MNU-да педагогтың құзыреттілігін дамыту бойынша пилоттық жоба жүзеге асырылды

Maqsut Narikbayev University-де кәсіби даму бағдарламасы – PDP Basic бойынша оқытуды сәтті аяқтаған оқытушыларға сертификат табыстау рәсімі өтті. Бұл – Professional Development Program (PDP) жобасы аясында пилоттық режимде іске қосылған бағдарламаның алғашқы түлектері.

Бағдарлама MNU-дың академиялық стандарттары мен білім беру сапасына қойылатын талаптарға жаңа оқытушыларды бейімдеуге бағытталған. Үш айға созылған білім беру курсына төрт модуль кірді: «Active Learning» (қызықты әрі белсенді білім беру ортасын құру), «Assessment» (объективті және қолдаушы бағалау жүйесін дамыту), «Content Design» (тиімді оқу курсын жобалау) және «Psychology of Teaching» (студенттермен өзара әрекеттесудің психологиялық аспектілері).

Курс лекторлары ретінде MNU-дың тәжірибелі сарапшылары – провост Сергей Пен, Quality assurance office жетекшісі Аңсар Өтегенов, сондай-ақ Senior Lecturer Хэнк Френкен мен Владимир Пошатылюк дәріс оқыды. PDP Basic жобасы Maqsut Narikbayev University-де академиялық әлеуетті жүйелі түрде дамыту мен үздіксіз кәсіби өсу ортасын қалыптастыру жолындағы маңызды қадам болды.

Бағдарлама аясында алынған білім мен дағдылар оқытушыларға заманауи оқыту әдістерін қолдануға және халықаралық стандарттарға сай сапалы білім беру өнімдерін жасауға мүмкіндік береді.