Нашар көретіндерге арналған нұсқа 
Maqsut Narikbayev University-де БҰҰ Даму бағдарламасының (БҰҰДБ) Қазақстандағы кеңсесі ұйымдастырған журналистерге арналған тренинг өтті. Іс-шара климаттың өзгеруі, биологиялық әртүрліліктің жоғалуы, экологиялық тұрақтылық және журналистикадағы заманауи цифрлық құралдар мәселелеріне арналды.
Іс-шара барысында БҰҰДБ-ның Қазақстандағы Тұрақты өкілінің орынбасары Сухроб Ходжиматов және Maqsut Narikbayev University провосты Сергей Пен сөз сөйледі. Олар сектораралық диалогтың және климаттық күн тәртібін ілгерілетуге БАҚ-тың белсенді қатысуының маңыздылығын атап өтті. MNU-да тренинг өткізу университеттің орнықты дамуды қолдауға және өзекті жаһандық сын-қатерлер бойынша сараптамалық диалог алаңы болуға ұмтылысын көрсетеді.
Тренинг қазақстандық БАҚ өкілдері, БҰҰДБ сарапшылары мен MNU Халықаралық журналистика мектебі студенттерінің басын қосты. Медиадағы жасанды интеллект, фактчекинг құралдарын пайдалану секілді инновациялық тәсілдерге ерекше назар аударылды. Іс-шара соңында экологиялық тақырыпты қозғайтын журналистерге арналған конкурс жарияланды.
Айта кетейік, күні кеше MNU-да Қазақстандағы Испания Корольдігінің Елшілігі БҰҰ Елдік командасымен бірлесе ұйымдастырған әлемдегі дамуды қаржыландыру мәселелеріне арналған сараптамалық диалог өтті.
