Болашақ заңгерлерге экономикалық қылмыстарды тергеу негіздері туралы айтылды

Maqsut Narikbayev University-де ҚР Қаржылық мониторинг агенттігі төрағасының орынбасары Жеңіс Елемесов сөз сөйледі. Спикер болашақ заңгерлерге дәріс оқыды.

Жеңіс Елемесов студенттерге қаржылық қауіпсіздікті қамтамасыз ету және экономикалық қылмыстарды тергеу негіздері туралы айтып берді. Сондай-ақ ол крипто алаяқтықты ұйымдастыру схемасын ашумен байланысты кейстерді көрсетті. Дәріс «Құқықтану» мамандығының студенттеріне арналған minor (қосымша мамандандыру) аясында өтті.

Айта кетейік, MNU ҚР Қаржылық мониторинг агенттігі үшін кадрлар даярлайтын базалық жоғары оқу орны. Сонымен қатар келесі семестрде «Қаржылық барлау және қаржылық қауіпсіздік» атты minor іске қосылады.