MNU студенттері Қаржылық қауіпсіздік бойынша халықаралық олимпиадада Қазақстанды таныстырады

Maqsut Narikbayev University (MNU) студенттері Қаржылық қауіпсіздік бойынша ұлттық олимпиаданың жүлдегерлері атанды. Олар ауқымды зияткерлік жарысының он жеңімпазы қатарында болды.

Олимпиадаға барлығы үш мыңнан астам студент тіркеліп, финалдық кезеңге 40 адам өтті. Қатысушылар тестілеуден өтіп, кейстік тапсырмаларды шешті. Жарыстың финалы Maqsut Narikbayev University-де өтті.

Олимпиада қорытындысы бойынша он жеңімпаз анықталды. «Құқықтану» бағыты бойынша MNU студенті Қуанышбек Аманбаев пен Karaganda Buketov University студенті Әлішер Ким жеңіске жетсе, ал «Халықаралық қатынастар» бағыты бойынша MNU студенті Мақсат Тілектес пен Yessenov University студенті Жасмина Закария үздік атанды. Барлық жүлдегерлер 2025 жылдың күзінде Ресейде өтетін Қаржылық қауіпсіздік бойынша халықаралық олимпиадада Қазақстанның намысын қорғайтын болады.

Айта кетейік, олимпиаданы ҚР Қаржылық мониторингі агенттігі «Заң және тәртіп» нарративі аясында ұйымдастырылды. Жарыс Maqsut Narikbayev University, AML Academy Қаржылық мониторинг академиясы, сондай-ақ Астанадағы ЕҚЫҰ Бағдарламалық кеңсесінің және Қаржылық қауіпсіздік саласындағы Халықаралық желілік институт өкілдерінің қолдауымен өтті. Ұйымдастырушылар атап өткендей, олимпиада жай ғана байқау емес, құқықтық мәдениетті нығайтатын, қаржылық құқықбұзушылықтардың алдын алуға бағытталған және болашақтың тұрақты экономикасын қалыптастыруға ықпал ететін маңызды білім беру жобасына айналып келеді.