MNU-да жаңа оқу жылы басталды

Maqsut Narikbayev University-де жаңа оқу жылы басталды. 2 қыркүйекте күзгі семестрдің алғашқы сабақтары өткізілді.

Биыл 1800-ден астам адам MNU-дың жаңа студенті атанды. Олардың арасында мемлекеттік грант мен университеттің ішкі грант иегерлері де бар. Бұдан басқа, университет Ұлыбритания, Қытай, Ресей, Германия, Түркия, Әзербайжан, Өзбекстан және Сербиядан 26 студентті қабылдады.

Биыл MNU бакалавриаттың 15 білім беру бағдарламасын іске асырады. Бірінші курс студенттері арасында сұранысқа жоғары мамандық «Құқықтану» болды. Бұған дейін университетте бағдарлау апталығы өтіп, онда оқуға түскендер жоғары оқу орнының инфрақұрылымы, оқу процесінің ерекшеліктерімен танысып, жеке және кәсіби даму мүмкіндіктері туралы толық ақпарат алды.

Сондай-ақ MNU жоғары оқу орнынан кейінгі білім беру бағдарламаларын таңдаған 300-ге жуық маманды қабылдады. Университет магистратура, докторантура және МВА бағдарламалары бойынша оқытуды ұсынады. Магистранттардың басым бөлігі мемлекеттік грант иегерлері болып табылады.

Айта кетейік, Maqsut Narikbayev University миссиясы – Біз қоғамға сапалы және қолжетімді білім беру арқылы қызмет етеміз.