MNU студенті OQ STARTUP республикалық байқауында жеңіске жетті

Maqsut Narikbayev University студенті Нұрлан Құрышбеков OQ STARTUP қандас студенттер арасында үздік жоба республикалық байқауының жеңімпаздарының бірі атанды. Жарыстың ақтық кезеңі Астанадағы Отандас ғалымдар форумы аясында өтті.

ҚР Сыртқы істер министрлігіне қарасты «Отандастар» қоры ұйымдастырған байқауға қазақстандық университеттерде оқитын 50-ден астам қандас студент қатысты. Олар ғылым, мәдениет, IT, бизнес, медиа, волонтерлік, сондай-ақ шығармашылық және әлеуметтік бағыттар бойынша түрлі жобаларды ұсынды. Байқау қорытындысы бойынша MNU Халықаралық экономика мектебінің студенті Нұрлан Құрышбеков пен Nazarbayev University магистранты Алмабек Бексұлтанның жұмыстары үздік деп танылды.

Айта кетейік, бұған дейін MNU студенті Томирис Қаниева Лондон биржасы тобы конкурсының жеңімпазы атанды.