Инклюзия

Университетте әлеуметтік осал санаттағы студенттерге әлеуметтік қорғау жөніндегі менеджер, психологиялық көмек қызметі және басқа да кеңес беру мен ақпараттық қолдау көрсететін бөлімшелер арқылы көмек көрсетіледі. Әлеуметтік қорғау жөніндегі менеджерге жүгіну жолдары:

1. Корпоративтік электронды пошта арқылы;

2. Жеке түрде — 0 қабат (песочница), DSA кабинеті. Психологқа жазылу Instagram-да көрсетілген сілтеме арқылы жүзеге асырылады.

Әлеуметтік қорғау жөніндегі менеджердің консультациялары мен сүйемелдеуі төмендегі санаттағы студенттерге ұсынылады:

• мүмкіндігі шектеулі жандар;

• көпбалалы отбасынан шыққан студенттер;

• толық емес отбасынан шыққан студенттер;

• жетімдер;

• жеңілдіктері бар немесе квота бойынша қабылданған студенттер.

Менеджер жұмысы аясында мынадай мәселелер бойынша ақпарат және қолдау көрсетіледі:

* студент үйіне және хостелге орналастыру;

* жол жүру жеңілдіктерін рәсімдеу;

* жеңілдіктер мен жеңілдетілген шарттар туралы ақпарат беру;

* қажет болған жағдайда студентті жеке кеңес алу үшін психологқа жолдау;

* студентті бейімделу, коммуникациялық дағдыларды дамыту, стресс-менеджмент және т.б. бағыттағы тренингке жазу;

* студенттік ұйымдарға, клубтарға және бастамаларға қатысу арқылы әлеуметтік интеграцияға жәрдемдесу. Психологиялық көмек туралы толық ақпарат мына сілтеме бойынша қолжетімді: https://mnu.kz/ru/psychological-support-service/

Мүмкіндігі шектеулі студенттер үшін университетте қолжетімділік жағдайлары қамтамасыз етілген:

1. қызметтік кіреберіс жағынан жабдықталған пандустар (1 қабат);

2. жедел көмек алу үшін күзет шақыру батырмасы;

3. инва-такси арқылы 0 қабаттағы паркинг арқылы кіру мүмкіндігі;

4. жайлы пайдалану үшін бейімделген, шақыру батырмалары бар дәретханалар;

5. оқу, дәріс және кеңсе бөлмелеріне кедергісіз кіру (табалдырықсыз есіктер);

6. лифт батырмаларында Брайль қарпінің болуы.