MNU Провосты Жоғары білім сапасын қамтамасыз ету бойынша форумында сөз сөйледі

Maqsut Narikbayev University Провосты Анар Ибраева «Жоғары білім сапасын қамтамасыз ету: жай-күйі және даму перспективалары» форумына қатысты. Іс-шара күні кеше Астанада өтті.

Форум жоғары оқу орындарының ректорларын, мемлекеттік органдар, халықаралық ұйымдар, сараптамалық қоғамдастықтың өкілдерін, сондай-ақ білім беру сапасын аккредиттеу және бағалау саласындағы мамандарды біріктірді. Олар жоғары білім мен ғылымның сапасын қамтамасыз ету жүйесінің қазіргі жағдайы мен даму перспективаларын, технологиялық және нормативтік өзгерістердің жоғары және жоғары оқу орнынан кейінгі білім беру саласына әсерін талқылады. Қатысушылар сапаны қамтамасыз ету тетіктерін одан әрі дамыту, халықаралық ынтымақтастықты кеңейту және білім берудің ұлттық жүйесіне үздік шетелдік тәжірибелерді енгізу қажеттігін атап өтті.

MNU Провосты Анар Ибраева «Жоғары және жоғары оқу орнынан кейінгі білім беру саласын мемлекеттік реттеу жүйесін жетілдіру мен сапасын қамтамасыз ету» тақырыптық сессиясы барысында сөз сөйледі. Ол университет трансформациясының тәжірибесімен бөлісіп, ішкі сапаны қамтамасыз ету жүйесі туралы айтып берді. Сонымен қатар сессия жұмысына ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті, Ұлттық мемлекеттік ғылыми-техникалық сараптама орталығы, ҚР ҰҚК Академиясы, Мәскеу мемлекеттік халықаралық қатынастар институты және ASIIN аккредиттеу агенттігінің басшылары қатысты.

Айта кетейік, бұған дейін MNU-да Академиялық адалдықты ілгерілету бойынша республикалық форум өткен болатын.