және MNU осы көрсеткіш бойынша отандық университеттер арасында көшбасшылар қатарында. Бізде тұрақты негізде диплом алғаннан кейін түлектердің мүмкіндіктерін арттыру үшін көптеген компаниялармен өзара іс-қимыл жасайтын Мансап, практика және жұмысқа орналастыру орталықтары жұмыс істейді. Осы ретте университет жанындағы Бизнес кеңестерге де маңызды рөл берілген, онда біздің серіктестеріміз бен жұмыс берушілер еңбек нарығына қажетті мамандарды сапалы даярлау бойынша өз ұсыныстарын береді», – деді MNU Провосты Анар Ибраева.

Іс-шараға қатысушылар бос жұмыс орындар туралы айтып қана қоймай, кәсіби дағдыларды дамыту және таңдалған салада табысты мансап құру бойынша құнды кеңестерімен бөлісті. Сондай-ақ студенттер үшін шеберлік сыныптар, воркшоптар және сарапшылардың дәрістері ұйымдастырылды. Іс-шара көптеген студенттер мен түлектер арасында үлкен қызығушылық тудырды.

«Мен KPMG аудиторлық және консалтингтік фирмалардың халықаралық желісінің олимпиадасына қатысып, тағылымдамадан өтудің басым құқығына ие болдым. Бос жұмыс орындар жәрмеңкесінде «Үлкен төрттік» компаниялары мен банк саласының ұсыныстарын қарастырдым. Мұнда көптеген студенттер жазғы тағылымдамадан өтуге және толыққанды жұмысқа орналасуға мүмкіндік алады. Менің ойымша, бұл студенттер үшін өте пайдалы және университет берген үлкен мүмкіндік», – деді MNU студенті Юлия Зарапина.

Айта кетейік, «Атамекен» ҚР Ұлттық кәсіпкерлер палатасы жоғары оқу орындарының білім беру бағдарламаларының рейтингісіне сәйкес, MNU республикада «Құқықтану», «Халықаралық құқық», «Менеджмент саласындағы бизнес әкімшілендіру», «Психология» және «Қолданбалы лингвистика» мамандықтары бойынша үздік кадрлар даярлайды. Бұдан басқа университеттің тағы жеті білім беру бағдарламасы аталған рейтингте көшбасшы орынға ие.

The post MNU-да бос жұмыс орындар жәрмеңкесі өтті appeared first on MNU.

Уағдаластыққа Индонезияның Қазақстандағы Төтенше және Өкілетті Елшісі Мохамад Фаджрул Рахман мен UIN Surabaya Әлеуметтік және саяси ғылымдар факультетінің өкілдерінің MNU-ға сапары барысында қол жеткізілді. Индонезиялық әріптестер жоғары оқу орнының қызметімен, оның білім беру бағдарламаларымен және ғылыми әлеуетімен танысты. MNU провосты Анар Ибраева бүгінде университетте Индонезиядан келген студенттер білім алатынын атап өтті.

«Біз Индонезияны халықаралық ынтымақтастықтың басым бағыттарының бірі ретінде қарастырамыз. Шетелдік талапкерлер білім беру гранттарының арнайы конкурсына қатыса алады. Осыған байланысты біз Индонезияның талантты студенттерін бұл мүмкіндікті пайдалануға шақырамыз», – деді Анар Ибраева.

Сунан Ампель Сурабая мемлекеттік ислам университеті Индонезияның үздік бес жоғары оқу орнының қатарына кіреді. Университетте 77 білім беру бағдарламасы іске асырылуда және 20 мыңнан астам студент білім алуда. Жоғары оқу орны биыл өзінің 65 жылдығын атап өтуде.

Айта кетейік, бұған дейін MNU АҚШ-тың беделді жоғары оқу орындарының бірі – Джордж Мейсон университетімен меморандум жасасқан болатын.

The post MNU Индонезияның жетекші университеттерінің бірімен келісім жасасты appeared first on MNU.

Ыстамбұл қаласындағы Сервантес институтының директоры Орталық Азия елдеріндегі ұйым қызметінің географиясын кеңейту жоспарлары туралы да айтып берді. Айта кетейік, институт әлемнің 90-нан астам елінде ұсынылған және испан тілін шет тілі ретінде оқыту мен испан және латын америкасы мәдениетін тарату саласындағы жетекші ұйым.

The post MNU-да Испанияның жоғары оқу орындарымен бірлескен білім беру жобалары талқыланды appeared first on MNU.