Эстер Бабаджанян MNU Құқық жоғары мектебі деканының міндетін атқарушы болып тағайындалды

Эстер Бабаджанян Maqsut Narikbayev University (MNU) Құқық жоғары мектебін басқарды. Ол деканның міндетін атқарушы болып тағайындалды.

Эстер Бабаджанян Л.Н. Гумилев атындағы Еуразия ұлттық университетінің түлегі. Азаматтық, шарттық және мұрагерлік құқық саласында 18 жылдан астам тәжірибесі бар. Ол нормативтік құқықтық актілердің сыбайлас жемқорлыққа қарсы сараптамасы бойынша сарапшысы және ҚР Парламенті жанындағы заң жобалары бойынша жұмыс топтарының мүшесі.

Эстер Бабаджанян кәсіби жолын 2005 жылы жеке меншік ұйымда заңгер болып бастаған. 2013 жылы ол MNU командасына Құқық жоғары мектебінің жеке құқық пәндерінің аға оқытушысы ретінде қосылды. 2019 жылдан бастап Teaching Professor, сондай-ақ «Құқықтану» білім беру бағдарламасының және университет жанындағы Заң клиникасының жетекшісі болып қызмет атқарды.

Эстер Бабаджанян мәмілелер теориясы, бір жақты ерік білдіру және азаматтық айналым мәселелері бойынша ғылыми жарияланымдардың авторы. 10 жылдан астам уақыт бойы нотариустардың біліктілігін арттыруға қатысады, сондай-ақ шарттық құқық, соттық қорғау, мұрагерлік даулар және судьялыққа кандидаттарды даярлау бойынша тренингтер өткізеді. Ол ҚР Президентінің Құрмет грамотасымен және «ҚР Конституциясына 25 жыл», «ҚР Парламентіне 30 жыл» мерейтойлық медальдарымен марапатталған.

Maqsut Narikbayev University Эстер Левоновнаны тағайындалуымен құттықтайды және қызметіне табыс тілейді!