Нашар көретіндерге арналған нұсқа 
Maqsut Narikbayev University-де тұрғын үй құрылысына үлестік қатысу саласындағы заңнаманы дамыту мәселелері бойынша қазақ-неміс семинары өтті. Пікір алмасу Республикалық нотариаттық палатасы мен Германияның Федералдық нотариаттық палатасының ынтымақтастығы аясында өтті.
Семинар барысында Халықаралық нотариаттық ынтымақтастық жөніндегі комиссияның төрағасы Рихард Бок сөз сөйледі. Ол «Нотариустарды жылжымайтын мүлік құқығы саласындағы тұтынушылардың құқықтарын қорғау мәселелерімен таныстыру» тақырыбында баяндама жасады. Сонымен қатар, Германия Федералдық нотариаттық палатасының делегаты Кристиан Шаль құрылыс салушымен жасалатын шарттың экономикалық маңызы мен құқықтық құрылымы туралы айтып берді.
Пікірталас белсенді талқылау тудырып, екі тараптың ынтымақтастыққа және құқықтық базаны жақсартуға ұмтылысын көрсетті. Бұл тұтынушылардың құқықтарын қорғауды қамтамасыз етуге және жылжымайтын мүлікпен мәмілелер үшін неғұрлым ашық жағдайлар жасауға мүмкіндік береді. Республикалық нотариаттық палатаның төрағасы Әсел Жанәбілова осындай тәжірибе алмасудың маңыздылығын атап өтті.
Айта кетейік, бұған дейін MNU-да құжаттарды трансшекаралық тану бойынша қазақ-француз семинары өткен болатын.
