MNU тағы бір мәрте жоғары білім беру жүйесі өкілдерінің және сапаны қамтамасыз ету саласындағы мамандардың кәсіби диалог алаңына айналды. Еуразиялық форум Қазақстан, Әзербайжан, Қытай, Қырғызстан және Өзбекстаннан келген 200-ден астам сарапшыларың біріктірді. Іс-шара Білім сапасын қамтамасыздандыру жөніндегі тәуелсіз агенттігі (IQAA) және ҚР Ғылым және жоғары білім министрлігімен (ҒЖБМ) бірлесіп ұйымдастырылды.

Дискуссияның басты тақырыбы жасанды интеллект және жоғары білім беруді цифрландыру болды. Қатысушылар технологияның қарқынды дамуы білім беру процесін, бағалау тәсілдері мен академиялық қызметті қалай өзгертетінін, сондай-ақ цифрлық трансформация жағдайында сапаның жоғары стандарттарын сақтау үшін қандай шешімдер қажет екенін талқылады. ҒЖБМ Ғылым және жоғары білім саласындағы сапаны қамтамасыз ету комитетінің төрағасы Әділет Тойбаев отандық жоғары білім беру жүйесі бүгінде цифрлық технологияларды дамытуға және генеративті ЖИ-ді енгізуге байланысты ауқымды өзгерістерден өтіп жатқанын атап өтті.

«Генеративті жасанды интеллект пен іргелі академиялық құндылықтар арасындағы тепе-теңдікті іздеу жоғары білім үшін ерекше маңызға ие. Қазақстанда бүгінде жаһандық цифрлық процестерді ұстанып қана қоймай, академиялық еркіндік, әдеп пен жауапкершілікке негізделген әлемге ашық заманауи университеттің өзіндік үлгісін қалыптастыруға да мүмкіндігі бар», – деді Әділет Тойбаев.

Форумға қатысушылар цифрлық трансформация жоғары білім сапасына көзқарасты қайта қарауды талап ететінін атап өтті. MNU Провосты Анар Ибраева университеттің бірыңғай экожүйесін құрудағы жекелеген цифрлық сервистердің құндылығын атап өтті. Университет өз инфрақұрылымын дамытып, жаңа білім беру мүмкіндіктерін әзірлеп, цифрлық шешімдерді жүйелі түрде енгізуде.

«Біздің университет әрқашан академиялық сапаны арттыруға бағытталған процеске қатысады, өйткені бұл біздің басымдықтарымыздың бірі. Цифрландыру және жасанды интеллект жылы біз үшін жай ғана сын-қатер емес, күнделікті жұмыстың бір бөлігіне айналды. Бүгінде біз өзіміздің цифрлық өнімдерімізді дамытып жатырмыз, сондай-ақ жасанды интеллектті құқықпен, қаржымен, журналистикамен, бизнеспен және зерттеу қызметімен біріктіретін AI + X жаңа мамандығын іске қостық», – деді Анар Ибраева.

Айта кетейік, іс-шара жоғары білім берудегі сапаны қамтамасыз етуге цифрландыру мен жасанды интеллекттің ықпалы жағдайында шешімдер әзірлеудің маңыздылығын айқындады.

The post MNU-да университеттердің басшылары жоғары білім берудегі цифрлық трансформациялау мәселелерін талқылады appeared first on MNU.

Ольга Бектібаева Maqsut Narikbayev University-дің құқықтану бойынша бакалавриаты, магистратурасы және докторантурасын үздік бітірген. Құқық саласындағы философия (PhD) докторы. Ол университетте 2009 жылдан бері қызмет етеді.

Ольга Бектібаева еңбек жолын жоғары оқу орнының Құқықтық қамтамасыз ету бөлімінің жетекші маманы ретінде бастады. Одан әрі Бөлімнің бас маманы қызметін атқарды, Коммерциялық жобаларды құқықтық қамтамасыз ету бөлімін басқарды, Қылмыстық-процестік зерттеулер және сыбайлас жемқорлыққа қарсы іс-қимыл ғылыми-зерттеу институтының ғылыми қызметкері, бас ғылыми қызметкері болды. Сонымен қатар Құқық жоғары мектебі Қылмыстық іс жүргізу құқығы және криминалистика кафедрасының меңгерушісі, Құқық жоғары мектебі деканының орынбасары, ал 2019 жылғы 30 желтоқсаннан бастап Құқық жоғары мектебінің деканы қызметін атқарды.

