MNU Logo
ISJ Open Talks: Медиа саласының қыр-сыры - MNU

03.04.2025

ISJ Open Talks: Медиа саласының қыр-сыры

Халықаралық журналистика мектебі кәсіби өсуге ұмтылатын және заманауи медиатрендтердің ортасында болғысы келетіндер үшін жаңа мүмкіндіктер ашуда. ISJ Open Talks бастамасы аясында әлемдік медиа саласының жетекші мамандары бейресми Q&A-лекциялар сериясын өткізіп, болашақ журналистерге индустрияның ең үздік сарапшыларынан бірегей тәжірибе алу мүмкіндігін ұсынып отыр.

Рубриканың алғашқы қонағы — танымал журналист Серджио Кантоне. Ол журналистикаға қалай келгенін айтып, бұл мамандықты саяхатқа, тірі қарым-қатынасқа және әлемге деген шынайы қызығушылығына сүйене отырып таңдағанын бөлісті. Оның айтуынша, адамдармен сөйлесу, сұрақтар қою және шындықты іздеу әрдайым оның негізгі ұстанымы болған.

Серджио Кантоне — әлемдік жетекші БАҚ-та көп жылдық тәжірибесі бар халықаралық тілші және саяси шолушы. Қазіргі таңда Euronews арнасында репортер ретінде жұмыс істейді. Ол жаһандық саяси үдерістер, халықаралық қақтығыстар мен дипломатиялық қатынастар тақырыптарына терең бойлап, Еуропа, Таяу Шығыс және Солтүстік Африкадағы маңызды оқиғаларды кеңінен қамтыды. Оның репортаждары терең аналитикалық көзқарасымен және саяси көшбасшылармен жүргізген эксклюзивті сұхбаттарымен ерекшеленеді.

«Журналист үшін ең маңызды нәрселердің бірі — жаңаға ашық болу. Тіпті бұл қиын болса да, тырысу керек», — дейді Серджио Кантоне. Журналистикада тәжірибесі мол маман, әлемнің түрлі бұрыштарынан алған сабағынан, оқиғаларды баяндау кезінде этикалық мәселелерге де ерекше мән береді. Ол халықаралық қақтығыстарды көрсету кезінде адамдардың зардаптарын кадрға түсірудің әрдайым қажет еместігін айтады. Оның пікірінше, трагедия мен оның салдары туралы хабар беру үшін әрқилы тәсілдер бар, ал журналистиканың басты міндеті — шындықты айқындап, қоғамды саналы түрде ойлауға шақыру.

Серджио Кантоне өз мансабында Муаммар Каддафи және басқа да саяси қайраткерлермен сұхбаттасып, әлемдік деңгейдегі ықпалды тұлғалармен байланыс орнатты. Бұл тәжірибе ISJ Open Talks қатысушыларына шабыт беріп, олардың болашақтағы кәсіби жолында маңызды үлгі болды.

Еске сала кетейік, Халықаралық журналистика мектебінде медиаиндустрияның жетекші мамандары қатысқан үш күндік тренинг өтті. Бағдарламада «TV және Live Performance: тікелей эфирлер, кадрда жұмыс істеу және телевидениенің кәсіби стандарттары» тақырыптары қарастырылды. Оқу барысында студенттер камера алдында жұмыс істеу дағдыларын жетілдіріп, эфирде өзін қалай ұстауды үйреніп, сұхбат жүргізудің нәзік тұстарын меңгерді. Тренингтің үшінші күні камера алдында сұхбат жүргізу өнері мен қоғамдық сөйлеу техникасына арналды.

ISJ Open Talks — бұл студенттер мен жас журналистерге өз мамандығының артындағы әлемге үңіліп, әлемдік сарапшылардан құнды білім алу үшін бірегей мүмкіндік. Кездесулер сериясы жалғасуда, ал алда тағы да әлемдік медиа саласының жетекші мамандарымен қызықты әңгімелер мен маңызды сабақтар күтіп тұр.

Бөлісу

Басқа жаңалықтар

Барлық жаңалықтар
Барлық жаңалықтар
Нарикбаев Талгат Максутович
Председатель Правления АО «Университет КАЗГЮУ имени М.С. Нарикбаева»
Пішінді толтырыңыз

    Тілді таңдаңыз

    Мәртебесі

    Міндетті түрде

    Академиялық дәреже

    Міндетті түрде

    Азаматтық

    Міндетті түрде

    Аты

    Міндетті түрде

    Тегі

    Міндетті түрде

    Электронды пошта

    Міндетті түрде

    Ұялы телефон нөмірі

    Міндетті түрде


    Пішінді толтырыңыз

      Аты-жөні

      Міндетті түрде

      Электронды мекенжайы

      Міндетті түрде

      Телефон нөмірі

      Міндетті түрде

      Сізде ғылыми дәреже бар ма?

      Міндетті түрде

      Қызмет атауы

      Міндетті түрде

      Сіздің түйіндемеңіз