MNU студенттері National Geographic грантын алу мүмкіндіктері туралы ақпарат алды

Maqsut Narikbayev University-де National Geographic Society Азия-Тынық мұхиты аймағы бойынша атқарушы директоры Янник Кюль дәріс оқыды. Ол жас зерттеушілер үшін грант алу мүмкіндіктері туралы айтып берді.

Янник Кюль халықаралық ұйымның тарихы мен миссиясы туралы баяндады. National Geographic Society жұмысы экожүйені сақтауға, табиғат, мәдениет және орнықты дамуды зерттеу жөніндегі бастамаларды қолдауға бағытталған. Соңғы жылдары ұйым көптеген тілде ғылыми мақалалар мен бірегей фотоматериалдарды қоса алғанда, 83 елде 15 мыңнан астам жобаны іске асырды.

Янник Кюль грантқа үміткерлердің жобасы өзекті болып, таңдалған тақырыпты зерделеуге елеулі үлес қосуы тиіс екенін атап өтті. Сонымен қатар спикер студенттердің сұрақтарына жауап берді.