Ольга Бектібаева қазақ, орыс, ағылшын және француз тілдерін меңгерген. Құқық және заңнама саласындағы 30-дан астам ғылыми жарияланымның авторы, ҚР Парламенті жанындағы заң жобалары бойынша бірнеше жұмыс тобының мүшесі. Сондай-ақ «Қазақстан Республикасының ғылымын дамытуға сіңірген еңбегі үшін» ведомстволық төсбелгінің иегері.

Maqsut Narikbayev University Ольга Сергеевнаны тағайындалуымен құттықтайды және қызметіне табыс тілейді!

The post Ольга Бектібаева MNU Басқарма төрағасының орынбасары болып тағайындалды appeared first on MNU.

Эстер Бабаджанян Л.Н. Гумилев атындағы Еуразия ұлттық университетінің түлегі. Азаматтық, шарттық және мұрагерлік құқық саласында 18 жылдан астам тәжірибесі бар. Ол нормативтік құқықтық актілердің сыбайлас жемқорлыққа қарсы сараптамасы бойынша сарапшысы және ҚР Парламенті жанындағы заң жобалары бойынша жұмыс топтарының мүшесі.

Эстер Бабаджанян кәсіби жолын 2005 жылы жеке меншік ұйымда заңгер болып бастаған. 2013 жылы ол MNU командасына Құқық жоғары мектебінің жеке құқық пәндерінің аға оқытушысы ретінде қосылды. 2019 жылдан бастап Teaching Professor, сондай-ақ «Құқықтану» білім беру бағдарламасының және университет жанындағы Заң клиникасының жетекшісі болып қызмет атқарды.

Эстер Бабаджанян мәмілелер теориясы, бір жақты ерік білдіру және азаматтық айналым мәселелері бойынша ғылыми жарияланымдардың авторы. 10 жылдан астам уақыт бойы нотариустардың біліктілігін арттыруға қатысады, сондай-ақ шарттық құқық, соттық қорғау, мұрагерлік даулар және судьялыққа кандидаттарды даярлау бойынша тренингтер өткізеді. Ол ҚР Президентінің Құрмет грамотасымен және «ҚР Конституциясына 25 жыл», «ҚР Парламентіне 30 жыл» мерейтойлық медальдарымен марапатталған.

Maqsut Narikbayev University Эстер Левоновнаны тағайындалуымен құттықтайды және қызметіне табыс тілейді!

The post Эстер Бабаджанян MNU Құқық жоғары мектебі деканының міндетін атқарушы болып тағайындалды appeared first on MNU.

Ынтымақтастықтың перспективалық бағыттары МNU басшылығының Инчхон ұлттық университетіне сапары барысында талқыланды. MNU Басқарма төрағасы Талғат Нәрікбаев INU Президенті Ли Ин Джэмен кездесу өткізді. Тараптар академиялық ұтқырлық бағдарламаларын дамыту және лингвистика, бизнес, жасанды интеллект салаларындағы қос дипломды бағдарламаларды іске қосу жоспарларын талқылады.

Сапар барысында Талғат Нәрікбаев кореялық университеттің инфрақұрылымымен және шетелдік студенттер үшін тұру мен білім алу жағдайымен егжей-тегжейлі танысты. Ол сондай-ақ Инчхон ұлттық университетінде академиялық ұтқырлық бағдарламасы бойынша білім алып жатқан MNU студенті Еркежан Назарбековамен әңгімелесті. Айта кетейік, жоғары оқу орындары арасындағы ынтымақтастықтың негізін өткен жылы қол қойылған меморандум қалаған болатын.

