Нашар көретіндерге арналған нұсқа 
Maqsut Narikbayev University халықаралық ынтымақтастықты кеңейту бойынша жұмысын жалғастыруда. Университет Қытайдың беделді оқу орындарымен өзара түсіністік туралы меморандум жасасты.
Бейжіңде өткен Қазақ-қытай іскерлік кеңесінің сегізінші отырысы алаңында келісімдерге қол жеткізілді. MNU провосты Сергей Пен Хэйлунцзян университеті (Харбин қ.) және Чжуннань экономика және құқық университетімен (Ухань қ.) меморандумдарға қол қойды. Сондай-ақ Шығыс Қытай саяси ғылымдар және құқық университетімен (Шанхай қ.) келісім жасалды.
Maqsut Narikbayev University-дің 100-ден астам шетелдік серіктестері бар. Жаңа келісімдер білім беру, ғылым және инновациялар саласындағы ынтымақтастықты кеңейтуге, сондай-ақ екі елдің серіктестігін дамытуға бағытталған. Бұдан басқа, студенттер мен оқытушылардың академиялық алмасуын қамтитын шет тілдерін оқыту жөніндегі жобаларды іске асыру мүмкіндігі туралы келіссөздер жүргізілді.
Айта кетейік, Қазақ-қытай іскерлік кеңесінің отырысы Мемлекет басшысының Қытайға ресми сапары аясында өтті.
