Оқу ақысы туралы ақпарат

Оқу ақысы тиісті академиялық кезең (семестр) үшін жеке оқу жоспарында (ЖОЖ) айқындалған пәндер бойынша сіз таңдаған кредиттер санына бір кредит құнының туындысынан қалыптастырылады.

Сіз кредит санын өзіңіздің мектебіңіздің эдвайзерінен біле аласыз.

Бір академиялық кредиттің құны шартта көрсетілген, сондай-ақ мобильді қосымшадағы «Қаржы» → «Кредит құны» бөлімінде қолжетімді.

Оқу ақысы академиялық күнтізбеге (1 курс білім алушыларынан басқа) және білім беру қызметтерін көрсету шартының талаптарына сәйкес тіркеу басталғанға дейін 10 жұмыс күні бұрын толық мөлшерде жүзеге асырылуға тиіс.

Төлем тек тиісті академиялық кезеңге (семестрге) жүргізіледі. Екі немесе одан да көп академиялық кезең үшін, сондай-ақ бүкіл оқу мерзімі үшін ақы төлей алмайсыз.

• Мобильді қосымшадағы эквайринг жүйесі арқылы;
• Банктер бөлімшесінде және мобильді қосымша арқылы («Қазақстан Халық Банкі»);
• Каспи қосымшасында, төлемдер бөлімінде – Білім беру – ЖОО үшін төлем — «М.С. Нәрікбаев атындағы КАЗГЮУ Университеті» АҚ.

• талапкерлер өтінішті Қабылдау комиссиясына береді;
• 2-курс және одан жоғары курс білім алушылары өтінішті Smart MNU мобильді қосымшасы арқылы береді.

• Төлем кестесін мақұлдау үшін білім алушы немесе оның заңды өкілі бастапқы жарнаны төлеуі керек және университетте білім беру және басқа да қызмет түрлері бойынша қаржылық берешегі (қарыз) болмауы керек;
• Төлемдер кестесі өтініш берілген жағдайда 4 айға беріледі: күзгі семестрде 31 тамызға дейін, көктемгі семестрде 31 қаңтарды қоса алғанда. Бастапқы жарна сомасы семестрдегі жалпы қарыздың кемінде 25% болуы керек;
• Төлемдер кестесі күзгі семестрде 1 қыркүйектен 20 қыркүйекке дейін, көктемгі семестрде 1 ақпаннан 20 ақпанға дейін қоса алғанда өтініш берілген жағдайда 3 айға беріледі. Бастапқы жарна сомасы семестрдегі жалпы қарыздың кемінде 33% болуы керек;
• Күзгі семестрде 20 қыркүйектен кейін, көктемгі семестрде 20 ақпаннан кейін оқу үшін төлемдер кестесіне өтініш қабылданбайды.

4 айлық төлем кестесі үшін:

• күзгі семестр — 1 тамыздан 25 тамызға дейін;
• көктемгі семестр — 25 желтоқсаннан 20 қаңтарға дейін.

3 айлық төлем кестесі үшін:

• күзгі семестр — 26 тамыздан 20 қыркүйекке дейін;
• көктемгі семестр — 21 қаңтардан 1 ақпанға дейін.

Төлем кестесі өтініш беру күніне байланысты 3 немесе 4 ай мерзімге беріледі.

Кестеге сәйкес әр айдың 20 – сына дейін төлем жасау керек.

Университет ережелері бойынша төлемдерді кейінге қалдыру қарастырылмаған.

Жеке оқу жоспары бойынша немесе 30 академиялық кредит үшін төлем, оның ішінде төлем кестесін рәсімдеу кезінде енгізілетін бастапқы төлем тіркеуге дейін кемінде 10 жұмыс күнінен кешіктірілмей төленуі тиіс.

Жеке жоспар бойынша немесе отыз академиялық кредит үшін, оның ішінде төлем кестесін ресімдеу кезінде кемінде 25% бастапқы жарна үшін төлем кешіктірілмей енгізілуге тиіс:
— күзгі семестр-25 тамыз;
—көктемгі семестр-25 желтоқсан.

Білім алушыны демалыс кезеңінде бір білім беру бағдарламасынан екіншісіне ауыстыру кезінде білім беру бағдарламасы кредиттерінің құны бойынша 1 академиялық кредит үшін жаңа құн белгіленеді, оған білім алушы ауысу жылына бекітілген құн тізіліміне сәйкес ауыстырылады.