INU Инчхон қаласында орналасқан және Корея Республикасының жетекші жоғары оқу орындарының ТОП-50 рейтингіне кіреді. Университет экономика, халықаралық сауда, IT және жаратылыстану ғылымдары салаларында кадрлар даярлау бойынша жоғары орындарға ие бола отырып, 100-ден астам білім беру бағдарламасын жүзеге асырады. INU-да 50-ден астам елден 17 мыңға жуық студент оқиды.

Бұған дейін MNU Сеул ұлттық университеті Құқық мектебі және Сеул киберуниверситетімен келісімдер жасасқан болатын.

The post MNU Кореяның жетекші университеттерімен серіктестікті кеңейтеді appeared first on MNU.

Келісім Сеул қаласында MNU басшылығының SNU Құқық мектебінің басшылығымен кездесуі барысында жасалды. Тараптар екіжақты ынтымақтастықтың қазіргі жағдайын талқылап, академиялық алмасу бағдарламасы мен өзара тиімді серіктестікті одан әрі дамыту ниетін растады. Құжатқа MNU Басқарма төрағасы Талғат Нәрікбаев пен SNU Құқық мектебінің деканы Хёк Джун Ро қол қойды.

Екі жоғары оқу орнының ынтымақтастығы 2002 жылдан басталады. Сеул ұлттық университеті Құқық мектебі Корея Республикасының білім беру элитасына кіреді және заңгерлік бағдарламаларының әлемдік рейтингтерінде тұрақты түрде көшбасшы орынға ие. Мектеп 80 жыл ішінде 20 мыңнан астам маман дайындады.

Айта кетейік, бұған дейін MNU Сеул киберуниверситетімен бірлескен қос диплом бағдарламасын іске қосу туралы келісті.

The post MNU Кореяның ең беделді заң мектебімен келісім жасасты appeared first on MNU.

Келісімге Қазақстан Президенті Қасым-Жомарт Тоқаевтың Корея Республикасына мемлекеттік сапары аясында өткен Қазақ-корей дөңгелек үстелі алаңында қол жеткізілді. Құжатқа MNU Басқарма төрағасы Талғат Нәрікбаев пен Сеул киберуниверситетінің Президенті Ли Ын Джу қол қойды. Рәсім ҚР Ғылым және жоғары білім министрі Саясат Нұрбектің қатысуымен өтті.

Келісім «Artificial Intelligence and Frontier Systems: AI + X» білім беру бағдарламасының студенттеріне корей жоғары оқу орнының дипломын алуға да мүмкіндік береді. Бағдарлама екі университеттің білім беру және академиялық ресурстарына қолжетімділікті, халықаралық кәсіби байланыстарды кеңейтуді, сондай-ақ ЖИ және озық жүйелер саласындағы құзыреттерді дамытуды қамтиды. Бастама Цифрландыру және жасанды интеллект жылы аясында жүзеге асырылды.

Бұған дейін жоғары оқу орындары арасында ынтымақтастықтың негізін қалаған өзара түсіністік туралы меморандумға қол қойылған болатын. Стратегиялық әріптестікті дамыту мәселелері МNU басшылығының Сеул киберуниверситетіне сапары барысында да талқыланды. Басқарма төрағасы Талғат Нәрікбаев пен Басқарма төрағасының ғылым, инновациялар және жасанды интеллект жөніндегі орынбасары Сергей Пен SCU Президенті Ли Ын Джу және SCU Басқарма төрағасы Ли Сан Гюнмен кездесу өткізіп, жоғары оқу орнының қызметі мен жетістіктерімен танысты.

Сеул киберуниверситеті 2000 жылы құрылған болатын. Жоғары оқу орны 20-дан астам бағдарламаны жүзеге асырады және Корея Республикасының цифрлық білім беру саласында көшбасшы болып саналады. SCU-да 40 елден 15 мыңнан астам студент оқиды.

Айта кетейік, өткен аптада MNU-да AI + X жаңа білім беру бағдарламасының салтанатты ашылуы өтті.

The post MNU мен Сеул киберуниверситеті қос диплом бағдарламасын іске қосты appeared first on MNU.

