Нашар көретіндерге арналған нұсқа 
Қазақстан Республикасы Конституциясының 30 жылдығына орай мемлекеттік наградаларға Maqsut Narikbayev University қызметкерлері ие болды. Тиісті жарлыққа Мемлекет басшысы қол қойды.
Астанадағы Тәуелсіздік сарайында «Конституция және мемлекеттілік: құқық пен болашақ диалогы» атты ғылыми-практикалық конференция барысында Қазақстан Президенті Қасым-Жомарт Тоқаев Emeritus Professor-лар Марат Қоғамов пен Үнзила Шапақты«Парасат» орденімен марапаттады. Сондай-ақ Мемлекет басшысының қолынан «Құрмет» орденін Emeritus Professor Сара Ыдрышева және Associate Professor Индира Әубәкірова алды. Бұдан басқа, Қасым-Жомарт Тоқаев Emeritus Professor Клара Кимге«Ерен еңбегі үшін» медалін тапсырды. Профессорлар тобы елдің әлеуметтік-экономикалық дамуына, заңдылық пен тәртіпті нығайтуға қосқан елеулі үлесі үшін жоғары наградалармен марапатталды.
MNU қабырғасында өткен конференцияның сессияларының бірінде «Қазақстан Республикасының Конституциясына 30 жыл» мерекелік медалімен салтанатты марапаттау рәсімі өтті. Медальдарға басқарма төрағасы Талғат Нәрікбаев, Emeritus Professor-лар Рамазан Нұртаев пен Жаннетта Калишева, Associate Professor-лар Нұржан Ешниязов, Мүслім Хасенов және Роман Мельник, Teaching Professor Әлия Оразбаева және Assistant Professor Алмас Жұмағали ие болды. Президент атынан наградаларды ҚР Конституциялық Сот төрағасының орынбасары Бақыт Нұрмұханов тапсырды. Айта кетейік, бұл медальмен Конституция үстемдігін қамтамасыз етуге, ел тәуелсіздігін нығайтуға, қоғамда келісім мен тұрақтылықты сақтауға, азаматтардың конституциялық құқығын және еркіндігін қорғауға, конституционализм идеяларын, сондай-ақ қағидаттарын қалыптастыруға әрі дамытуға ерекше үлес қосқан тұлғалар наградталады.
Maqsut Narikbayev University мемлекеттік награда иегерлерін құттықтайды және табыс тілейді!
