Нашар көретіндерге арналған нұсқа 
Maqsut Narikbayev University-де Астана қаласы әкімінің баспасөз хатшысы Ақмарал Олжабаеваның қонақ дәрісі өтті. Ол студенттерге тиімді контент дайындау мен тарату формуласы туралы айтып берді.
Медиа саласындағы 10 жылдан астам тәжірибесі бар маман әлеуметтік желілерге арналған контент түрлерін егжей-тегжейлі талдады. Ақмарал Олжабаева видеоның алғашқы секундтарында аудиторияның назарын аудара отырып, мықты тақырып таңдаудың маңыздылығын атап өтті. Сонымен қатар студенттермен бірге психологиялық контентпен байланысты кейс талқыланды.
Айта кетейік Ақмарал Олжабаева республикалық телеарналарда тілші болып жұмыс істеген және «BNews.kz» ақпараттық агенттігінің бас редакторы болған. 6,5 жылдан астам уақыт елорда әкімдігінің баспасөз қызметін басқарып келеді. Бұдан басқа, «Ерен еңбегі үшін» мемлекеттік наградасы мен «Ақпарат саласының үздігі» ведомстволық наградасының иегері.