Іс-шараға Астана қаласының он жоғары оқу орнының студенттері, тарихшылар мен оқытушылар, Жошы Ұлысын зерделеу ғылыми институтының қызметкерлері, сондай-ақ БАҚ өкілдері қатысты. Тұсаукесер барысында Мари Фаверо өз зерттеуінің нәтижелерін таныстырып, Жошы Ұлысы тарихына заманауи көзқарасымен бөлісті. Таныстырылым Францияның Қазақстандағы Елшілігімен бірлесіп ұйымдастырылды.

Кітапта Алтын Орданың тарихы орта ғасырлық Еуразияның кең контексінде қарастырылады. Автор Жошы Ұлысының сауда, дипломатия және халықаралық байланыстарды дамытуға ықпалын көрсете отырып, сол кездегі дала империялары мен саяси және экономикалық орталықтар арасындағы өзара қарым-қатынастарға назар аударады. Іс-шараға қатысушылар Алтын Орданың саяси және экономикалық құрылымын, оның Еуразия аймақтары арасындағы сауда жолдары мен дипломатиялық байланыстарды дамытудағы рөлін, сондай-ақ көшпелі өркениеттердің тарихи мұрасын талқылады.

«MNU-ға осы кездесуді білім мен идеялар алмасуға арналған кеңістікте өткізу мүмкіндігі үшін алғыс айтамын. Бұл кітап Франция мен халықаралық академиялық қоғамдастықта кеңінен танылды. Оның қазақ тіліне аударылуы Алтын Орда тарихының оқырмандарға қолжетімді болуы және дала өркениеттерінің тарихи мұрасы туралы одан әрі диалогқа ықпал етуі үшін маңызды қадам», – деді Францияның Қазақстандағы Төтенше және Өкілетті Елшісі Сильван Гиоге.

Айта кетейік, Мари Фаверо Моңғол империясының тарихы бойынша маманданған. Бірқатар елдерде материалдарды зерделеуді және түрлі мамандардан ақпарат жинауды қамтыған кітапты жазу жұмысы жиырма жыл бойы жүргізілді. Кітап алғаш рет бес жыл бұрын жарық көрді, ал биыл қазақ тіліне аударылды.

Таныстырылым соңында сұрақтар мен жауаптар сессиясы өтіп, қатысушылар Алтын Орда тарихының жекелеген аспектілерін автормен талқылап, оның қолтаңбасын алды.

The post Алтын Орда: MNU-да француз тарихшысының кітабы таныстырылды appeared first on MNU.

1873 жылы Брюссельде құрылған Халықаралық құқық қауымдастығы жария және жеке халықаралық құқықты зерделеумен, түсіндірумен және дамытумен, сондай-ақ халықаралық өзара түсіністік пен халықаралық құқықты құрметтеуге жәрдемдесумен айналысатын орган. ILA мүшелері жеке практика, академиялық орта, үкімет, сот жүйесінде жұмыс істейтін заңгерлер және коммерциялық, өнеркәсіптік, қаржы салаларының сарапшылары ретінде танымал. Қауымдастық БҰҰ, Халықаралық теңіз ұйымы, ЮНЕСКО жанынан консультативтік мәртебеге ие және әлем бойынша оған 5000-нан астам адам кіреді.

Таныстырылым барысында ILA Атқарушы директоры Николас Мэй қазақстандық бөлімшенің қызметі ресми түрде басталғаны туралы мәлімдеді. Сондай-ақ бөлімшенің ашылуымен MNU Басқарма төрағасы Талғат Нәрікбаев құттықтады. Университет бөлімше хатшылығы орналасатын база ретінде белгіленді.

«Біз мұнда түрлі мектептер мен ұрпақ өкілдері, ғалымдар мен тәжірибешілер, судьялар мен мемлекеттік қызметкерлер, дипломаттар, оқытушылар мен жас зерттеушілердің кездесуін қалаймыз. Осы ретте мен қазақстандық бөлімшенің ерекше құндылығын көріп отырмын, өйткені ол елдегі сараптама мен халықаралық кәсіби қоғамдастықтың арасындағы байланыстырушы буынға айналуы мүмкін. Менің ойымша, біздің алдымызда неғұрлым ауқымды мақсат тұр. Ол Қазақстанды біртіндеп Орталық Азиядағы халықаралық-құқықтық сараптаманың көрнекті алаңдарының біріне айналдыру», – деді Талғат Нәрікбаев.

