Euronews академиясы MNU студенттері үшін жаңа мүмкіндіктер ашады

Euronews академиясы “Цифрлық журналистика” және “ТВ-журналистика” білім беру бағдарламаларына өтінімдер қабылдауды ашты. Іріктеуге “Журналистика” және “Медиатехнология”  бағыттары бойынша бакалавриат және магистратура студенттері қатыса алады.

Курстық бағдарламалар медиа индустрияның заманауи тенденцияларын ескере отырып жасалған және Euronews сарапшыларының жетекшілігімен теориялық және практикалық дайындықты қамтиды.

Қойылатын талаптар

• – “Журналистика”, “Медиатехнология” немесе “Цифрлық медианы басқару” мамандықтары бойынша бакалавриат (2-курстан бастап) және магистратура студенттері.
• – Ең төменгі орташа балл 3,0 (немесе баламасы). Үміткерлер студенттің порталынан үлгерімнің ресми емес транскрипциясын немесе скриншотты ұсынуы керек.
• – Ағылшын тілін меңгерудің жоғары деңгейі (C2).
• – Академиялық жобалармен, жарияланымдармен немесе сыныптан тыс бастамаларға қатысумен расталған медиа және журналистика саласындағы терең білімге ие болу.
• – Кәсіби дамуға жоғары мотивация және халықаралық стандарттарға бағдарлану.

Өтінімдерді қабылдау Euronews академиясының ресми парақашасы арқылы жүзеге асады.

Өтініш беру мерзімі: 12-21 наурыз аралығы.

Естеріңізге сала кетейік, 2025 жылдың қаңтарында Maqsut Narikbayev University EURONEWS ASTANA ASTANA және Медиа дамыту қорымен ынтымақтастық туралы Меморандумға қол қойды.Келісім аясында университет студенттері халықаралық медиа қоғамдастықтың жетекші мамандарының жетекшілігімен тағылымдамаларға, мастер-кластарға және оқытуға қатысуға мүмкіндік алды.