Нашар көретіндерге арналған нұсқа 
LSEG/Refinitiv Қаржы және Деректер ғылымы зертханасы ресми түрде ашылғаны туралы қуана хабарлаймыз! Зертхананың ашылу салтанаты 16 қазанда өтті. Іс-шараға LSEG Academy өкілдері – Орталық және Шығыс Еуропа мен ТМД аймақтары бойынша клиенттермен жұмыс жөніндегі директор Эдже Сараджоглу, ТМД елдері бойынша клиенттермен жұмыс жөніндегі менеджер Ержан Сейілбек, және Қазақстан филиалының директоры Арман Қасымов қатысты.
MNU атынан іс-шараға Басқарма төрағасы Талғат Нәрікбаев, Провост Сергей Пен, Халықаралық экономика мектебінің деканы Сауле Кемелбаева, Қаржы бағдарламаларының үйлестірушісі Жанар Алдамбергенова, оқытушылар мен студенттер қатысты.
Қазіргі таңда Refinitiv Лондон қор биржасы тобының (LSEG) бір бөлігі және әлемдегі ең ірі қаржылық және экономикалық деректер провайдері болып табылады. Оның сенімді және бай деректер базасын портфельдік менеджерлер, қаржы талдаушылары, зерттеушілер, экономистер мен журналистер бүкіл әлемде қолданады. Біз студенттерді деректерге негізделген шешім қабылдау тәсіліне үйретуге ерекше мән береміз, бұл озық деректерді басқару және талдау дағдыларын дамытып, дәлелге негізделген саясаттарды әзірлеуге мүмкіндік береді. Біздің қаржы бағдарламаларымыз CFA Institute және GARP (Global Association of Risk Professionals) тарапынан мойындалған.
«Экономика және деректер ғылымы» іскерлік әкімшілендіру бакалавры бағдарламасы нақты деректермен жұмыс істеуге арналған сандық және визуализациялау әдістерін қамтитын кең ауқымды деректер ғылымы компонентін өзіне біріктіреді.