Университет басшысы халықаралық құқық дәстүрлі түрде MNU-дың академиялық өмірінде маңызды орын алатынын атап өтті. Биыл жоғары оқу орнының студенттері Филип Джессоп атындағы халықаралық құқық бойынша беделді конкурста Қазақстан тарихындағы ең жоғары нәтижеге қол жеткізді. Олар жалпыкомандалық есепте 12-ші орынды және 100-ден астам мемлекеттен 806 команда арасында жазбаша меморандум жазуда бірінші орынды иеленді.

Тұсаукесер барысында ILA қазақстандық бөлімшесінің президенті Мирас Дәуленов, тұңғыш отандық халықаралық құқық саласындағы заң ғылымдарының докторы, профессор Марат Сәрсембаев, сондай-ақ Конституциялық сот, Жоғарғы сот, Сыртқы істер министрлігі және Әділет министрлігінің өкілдері сөз сөйледі. Бұдан басқа, қазақстандық бөлімшенің миссиясы, мақсаты мен басымдықтары, қызметінің негізгі бағыттары мен ынтымақтастықтың перспективалары таныстырылды.

«Қазақстандық бөлімшенің ашылуы – халықаралық күн тәртібін қалыптастыруда біздің мемлекетіміздің пікірі ескерілетінінің символы. ILA көптеген халықаралық актілер мен конвенцияларды қалыптастыру үшін негізгі орган. Осыған байланысты қазақстандық бөлімшенің мүшелері түрлі мәселелер бойынша комитеттердің жұмысына қатыса алады. Бөлімшені ашу жолында 20 жылдан астам уақыт өтті және бұл кезеңде ірі халықаралық құқық мектебі құрылды. Осы ретте MNU-дың ерекше рөлін атап өткен жөн. Өйткені, университетте қалыптасқан халықаралық құқық ғылыми мектебі Қазақстанда бөлімшенің пайда болуы мен дамуына серпін берді», – деді Мирас Дәуленов.

Қазақстандық бөлімшенің іске қосылуын бұған дейін Венада өткен 82-ші екі жылдық конференция барысында ILA-ға мүше елдер бірауыздан қолдаған болатын. Бөлімшенің вице-президенттері болып MNU Құқық жоғары мектебінің Assistant Professor-ы Абай Абылайұлы, Л.Н. Гумилев атындағы ЕҰУ Халықаралық құқық кафедрасының меңгерушісі Роза Ақшалова және KIMEP University Құқық мектебінің Assistant Professor-ы Сергей Саяпин сайланды. Бөлімшенің хатшысы болып MNU Senior Lecturer-ы Саурық Әбірбек тағайындалды.

Айта кетейік, Қазақстан Халықаралық құқық қауымдастығының 69-шы мүшесі атанды.

The post MNU-да Халықаралық құқық қауымдастығының Орталық Азиядағы алғашқы бөлімшесі ашылды appeared first on MNU.

Бағдарламаның ашылуы ҚР Президентінің көмекшісі Қуанышбек Есекеев, MNU Басқарма төрағасы Талғат Нәрікбаев және ҚР Ғылым және жоғары білім министрі Саясат Нұрбектің қатысуымен өтті. Іс-шара қатысушыларына бағдарламаның мазмұны мен оқу процесін ұйымдастырудың тәсілдері таныстырылды. Сонымен қатар студенттермен кездесу ұйымдастырылды.

«Artificial Intelligence and Frontier Systems: AI + X» бакалавриат бағдарламасы зияткерлік жүйелер инженериясын зерделеу, бағдарламалау, деректерді талдау, машиналық және терең оқыту, сондай-ақ ЖИ жүйелерін жобалау және енгізуде іргелі білім мен практикалық дағдыларды қамтиды. Білім беру бағдарламасының ерекшелігі AI+X моделінде, онда студенттер ЖИ-дегі сараптамамен қатар бір бағытты таңдап (құқық, экономика, журналистика, лингвистика), таңдалған салада терең білім алады. Бағдарлама Сеул кибер университеті және отандық «Shai.pro» мен «Alpha.Tech.Edu» компанияларымен бірлесіп жүзеге асырылуда.

