Нашар көретіндерге арналған нұсқа 
Maqsut Narikbayev University-де Seoul Cyber University өкілдері болды. Тараптар өзара түсіністік туралы меморандумға қол қойды.
Әрiптестiк екi елдiң студенттерi мен оқытушылары үшiн академиялық ұтқырлық бағдарламаларын белсендi дамытуды көздейдi. Тараптар сондай-ақ бірлескен зерттеу бастамаларын іске асыруға ниетті. Келісім аясында озық тәжірибені беру мен оқытудың инновациялық әдістемелерін енгізу үшін тұрақты түрде кадрлармен алмасу көзделген.
Меморандумға сәйкес серіктес институт базасында ғылыми зерттеулер жүргізу мүмкіндігіне ие болатын магистранттарды қолдауға ерекше назар аударылады. Цифрлық ресурстарды бірлесіп пайдалану және ауқымды кітапхана қорларына қол жеткізу өзара іс-қимылдың маңызды бөлігі болды. Сонымен қатар университеттер білім алушылардың кросс мәдени құзыреттерін кеңейту үшін қысқа мерзімді маусымдық бағдарламалар ұйымдастыруды жоспарлап отыр.
Айта кетейік, Seoul Cyber University онлайн білім беру саласында үлкен тәжірибеге ие. Университетте заманауи бағдарламалық жасақтама мен озық білім беру технологиялары бар.
