Нашар көретіндерге арналған нұсқа 
Maqsut Narikbayev University-де жаңа оқу жылына қызу дайындық жүргізілуде. Күзгі семестр 2 қыркүйекте басталады.
Университетте сабақ басталар алдында профессорлық-оқытушылық құрамның қатысуымен Welcome day іс-шарасы өтті. MNU басқарма төрағасы Талғат Нәрікбаев ұжымды кезекті оқу жылының басталуымен құттықтап, алдағы жобалар туралы айтып, жұмыста табыс тіледі. Айта кетейік, биыл университет командасына 90 жаңа оқытушы қосылды.
Сондай-ақ MNU-да жаңа студенттерге арналған бағдарлау апталығы басталды. Бірінші курс студенттері университеттің инфрақұрылымы, оқу процесінің ерекшеліктері және сандық білім беру ресурстармен танысты. Сонымен қатар студенттер жеке және кәсіби даму мүмкіндіктері туралы толық ақпарат алды.
