Нашар көретіндерге арналған нұсқа 
Бүгін 2019 жылғы 4 маусымда Мартин Лютер атындағы Галле-Виттенберг университетімен (Германия) серіктестікте М.С. Нәрікбаев атындағы КАЗГЮУ Университетінде неміс құқығы мектебінің ашылуы өтті.
Ашылу және шартқа қол қою рәсіміне Германияның ҚР-дағы Елшісі Тило Клиннер, Австрияның Қазақстандағы елшісі доктор Герхард Силлер, М. С. Нәрікбаев атындағы КАЗГЮУ Университетінің Ректоры Талғат Нәрікбаев, Мартин Лютер атындағы Галле-Виттенберг университетінің ректоры профессор Кристиан Титье, ҚР БҒМ Жоғары білім және жоғары оқу орнынан кейінгі оқыту департаменті директорының орынбасары Ержан Иргебаев қатысты.
Ашылу аясында “Халықаралық экономикалық құқық және процесс” (LLM internationales Wirtschaftsrecht und Wirtschaftsprozessrecht) Магистратурасының қос дипломды бағдарламасы таныстырылды, сондай-ақ Қазақстан Республикасының Білім және ғылым вице-министрі Жақыпова Фатима Надыровнаның бастамасымен құрылған, КАЗГЮУ Университеті базасында, заңгерлік білім беру жөніндегі жаңа Жобалық кеңсе таныстырылды.
Іс-шара барысында заң ғылымы мен білім беруді дамытудың, Қазақстанда заңгер-ғалымдардың жаңа буынын бірлескен ғылыми зерттеулер мен тәрбиелеуді жүргізудің тиімді моделі ретінде серіктес университеттердің заң мектептерінің халықаралық әріптестігінің нақты бағыттары, сондай-ақ заңгерлік білім беру бағдарламаларын іске асыратын жоғары оқу орындарындағы ішкі өзгерістерді ынталандыруға арналған жобалық кеңсенің міндеттері ұсынылды.