MNU-да түлектердің жыл сайынғы кездесуі өтті

Maqsut Narikbayev University-де түлектердің жыл сайынғы кездесуі – Alumni Impact Day өтті. Іс-шара форум және қоғамға қызмет үшін түлектерге арнайы наградалар табыстау форматында өтті.

Дәстүрлі кездесу жүзден астам түлекті біріктірді. Іс-шара ұрпақтар арасында кәсіби тәжірибе алмасу және диалог алаңына айналды. Түлектер университеттің жетістіктерімен танысып, ақпараттық технологиялар мен жасанды интеллектке бағытталған академиялық дамудың жаңа бағыты туралы ақпарат алды.

Alumni Impact Day барысында бірқатар түлектер өздерінің мансап жолдары туралы әңгімелеп, практикалық кеңестерімен бөлісіп, студенттік жылдарын еске алып, университеттегі оқудың олардың қалыптасуына қалай әсер еткенін атап өтті. Қатысушыларды MNU Басқарма төрағасы Талғат Нәрікбаев құттықтап, қолдау көрсеткені үшін алғыс айтып, олардың мемлекеттің дамуына қосқан үлесінің маңыздылығын атап өтті. Түлектерге әлеуметтік үлестерін, кәсіби ықпалын және түрлі бағыттардағы жетістіктерін көрсететін түрлі номинациялар бойынша арнайы наградалар табысталды.

«20 жыл бұрынғыдай таңқаларлық әсерлер. Маған осындай сабақтастық рухы ұнайды, өйткені, университетке бұрынғы студенттер келіп, өз тәжірибелерімен бөліседі. Студенттерге өз мақсаттарына жетуді және өз принциптерін өзгертпеуді тілеймін», – деді Алматы қалалық адвокаттар алқасының адвокаты, MNU түлегі Жанна Уразбахова.

Сонымен қатар іс-шараға қатысушылар университет түлегі Айнар Ілиясовты еске алу үшін стипендия тағайындау туралы мәлімдеді.