Нашар көретіндерге арналған нұсқа 
Maqsut Narikbayev University студенттері экологиялық проблемаларды шешу және қоршаған ортаны қорғау бойынша өз идеяларын ұсынды. Университетте EcoMind кейс-чемпионаты өтті, онда Nazarbayev University студенттері де бақ сынасты. Эко Хакатон БҰҰ-ның орнықты даму мақсаттарын орындау аясында өтті.
Іс-шара студенттерді, сарапшылар мен әріптестерді экологиялық трансформация саласындағы практикалық шешімдерді іздеуге біріктірді. 11 команда түрлі жобаларды ұсынды, олардың арасында кәдеге жаратудың тұйық циклдерін құру мен университеттік ортада саналы түрде ресурстарды тұтыну мәдениетін енгізу бар. Жеңімпаздар Эко Хакатон серіктестерінің ақшалай сертификаттарымен марапатталды.
Айта кетейік, EcoMind шеңберінде қатысушылар үшін экология және орнықты даму саласындағы танымал сарапшылардың дәрістері өткізілді.
