Нашар көретіндерге арналған нұсқа 
Maqsut Narikbayev University-де Қазақстандағы еңбек төрелігін реформалау мәселелеріне арналған дөңгелек үстел өтті. Іс-шараны MIND ғылыми-аналитикалық орталығы Қазақстан Республикасы Парламенті Сенатымен бірлесіп ұйымдастырды. Талқылауға MNU профессорлары, сенаторлар, кәсіподақ өкілдері және сарапшылар қатысты.
Еңбек төрелігі – ұжымдық еңбек дауларын реттеудің баламалы тәсілі. Сонымен қатар, төрелік жұмысшылар мен жұмыс берушілер арасындағы тиімді әлеуметтік диалогты қамтамасыз етуде маңызды рөл атқарады. Дөңгелек үстел еңбек саласындағы ұжымдық қатынастарды реттеу мәселелері бойынша өзгерістер мен толықтырулар енгізуге бағытталған заң жобасын талқылау аясында өтті.
«Парламент депутаттары мен MNU Еңбек құқығы ғылыми мектебінің профессорлары бірлесіп әзірлеген заң жобасы еңбек саласындағы әлеуметтік әділеттілік қағидатын жүзеге асыруға бағытталған. Бұл жерде ешкімді артта қалдырмау және салмақты шешімдер қабылдау үшін барлық әлеуметтік серіктестердің – мемлекеттің, кәсіподақтардың және жұмыс берушілер бірлестіктерінің күш-жігерін біріктіру маңызды», – деп атап өтті MNU провосты Сергей Пен.