Нашар көретіндерге арналған нұсқа 
Конференцияның мақсаты Қазақстандағы кәсіпкерлік дәстүрлердің қалыптасуын, саудагерлердің қызметі мен мәртебесін, сондай-ақ ел экономикасындағы, саясатындағы және мәдениетіндегі кәсіпкерлердің рөлін зерттеу болды. Қатысушылар кәсіпкерлердің әлеуметтік-мәдени өзін-өзі жүзеге асыру жолдары мен мағыналарын талқылады.
“Саудагерлік тақырып ғылыми тұрғыдан ғана емес, қазіргі заманғы күрделі мәселелер тұрғысынан да өзекті. Көпестік кәсіпкерлік экономикалық өзгерістердің қозғаушы күші және тарихи ақпарат пен мәдени алмасудың бірегей көзі болып табылады,” – деді қатысушыларға Maqsut Narikbayev University провосты Сергей Пен.
Конференцияның ашылуында модератор Л.К. Мұқатаева көпестердің өркениет таңында пайда болғанын, орта ғасырларда күшейгенін, ал қазіргі уақытта мемлекеттің қолдауымен қоғамдық өмірге айтарлықтай әсер еткенін атап өтті.
Конференция барысында қазіргі заманғы кәсіпкерлердің өзекті мәселелері талқыланды, олардың меценаттық және қайырымдылық арқылы мәдени және әлеуметтік салаларға қосқан үлесі қарастырылды, ұлттық деңгейде кәсіпкерліктің дамуына ықпал ететін факторлар талданды. Сондай-ақ, Ұлы Жібек жолын қоса алғанда, тарихи кезеңдерге талдау жүргізілді, кеңестік модернизациядағы саудагерлер мен кәсіпкерлердің рөлі, олардың экономикалық даму мен әлеуметтік тұрақтылыққа қосқан үлесі зерттелді.
Конференция Түркиядан (Стамбул қ.), Ресейден (Санкт-Петербург, Мәскеу, Екатеринбург, Қазан, Бугульма қ.), Канададан (Ванкувер), Қазақстанның түрлі қалаларынан (Алматы, Астана, Өскемен, Қостанай, Қарағанды, Семей, Петропавл қ.) жиналған зерттеушілер мен мамандардың кең ауқымын қамтып, нәтижелі пікір алмасу және ғылыми нәтижелермен бөлісетін алаңмен қамтамасыз етті .
Конференция ҚР Ғылым және жоғары білім министрлігінің ” XIX ғасырдың аяғы мен ХХ ғасырдың басындағы Қазақстандағы әлеуметтік – мәдени кеңістікті трансформациялаудағы саудагерлердің рөлі». Конференция қорытындысы бойынша қатысушылардың баяндама тезистерінің электрондық жинағы шығарылады. Барлық материалдар міндетті түрде қаралды.