Нашар көретіндерге арналған нұсқа 
Endowment MNU қоры дәстүрлі түрде университет қауымдастығын қиын жағдайға тап болған жандарға көмек көрсету үшін біріктіретін жыл сайынғы MNU MARATHON 2025 қайырымдылық жүгіруінің басталғанын хабарлайды.
Биылғы марафон Жоғары құқық мектебінің 1-курс студенті Ерсұлтан Бөрібекке арналмақ. Ол үш айдан бері ем қабылдап келеді.
MNU MARATHON жобасы жыл сайын студенттерге қолдау көрсетеді.2023 жылы өткен Run for Sabina жүгіруінің арқасында Сабина университетке оралып, оқуын жалғастырды. 2024 жылы Run for Yeldar аясында Ельдарға көмек көрсетілді. Ол қазір оңалту курсынан өтіп жатыр және бір айдан кейін заңгер дипломын алмақ.
Жүгіру 24 мамыр күні сағат 07:30-да Астана қаласындағы Триатлон паркінде өтеді. Қатысушылар мына қашықтықтардың бірін таңдай алады: 400 метр (балалар эстафетасы), 3 км, 5 км, 10 км.
Жобаның ресми серіктесі – Астана қаласының триатлон федерациясы, ал бас демеуші – The Akan Building.
Тіркеу сілтеме бойынша ашық.
Марафонға қатысу – қайырымдылыққа үлес қосып, Ерсұлтанның сауығып кетуіне қолдау білдіру мүмкіндігі.
