MNU Bridge Hub: орта және жоғары білім беру сарапшылары жасанды интеллект интеграциясын талқылады

Maqsut Narikbayev University-де MNU Bridge Hub сараптамалық алаңы іске қосылды. Мемлекеттік және жекеменшік орта мектеп директорлары, педагогтар, сарапшылар мен университет профессорлары мектептердің білім беру процесіне жасанды интеллект интеграциясын және дербес деректерді қорғауды талқылады.

MNU Bridge Hub мектептер мен университеттер арасындағы тұрақты және ашық диалогты қалыптастырудағы маңызды қадам болды. Іс-шара аясында қатысушылар цифрлық технологияларды енгізу, дербес деректердің қауіпсіздігі, дағдарысқа қарсы коммуникациялардың заманауи модельдері және білім беру бағдарламаларының сабақтастығы туралы пікір алмасты. Жеке блок оқу процесінде ЖИ-ді қолданудың практикалық құралдарына арналды.

«Мемлекет басшысы оқу процесіне жасанды интеллект енгізуді тапсырды. Бірақ табысты интеграция үшін мектептер мен университеттердің бірыңғай стратегиясы мен тығыз жұмысы талап етіледі. Бағдарламалар мен құзыреттерді бірлесіп қалыптастыру ғана нақты нәтиже береді. Бүгінде Maqsut Narikbayev University білім беру деңгейлерін біріктіретін және ЖИ-ді жүйелі түрде енгізуге мүмкіндік беретін көпір құрды», – деді ҚР Парламенті Мәжілісінің депутаты, MNU Senior Lecturer-ы Асхат Аймағамбетов.

Қатысушылар мектеп пен отбасының өзара іс-қимылы мәселелеріне ерекше назар аударды. Сессиялардың бірінде ата-аналармен қарым-қатынаста жиі кездесетін проблемалар қаралды. Олардың арасында буллинг, мектеп қызметкерлеріне қатысты агрессия, қауіпсіздіке шамадан тыс көңіл бөлу, сондай-ақ ата-аналардың бала үшін шешім қабылдауға ұмтылысы. Бұл мәселелер белсенді талқылау тудырып, салауатты білім беру ортасын қалыптастыруда жаңа тәсілдер қажеттігіне назар аударды.

«MNU жоғары және бітіруші курс студенттерінің бағдарламаларына жасанды интеллектті пайдалануды белсенді түрде қосуда. Біз студенттердің технологияны үйреніп қана қоймай, оларды зерттеулерде, тәжірибелік істерде және жобаларда қолданатын орта құрудамыз. Бұл болашақ мамандар үшін шешуші болып табылатын құзыреттерді қалыптастырады», – деді MNU Провосты Анар Ибраева.

Айта кетейік, MNU Bridge Hub алаңы мектептер мен университет арасындағы тығыз ынтымақтастықтың бастамасы болды. Бастама білім беру практикасын жаңартуға және Қазақстанның орта білім беру жүйесін цифрлық трансформациялау бойынша шараларды қолдауға ықпал етті. Іс-iара барысында осындай формат жыл сайынғы негізде өткізілетіні атап өтілді.