Нашар көретіндерге арналған нұсқа 
Астана, 7 қараша – Maqsut Narikbayev University–де Қазақстан Республикасының Ғылым және Жоғары білім министрі Саясат Нұрбектің «Қазақстан – өңірлік білім беру хабы» тақырыбында қонақ дәрісі өтті. Министр Қазақстандағы жоғары білім беруді дамыту және осы саладағы халықаралық ынтымақтастық туралы сөз қозғады.
Саясат Нұрбек Министрліктің Қазақстанда халықаралық университеттердің кампустарын салу үшін жағдай жасай отырып, Қазақстанды ірі академиялық хабқа айналдыру жоспарында екенін ерекше атап өтті. Ол биыл елге оқуға 30 мыңға жуық шетелдік студенттер келгенін атап өтті. «Біз халықаралық университеттерді тартатын осындай экожүйені құра отырып, Қазақстанды академиялық орталық ретінде дамытуға ұмтыламыз. Мемлекет жер телімдерін бөліп, басқа да ынталандырушы шараларды ұсына отырып, бұл бастаманы жан-жақты қолдайды, бұл бастама ел үшін де экономикалық тиімді шешім болады», – деп атап өтті министр.
Сондай-ақ Министр Қазақстанның барлық студенттері үшін оқу бағдарламасының бір бөлігі болатын жасанды интеллект бойынша міндетті курсты енгізу жоспарлары туралы айтты. Google-мен бірлесіп әзірленген бұл курс цифрлық құзыреттілікті дамытуға бағытталған және жастарды қарқынды дамып келе жатқан цифрлық экономика жағдайында жұмыс істеуге дайындайды. Қазіргі уақытта еліміздің 14 университетінде пилоттық курс іске қосылып, болашақта оны Қазақстанның басқа ЖОО-ларында қолдануды кеңейту жоспарлануда.
Дәріс соңында Саясат Нұрбек студенттердің сұрақтарына жауап беріп, Қазақстандағы жоғары білім мен ғылымды дамытудың өзекті мәселелері мен келешегін қозғады. Академиялық ұтқырлықты арттыру, жас ғалымдарды қолдау және білім беру бағдарламаларының сапасын жақсарту сияқты тақырыптар талқыланды. Студенттер министрге өздерін толғандыратын сұрақтарға жауап алу және білім беруді дамытудың негізгі мәселелері бойынша Министрліктің ұстанымдарымен танысу мүмкіндігі үшін алғыстарын білдірді.
