Нашар көретіндерге арналған нұсқа 
Maqsut Narikbayev University (MNU) Провосты болып Анар Ибраева тағайындалды. Жаңа лауазымда ол университеттің академиялық процестеріне жауап береді.
Анар Ибраева MNU-да 2004 жылдан бастап қызмет атқарады. Ол аға зертханашы, аға оқытушы, доцент және Teaching Professor болды, ал 2019 жылы Жоғары гуманитарлық мектептің деканы ретінде тағайындалды. Сондай-ақ мектептің, университеттің лингвистикалық білім беру бағдарламаларының және серіктестік қатынастардың дамуына елеулі үлес қосты.
Анар Ибраева Ш.Уәлиханов атындағы Көкшетау мемлекеттік университеті (2003 ж.), Абылай хан атындағы Қазақ халықаралық қатынастар және әлем тілдері университеті (2008 ж.) және Лестер Университетінің (2018 ж.) түлегі. Филология ғылымдарының кандидаты, қолданбалы лингвистика және TESOL (Ұлыбритания) магистрі дәрежесіне ие. 2015 жылы ҚР Білім және ғылым министрлігінің республикалық байқауында «Жоғары оқу орнының үздік оқытушысы» атағын иеленді.
Айта кетейік, MNU-да басқару құрылымын трансформациялау барысында академиялық блоктан ғылым, инновация және жасанды интеллектті біріктіретін жаңа бағыт бөлінген. Ол үшін қосымша лауазым – басқарма төрағасының ғылым, инновациялар және жасанды интеллект жөніндегі орынбасары пайда болды. Бұл лауазымға Сергей Пен тағайындалды.
MNU Анар Бауыржанқызын жауапты лауазымға тағайындалуымен құттықтайды және қызметіне табыс тілейді!
