MNU түлектері Салық кодексіндегі өзгерістерді талқылады

Maqsut Narikbayev University Түлектері клубының мүшелері жаңа Салық кодексінің ережелерін талқылады. Университетте GK and Partners заң фирмасының басқарушы серіктесі және Қазақстандық салық консультанттары қауымдастығының тең құрылтайшысы Ғабитжан Құдайбергенмен кездесу өтті.

Ғабитжан Құдайберген камералдық бақылау саласындағы енгізілімдер, қосылған құн салығы (ҚҚС) бойынша өзгерістер туралы егжей-тегжейлі айтып, сондай-ақ камералдық бақылау хабарламаларымен тиімді жұмыс істеу тетіктерін түсіндірді. Кездесу барысында салықтық тәуекелдерді азайтуға және салық органдарымен өзара іс-қимылдың сауатты стратегиясын құруға мүмкіндік беретін практикалық құралдар мен ұсынымдарға ерекше назар аударылды. Сарапшы салық төлеушінің адал ниеттілік қағидаты кеңейтілетінін және бұл өзгерістің құқық қолдану тәжірибесі мен салықтарды әкімшілендірудің тәсілдеріне айтарлықтай әсер ететінін атап өтті.

Айта кетейік, Қазақстан Республикасының жаңа Салық кодексі осы жылдың қаңтар айында күшіне енді.