Нашар көретіндерге арналған нұсқа 
Maqsut Narikbayev University-де ауқымды Ашық есік күні өтті. 300-ге жуық талапкер мен олардың ата-аналары университеттің білім беру бағдарламаларымен және инфрақұрылымымен егжей-тегжейлі танысты.
Іс-шараға қатысушылар алдында MNU Қамқоршылық кеңесінің төрағасы Кристофер Кэмпбелл-Холт сөз сөйледі. Сондай-ақ MNU провосты Сергей Пен мектеп түлектеріне университеттің жетістіктері мен білім алудың артықшылықтары туралы айтып берді. Болашақ студенттер Жоғары мектептердің декандарынан кеңес алып, қабылдау талаптары туралы толығырақ білді.
Биыл MNU 30-дан астам бакалавриат, магистратура, докторантура, МВА, ЕМВА және DBA білім беру бағдарламаларын ұсынады. Бағдарламалар көптеген беделді халықаралық агенттіктермен аккредиттелген, олардың қатарында британдық QAA агенттігі де бар. Сонымен қатар АҚШ, Англия, Германия, Швейцария, Франция, Ресей, Өзбекстан, Оңтүстік Корея жоғары оқу орындарымен қос дипломдық бағдарламалар және 100-ден астам шетелдік университеттерді қамтитын академиялық ұтқырлық бағдарламасы жүзеге асуда.
Айта кетейік, бұған дейін MNU қабылдау комиссиясы өз жұмысын бастаған болатын.
