Нашар көретіндерге арналған нұсқа 
«Заң мен тәртіп» нарративі аясында Maqsut Narikbayev University-де Астана қаласы прокуратурасының Мемлекеттік айыптауды қолдау және апелляциялық сатыдағы істерге қатысу басқармасының басшысы Айжан Аймағанованың тренингі өтті. Танымал прокурор журналистердің сот процестерінен хабар тарату кезіндегі құқықтары, міндеттері мен жауапкершілігі туралы айтты.
Іс-шара барысында БАҚ қызметін нормативтік реттеу, жауапкершілік түрлері және жауапкершіліктен босату жағдайлары бойынша түсініктемелер берілді. Сондай-ақ қорқытып алу және жалған ақпарат таратумен айналысқан журналистер мен блогерлердің кейбір кейстері қаралды. Айжан Аймағанова журналистердің құқық қорғау органдарымен тиімді өзара іс-қимылы жөніндегі ұсыныстарымен бөлісті.
«Журналистің құқықтық сауаттылығы – қосымша дағды емес, бұл қауіпсіз және кәсіби жұмыстың іргетасы. Егер сізде білім болса, жұмыс барысында әрқашан мықты, сенімді және еркін боласыз. Мұндай тренингтер өткір немесе арандатушылық сұрақтарға дайындалуға, тыныштық пен сенімділікті сақтауға және әрбір сөзді қоғам үшін нақты, заңды және түсінікті болатындай етуге көмектеседі», – деді Айжан Аймағанова.
Айта кетейік, тренингке елуден астам студент пен журналист қатысты.