Іс-шара қатысушыларына сондай-ақ MNU-дың ЖИ жобалары көрсетілді. Университет қабылдау комиссиясының жұмысы үшін жеке CRM жүйесін әзірледі, студенттер мен оқытушыларға арналған университеттің күнделікті сервистері қамтылған MNU HUB мобильді қосымшасын іске қосты. Сонымен қатар ақылды бейнебақылау мен іс-шара барысында тілдерді аудару жүйелері және академиялық процесте көмек көрсететін ЖИ аватар атты жобалар қолға алынды. Бұдан басқа, жергілікті ЖИ міндеттері үшін суперкомпьютерлердің жұмысы және құқықты цифрландыру саласында «Legal Graph» жобасын жүзеге асыру барысы көрсетілді.

ҚР Ғылым және жоғары білім министрі Саясат Нұрбек жаңа білім беру бағдарламасының студенттерін құттықтап, MNU AI+X моделін дұрыс бағытта жүзеге асырған алғашқы университет болғанын атап өтті. Оқыту ағылшын тілінде жүргізіледі, ал студенттерге серіктес жоғары оқу орны – Сеул кибер университетінің екінші дипломын алу қолжетімді. Сондай-ақ білім беру процесінің сапасын арттыру үшін коворкинг аймақтар, заманауи жабдықтар және жайлы жиһаздармен жабдықталған оқу аудиториялары жаңартылды.

Айта кетейік, AI + X бағдарламасының алғашқы студенттері болып 70-ке жуық адам атанды. MNU Қытай саяси ғылымдар және құқық университетімен бірлесіп AI Law магистратура мамандығын да іске қосты.

The post AI + X: MNU-да жасанды интеллект саласындағы жаңа білім беру бағдарламасының ашылуы өтті appeared first on MNU.

Келісімге Қарамай қаласында (ҚХР) Бейжің халықаралық төрелік орталығының Орталық Азия бөлімшесі қызметінің бір жылдығына арналған іс-шара аясында қол жеткізілді. Меморандумға MNU Провосты Анар Ибраева мен BIAC Төрағасы Го Вэй қол қойды. Құжат университетте «Халықаралық төрелік» бағыты бойынша қосымша мамандандыруды (minor) іске қосуды көздейді.

Практикалық оқыту бағдарламасын әзірлеумен BIAC тәжірибелі салалық сарапшылары айналысады. Бұл студенттерге заңгерлік ағылшын тілін меңгеру, заң құжаттарын жасау, халықаралық төрелік саласында келіссөздер жүргізу бойынша дағдыларын дамытуға көмектеседі. Сонымен қатар кәсіптік тағылымдамалар және студенттердің осы салада заң қызметін көрсетуге қатысуы көзделген.

Бұдан басқа, Анар Ибраева «Бір белдеу және бір жол» бастамасының серіктес елдері арасындағы құқықтық ынтымақтастықты нығайту және тәжірибе алмасу жөніндегі семинарға қатысты. Қазақстан, Қытай және Өзбекстан жоғары оқу орындарының өкілдері Орталық Азиядағы төрелік жүйелерін реформалау, сондай-ақ заң білімін дамыту және іскерлік ортаны оңтайландыру мәселелерін талқылады. Анар Ибраева MNU-дағы заң білімінің жасанды интеллект пен өзгермелі құқықтық ландшафтқа бейімделуі туралы айтып берді.

Айта кетейік, бұған дейін Бейжің тіл және мәдениет университеті және Қытай саяси ғылымдар және құқық университетімен бірлескен бағдарламалар ашу туралы меморандумдарға қол қойған болатын.

The post MNU мен Бейжің халықаралық төрелік орталығы ынтымақтастық туралы келісімге қол қойды appeared first on MNU.