MNU-да тағы бір Диссертациялық кеңес құрылды

Maqsut Narikbayev University Халықаралық экономика мектебінде диссертациялық кеңес пайда болды. Кеңес ҚР Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті төрағасының бұйрығына сәйкес құрылды.

Диссертациялық кеңес докторанттардың диссертациялық жұмыстарын қорғауды жүргізетін және бейінді министрліктің комитетіне философия докторы (PhD) дәрежесін беру туралы өтініш білдіретін алқалы орган. «Экономика» мен «Бизнес және басқару» даярлау бағыты бойынша философия докторы (PhD) ғылыми дәрежесін алуға диссертация қорғау жөніндегі диссертациялық кеңестің жұмыс мерзімі үш жылды құрайды. Кеңес төрағасы Халықаралық экономика мектебінің деканы, PhD Сәуле Кемелбаева болды. Сондай-ақ кеңес құрамына Әлішер Алдашев (төраға орынбасары, PhD, Professor), Азат Айтуар (кеңес мүшесі, PhD, Associate Professor) және Бинұр Ермұқанова (ғылыми хатшы, PhD, Assistant Professor) кірді.

Айта кетейік, MNU экономика және құқық саласында докторантураның екі білім беру бағдарламасын жүзеге асырады.