MNU Қамқоршылық кеңесінің төрағасы Британ империясы Орденінің офицері атағын иеленді

Maqsut Narikbayev University Қамқоршылық кеңесінің төрағасы Кристофер Кэмпбелл-Холт Британ империясы Орденінің офицері (ОВЕ) атанды. Бұл жоғары марапат 2025 жылғы 14 маусымда өткен Ұлыбритания Королінің туған күніне орай берілді.

Биыл Ұлыбритания алдындағы немесе халықаралық деңгейдегі айрықша еңбегі үшін 110 адам марапатталды. Олар британ сыртқы саясаты мен халықаралық дамуына қосқан үлесі, сондай-ақ еріктілік пен қайырымдылық қызметі үшін атап өтілді. Қазақстан Республикасының Ұлыбритания және Солтүстік Ирландия Құрама Корольдігіндегі Елшілігі Кристофер Кэмпбелл-Холттың көшбасшылығы мен стратегиялық көзқарасы АХҚО Сотының Еуразияда халықаралық дауларды шешу үлгісіне айналуында шешуші рөл атқарғанын атап өтті.

Айта кетейік, Кристофер Кэмпбелл-Холт АХҚО Сотының тіркеушісі және аппаратының басшысы қызметін атқарады. Ол Ұлыбритания, АҚШ, Таяу Шығыс пен Орталық Азия елдерінде 20 жылдан астам тәжірибесі бар халықаралық құқық пен қаржы саласында жоғары беделге ие сарапшы. 2025 жылдың 31 қаңтарында MNU Қамқоршылық кеңесінің төрағасы болып сайланды.

Maqsut Narikbayev University Кристофер Кэмпбелл-Холтты лайықты марапатымен құттықтап, алдағы қызметіне табыс тілейді!