EU Mini Model Game 2024

2024 жылғы 2 мамырда MNU мен Еуропалық Одақтың Қазақстандағы өкілдігі бірлесіп EU Mini Model Game 2024 атты симуляциялық ойынды өткізді.

Бұл іс-шара студенттерге ЕО институттарының жұмыс істеу принциптерін тәжірибе жүзінде түсінуге мүмкіндік берді. Ойынның басты тақырыбы ЕО құндылықтарын сақтай отырып, жаһандық сын-қатерлерге қарсы санкцияларды қабылдау процесі. Қатысушылар ЕО Кеңесінің шешім қабылдау үдерісін моделдеп, әртүрлі ЕО институттарының рөлдерін орындап, санкциялық шаралар мен олардың экономикалық әсерін талқылады.

Іс-шараға Еуропалық Одақтың Қазақстандағы өкілдігі атынан ҚР-дағы Еуропалық Одақтың Елшісі, мәртебелі Кестутис Янкаускас, саяси бөлімнің басшысы Мачей Адам Мадалиньский және баспасөз хатшысы Айдана Сариева қатысты.

Іс-шараның қорытындысында Талғат Нәрікбаев MNU мен ЕО өкілдігі арасындағы тұрақты қолдау мен тығыз әріптестікті атап өтіп, Елші Янкаускасты “Достық” орденімен марапаттады.