Нашар көретіндерге арналған нұсқа 
Бақыт Сакишова, Әсел Қайырбаева, Даурия Түгелбаева және Альбина Күмісбаева сынды мүшелерінен тұратын ISE MNU командасы ACCA Қауымдастығы ұйымдастырған беделді жарыста бірінші орынды иеленді!
UIB университетімен бірлесіп, ҚР Ғылым және жоғары білім министрлігі мен KPMG қолдауымен өткізілген турнир университеттер мен компаниялар арасындағы ынтымақтастыққа тамаша алаң ұсына отырып, қаржы саласындағы талантты мамандарды дамытуға септігін тигізді.
“Future CFO” студенттерге Қазақстанның жетекші университеттерінің командаларымен бәсекеге түсе отырып, бухгалтерлік есеп және қаржы саласындағы білімдері мен дағдыларын көрсетуге бірегей мүмкіндік береді. 16 команданың ішінде біздің Girls Pearls MNU командасы финалда үздік 6 команда қатарына енді.
Қазылар алқасы біздің студенттердің дайындық деңгейі мен кәсібилігін жоғары бағалап, олардың терең білімін ерекше атап өтті. Сондай-ақ, жеңімпаздар KPMG Қазақстан компаниясында тағылымдамадан өту мүмкіндігіне ие болды!
ХЭМ Есеп және Қаржы бойынша BBA бағдарламалары ACCA-мен аккредиттелген, бұл біздің студенттер алатын білімнің жоғары сапасы мен олардың қаржы және есеп саласындағы мансап жолында табысты дайындығын көрсетеді.
Турнирді жоғары деңгейде ұйымдастырып, студенттерімізді жаңа жетістіктерге шабыттандырғаны үшін Орталық Азия, Армения және Моңғолия ACCA-ға шын жүректен алғыс айтамыз!
Біз студенттерімізді мақтан тұтамыз және бұл жеңіс олардың жарқын әрі табысты кәсіби жолының тек бастамасы деген сенімдеміз!