Нашар көретіндерге арналған нұсқа 
2024 жылдың 21-23 мамыры аралығында Maqsut Narikbayev University «Құқық» мамандығы бойынша оқу-әдістемелік бірлестігі ұйымдастырған сессия алаңына айналды. Maqsut Narikbayev University-де жоғары және жоғары оқу орнынан кейінгі білім комитетінің ұйымдастыруымен «Құқық» бағыты бойынша білім беру жүйесінде құқықтық білім беруді дамыту тұжырымдамасын әзірлеуге арналған стратегиялық сессияның ашылуы өтті. Бұл сессия Қазақстандағы құқықтық білім беруді дамытудың жаңа тұжырымдамасын талқылауға және әзірлеуге арналды.
Стратегиялық сессияның мақсаты – таяу жылдардағы құқықтық білім беруді дамытудың негізгі бағыттары мен басымдықтарын айқындайтын бірыңғай тұжырымдама жасау.
Сессия жұмысына құқық саласындағы жетекші мамандар, академиялық қоғамдастық өкілдері, білім беру саласының және мемлекеттік органдардың сарапшылары, сондай-ақ 52 жоғары оқу орындары мен ведомстволық оқу орындарының өкілдері қатысты: ҚР Бас прокуратурасы жанындағы Құқық қорғау органдары академиясы, ҚР Жоғары Сот Кеңесі жанындағы Сот төрелігі Академиясы және ҚР ІІМ Қарағанды академиясы.
«Біздің миссиямыз: біз, университетте жүрген әрбір адамға сапалы, қолжетімді білім беру арқылы адамдарға, қоғамға қызмет етеміз. Бұл біздің миссиямыз. Біз мұнда бір себеппен келгенімізге сенімдіміз. Алдағы уақытта студенттеріміз алған білімдері мен дағдыларын қоғам игілігіне жұмсайтын болады», – дейді «Құқық» кафедрасының ОӘБ төрағасы Талғат Нәрікбаев.
ҚР ҒЖБМ төрағасының орынбасары Гүлжан Жарасова өз сөзінде олардың үш күндік сессияда әзірлейтін құжаты маусым айында республикалық оқу-әдістемелік кеңестің бекітуіне ұсынылатынын айтты. Сондай-ақ ол бұл құжат құқық саласына кадрлар даярлауды өз мойнына алған әрбір университет үшін анықтамалық болатындығын атап өтті.
Сессия барысында қатысушылар құқықтық білім беру жүйесінің алдында тұрған барлық негізгі мәселелер мен міндеттерді талқылап, оларды шешудің нақты қадамдарын ұсынды. Құқықтық білім беру сапасын арттыруға, білім беру бағдарламаларын жаңғыртуға және оқытудың инновациялық әдістерін енгізуге ерекше көңіл бөлінді.
«Осы үш күн ішінде сіздер өз уақытыңызды тиімді өткізіп, оқып, жемісті жұмыс жасап, пікір алмасып, барлық идеяларыңызды көрсететін және одан әрі даму жолын айқындайтын жобалық құжатты әзірледіңіздер деп ойлаймын», – Көбенова Гүлзат Ізбасарқызы, ҚР ҒЖБМ ЖЖООКБК төрайымы.
Сессия қорытындысы бойынша қатысушыларға ҚР ЖЖООКБК ҒЖБМ төрағасы қол қойған сессияны аяқтағаны туралы сертификаттар табыс етілді.
Стратегиялық сессияның қорытындылары тұжырымдаманың соңғы нұсқасын қалыптастыру кезінде ескерілетін болады, ол еліміздегі құқықтық білім беруді дамытудың маңызды құжатына айналады.