Айжан Шайназарова MNU басқарма төрағасының орынбасары болып тағайындалды

Айжан Шайназарова Maqsut Narikbayev University басқарма төрағасының орынбасары қызметіне кірісті. Ол университеттің даму Стратегиясының жүзеге асырылуы мен HR бағытына жетекшілік ететін болады.

Айжан Шайназарова кәсіби жолын 1993 жылы Жамбыл жеңіл және азық-түлік өнеркәсібі институтының Алматы филиалында аға лаборант қызметінен бастады. 1994-2001 жылдары Қазақ мемлекеттік басқару академиясы және Л.Н.Гумилев атындағы ЕҰУ-де сабақ берді. 2001-2025 жылдары ҚР Мәдениет және ақпарат министрлігі, ҚР Президенті Әкімшілігі және Астана қаласының әкімдігінде жауапты және басшылық лауазымдарды атқарды. MNU-ға ауысқанға дейін ҚР Президенті Әкімшілігінің Ішкі саясат бөлімінің меңгерушісі болған.

Айжан Шайназарова Санкт-Петербург мемлекеттік университетінің (1993), ҚР Президентінің жанындағы Мемлекеттік басқару академиясының (2019) түлегі, Duke University-де (АҚШ) тағылымдамадан өткен. Ол «Ерен еңбегі үшін» медалі мен «Құрмет» орденінің иегері.

Maqsut Narikbayev University Айжан Болатқызын тағайындалуымен құттықтайды және табыс тілейді!